Mavhesi emuBhaibheri Ane Mukurumbira kubva kuna ᤗᤢᤁᤠ 9

Pakurirana nevamwe

ᤕᤧᤛᤢᤖᤧ ᤂᤧᤱᤜᤠ᤹ ᤕᤠᤶᤔᤥ ᤔᤧᤳᤋᤢᤛᤡ. “ᤀᤠᤳᤋᤡᤸᤗᤧ ᤀᤡᤱᤃᤠ᤹ ᤋᤡᤶᤔᤠ ᤏᤡᤱᤘᤠ᤹ ᤆᤥᤃᤢ᤹. ᤜᤠᤖᤠ᤹ ᤂᤧᤸᤗᤧ ᤀᤡᤱᤃᤠ᤹ᤖᤰ ᤆᤠᤱ ᤌᤢᤅᤢᤱ ᤁᤧᤗ᤹ᤒᤠ ᤁᤢᤏᤡᤱᤘᤠ᤹ᤀᤡᤴ ᤛᤧᤖᤢᤀᤠᤱ ᤌᤡᤰᤕᤠ᤺ᤴᤎᤰ ᤛᤡᤗᤠᤶᤛᤠᤰᤔᤠ ᤁᤢᤛᤡᤱᤅᤡᤴ ᤐᤰᤂᤢᤀᤠᤱ ᤀᤡᤱᤃᤠ᤹ ᤋᤡᤶᤔᤠᤖᤖᤥ॥

ᤌᤣᤀᤠᤱᤓᤧᤸᤗᤧ ᤀᤠᤳᤋᤡᤸᤗᤧ ᤁᤢᤜᤡᤱᤔᤴᤏᤡᤴ ᤋᤠᤱᤛᤧ᤺ᤵᤋᤢᤱ ᤗ᤹ᤖᤡᤰ ᤏᤡᤱᤘᤠ᤹ ᤆᤥᤃᤢ᤹. ᤂᤧᤸᤗᤧ ᤂᤧᤴᤏᤠᤱ ᤔᤠᤛᤢ᤹. ᤁᤖ ᤀᤠᤳᤋᤡᤸᤗᤧ ᤁᤢᤜᤡᤱᤔᤴᤏᤡᤴ ᤀᤠᤗᤠᤃᤡ ᤔᤠᤛᤢ᤹. ᤂᤧᤸᤗᤧ ᤔᤧᤴᤏᤢᤵᤔᤏᤠᤒᤠ ᤜᤡᤱᤔᤴ ᤂᤥᤛᤢ᤹ᤖᤥ॥

ᤁᤖ ᤕᤧᤛᤢᤖᤧ ᤂᤧᤴ ᤏᤥᤃᤵ ᤐᤡᤖᤢ. “ᤜᤠ᤺ᤳᤗᤧ ᤁᤢᤜᤢᤰᤁᤡᤴ ᤁᤧᤰᤆᤢᤀᤥ ᤑᤳᤇᤢᤀᤠᤱ ᤀᤣᤃᤠᤱ ᤀᤥᤔᤧᤳᤋᤢ. ᤂᤧᤴ ᤏᤡᤱᤘᤠ᤹ᤑᤢᤜᤠᤱᤈᤢᤶᤔᤥ ᤔᤠᤱᤛᤧᤘᤠ ᤕᤠ᤺ᤶᤒᤰ ᤆᤥ᤺ᤰᤔᤠ ᤔᤧᤗᤠ᤹ᤖᤢᤴᤗᤥ॥”

ᤔᤧᤴᤇᤠᤶ ᤕᤠᤵᤔᤡ᤺ᤸᤗᤧ ᤁᤠᤰ ᤀᤡᤰᤛᤠᤍᤡᤱ ᤂᤠᤶᤒᤣ᤺ᤰᤔᤠᤴ ᤂᤢᤏᤧ᤹ᤀᤡᤴ ᤆᤥᤃᤢᤛᤠᤱ ᤁᤢᤜᤡᤱᤔᤴᤏᤡᤴ ᤔᤠ᤺ᤛᤢᤏᤧ ᤑᤠ᤹ᤃᤪ ᤏᤢᤒᤠ ᤐᤥᤱᤒᤡ᥅

ᤀᤠᤳᤋᤡᤴ ᤔᤏᤠᤴ ᤀᤡᤱᤃᤠ᤹ᤏᤢ ᤜᤧᤰᤁᤩᤠᤱ ᤀᤠᤒᤠ᤺ᤴᤈᤠᤰᤁᤡᤴᤏᤢ ᤛᤡᤖᤡᤱ ᤔ᤹᤺. ᤀᤡᤱᤃᤠ᤹ ᤔᤧᤴᤇᤠᤶᤛᤠ᤺ᤴᤏᤠᤱ ᤀᤠᤔᤡᤔᤡᤍᤡᤱᤏᤢ. ᤀᤠᤶᤒᤠᤖᤧ ᤁᤢᤔᤡᤔᤡᤍᤡᤱᤏᤢ ᤜᤧᤰᤁᤩᤠᤱ ᤛᤣᤛᤣ ᤔᤠᤱᤗᤠᤀᤡᤱᤒᤠᤜᤠ᤹ᤖᤧ ᤂᤢᤏᤡ᤹ ᤔᤡᤔᤡᤍᤡᤱᤏᤢ ᤕᤢᤀᤠᤸᤗᤧ ᤂᤧᤴᤏᤡᤴ ᤀᤠᤔᤏᤠ ᤐᤠ᤺ᤵᤔᤠ ᤛᤡᤖᤡᤱ ᤔᤀᤠᤖᤥ॥

ᤁᤖ ᤕᤧᤛᤢᤖᤧ ᤏᤥᤃᤵ ᤐᤡᤖᤢ. “ᤁᤡᤍᤡ᤺ᤵᤐᤠᤜᤠ᤹ᤖᤧ ᤗᤢᤱᤄᤢᤖᤡ ᤔᤧᤃᤳᤋᤢ᤹. ᤐᤢᤛᤠᤜᤠ᤹ᤖᤧ ᤜᤠᤵ ᤔᤧᤃᤳᤋᤢ᤹. ᤁᤖ ᤀᤡᤱᤃᤠ᤹ ᤔᤧᤴᤇᤠᤶᤛᤠ᤺ᤸᤗᤧᤃ ᤌᤧᤃᤣᤰ ᤏᤧᤔᤠ ᤋᤧᤴᤏᤠᤱ ᤔᤧᤃᤳᤋᤠᤴᤗᤥ॥

ᤜᤧᤰᤁᤩᤠᤱ ᤁᤢᤜᤢ᤹ᤛᤠᤶᤒᤠᤜᤠ᤹ ᤔᤧᤳᤋᤢᤛᤡ. “ᤀᤠᤳᤋᤡᤸᤗᤧ ᤀᤠᤔᤡᤱᤅᤥ ᤀᤰᤋᤱᤒᤠ ᤆᤢᤰᤛᤠ ᤜᤡᤴᤈᤠ᤹ᤀᤡᤴ ᤗᤠᤶᤍᤠ᤺ᤰᤋᤢ᤹. ᤂᤧᤸᤗᤧ ᤀᤡᤱᤃᤠ᤹ ᤗᤠᤶᤍᤠ᤺ᤰᤁᤠᤖᤥ॥ ᤀᤡᤱᤃᤠ᤹ ᤕᤠᤵᤔᤡ ᤗᤠᤱᤃᤧᤍᤠ᤺ᤰᤐᤠᤸᤗᤧ ᤀᤡᤱᤃᤠ᤹ ᤕᤠᤵᤔᤡ ᤁᤧᤒᤠᤱᤒᤠ ᤏᤡᤱᤘᤠ᤹ᤑᤢᤔᤠᤱᤅᤡᤴᤏᤠᤱ ᤗᤠᤶᤍᤠ᤺ᤰᤋᤢ᤹॥ ᤀᤠᤳᤋᤡᤴ ᤂᤡᤏᤡ᤹ᤀᤥ ᤁᤧᤖᤧᤰᤏᤢ᤺ᤸᤗᤧ ᤆᤢᤰᤛᤠ ᤆᤥᤰ. ᤂᤧᤴᤏᤣ ᤁᤧᤖᤧᤰᤏᤢ᤺ᤸᤗᤧ ᤕᤶᤒᤠᤖᤥ॥”