Mavhesi emuBhaibheri Ane Mukurumbira kubva kuna Alukasɨ 12

Pakurirana nevamwe

A mbó bən, wəbɔʼ, nɨ tsi nɨ nchyɛ a nɨkyerə mbɨ́ʼ ngə́ Mɔn Ŋwɔn a ghɨ yen a nyom wa ka nɨ ntsiŋə awən ayi ɛ.”

Nɨ baŋnɨ nɨŋ mɨntəm ɨmən be a nye anu a nɨfɔ a wɛrə, wɛrə a mɨ tiʼ gha ɨdzúm tsiŋ ɨtsum a mbó bɨŋ ə.”

Yeso a tíʼ ngɛn nɨ mbyi ɨ soŋ a mbó bo bɨtsum ngə́, “Ŋaʼnɨ ɨmɨgɨ ɨmən nkɨ nkyɛm ɨtumbəm ɨtsən a mbó mbúŋ amyiɛnɨngám ɨtsum; mbɨ́ʼ ngə́ ntsi mbyi ŋwɔn ka ɨ be ayi ɨdzúm tsa a tsinɨ nɨ tsɛrə, kə a tsi nɨ ɨdzúm be lə ghe.”

Mbɨ́ʼ ngə́ ntəm ɨgho chyɛ̌ lá tsɛʼ adiʼ wa afuʼ azo atsum a tsinɨ ɨwu ə.”

Ntsi mbyi ɨzɨŋ chi satɨ mbáʼ be nɨ mbǔʼ ɨnye mbɨ́ʼ a zɛrə le?

Yeso a tíʼ sóŋ a mbó bɨyɛʼ ɨbyi ngə́, “Ma lan, ma tiʼ nkwiʼtɨ ɨ soŋ a mbó bən ngə́ á nɨ keʼ mbǔʼ ɨnye ɨtsən mbɨ́ʼ ntsi mbyi; nɨ keʼ mbǔʼ ɨnye mbɨ́ʼ mɨdzɨ kə mbɨ́ʼ ɨtsɛʼ tsa nɨ mɨ wəgɨ a ɨnye bɨŋ ə.

Tsɛʼ ɨnyɔŋ atú tsa tsɨ tsinɨ atú gho bɨ kwaʼnə a tsɛrə ɨtsum ə. Ma lan, á nɨ keʼ mbɔ́gə́ ghe; ndvuŋ ɨwɨŋ tsi atɨ́ ntsa wu ɨnɔ nchwaŋə ghe!”

“Nɨ lá tsɛʼ ɨbɛn a nɨ́sháŋnɨ́ ə, nɨ keʼ bɔgə, mbɨ́ʼ ngə́ nɨdorɨ tsi a ntəm Ta ɨwən a ngá nɨfɔ ɨni a mbó bɨŋ ə.

A nɨ liŋ ɨkaŋa; ka bo mbiə awa mɨdzɨ nkeʼ nkə́ fuʼə ghe; ka bo nchyɛ̌ awa nɨ mɨntaŋ a saŋ mɨdzɨ ə; lá Ŋwi a dzɨgɨnə awa ghe! Lá nɨ tsa bɨsɨ́ŋ tsɛʼ nkə!

Ma lan, á nɨ keʼ ɨnye ɨtsɨŋ a mbúʼə mbɨ́ʼ ɨdzúm tsiŋ ɨtsum, ngwiʼə awən nkfu tsum mbɨ́ʼ azúm za nɨ mɨ dzɨ ɨ kɨ noə.

A wə́gə́ Ŋwi ngwəgɨ ɨtsɛʼ a nye ngyɛn mɨbaʼ — ngyɛn za mbáʼ o zɛ́nə́ sɨŋə ndó ndo ɨzo kɨ́káŋ, mbɨ́ʼ ngə́ bɨ tɔn nɨ ɨmugɨ ə. Be Ŋwi a boŋ lá abə́ŋ atsɛʼ ake a ngwə́gə́ a ɨnye bən le? Abeməntəm azən a kɨ́gɨ́ be tɨsɨŋə.

Azúm atsum za bɨ bɔmtɨnɨ bɨ ghɨ shwirə, á mɨnaŋ tsum a kyɛ́ʼnə́.