Mavhesi emuBhaibheri Ane Mukurumbira kubva kuna Mataio 18

Pakurirana nevamwe

Auā, ho he mea lava e fakatahi ai he toka lua pe he toka tolu i toku igoa, e i ei foki au ma ki lātou.”

“Ko tētahi mea tēnei e lea atu ai au ki a te koutou: ho he taimi lava e mālilie ai he toka lua o koutou i te lalolagi ke tatalo atu ki ei, ka vēnā lava oi fai mo ki lāua e toku Tamana i te lagi.

Oi kalaga atu ai ia Iehu ki he tamaiti ke hau ki a te ia. Kua fakatū e ia te tamaiti i mua o ki lātou, oi vāgana atu ai, “E takutino atu e au ki a te koutou, kāfai koutou e hē hūia ma kavea ke vē ni tamaiti, ka hē mafai lele koutou ke hao atu ki te Mālō o te lagi.

Ko te tino e hili ona tāua i te Mālō o te lagi, ko te tino e ia mafaia oi loto maulalo ma vē ko te tamaiti tēnei.

Ko ai lava he tino e ia talia he tamaiti vēnei i toku igoa, kua ia talia foki au.

“E takutino atu e au ki a te koutou uma; ko nā mea e fakahā e koutou i te lalolagi, ka fakahā foki i te lagi, ko nā mea e fakataga e koutou i te lalolagi, ka fakataga foki i te lagi.

Kua fakauma te tautalaga a Iehu oi lea vē atu ai, “Ka vēnā foki lava te mea e fai e toku Tamana i te lagi ki a te koutou uma tau tokatahi, kāfai e hē kē fakamāgaloa tō uho ma te loto fakamāoni.”

“Ko ai lava he tino e ia faia he mea ke uma ai te fakatuatua mai ki a te au o hētahi o ki lātou iēnei e tamaiti, e hili ai mo te tino tēnā te nonoa o he fatupae lahi lele ki tona ua, ma fakagoto ai ke malemu i te moana loloto.

“He ā he koutou manatu ki te mea e fai e he tino e i ei ni ana māmoe e helau, kae kua galo te fokotahi? E hē ia tukua nei nā māmoe e iva hefuluiva ke kakai i luga o nā mauga, kae fano oi hakili mai te māmoe kua galo?