Mavhesi emuBhaibheri Ane Mukurumbira kubva kuna মথি 5

Pakurirana nevamwe

খ্যাংসুমুছু ছিইমিং ঙিরো তং অক্কা মাঃথা, ছুগি ছিঃমিং দাং আথাকমারা থাঃরি। য়হ্লকপ্রিইমা ইংমা আলুংসো আরং রাঃরি। য়াংচা পুয়েং নাংরো অারংলি, লুঃউরো হ্রিইগা তকপেচি, যাফুলিছুগি নাংরোমা আকং অলুককো ম্রাংরো, নাংরো গংখাং ফুংমা ফাখাংচা খিম্যুওয়েংরি।

“নাংরোচা লঃগামা আরং। তং আথাকমা ম্রুঃচা ফুং মিনিংনৈং।

যাসুউরোমা চিইদানাচা পব্রং, য়াংসুউরো কেইং কংরি, আক্রংগা য়াংসুউরো থাওরা ফোরাগু ম্রাংরাঃমি।

যাসুউরো চিই ঞ্যইংনা থাওরা ফোরা ঈ ছেংদা আলৈই লুকখ্যাংরি য়াংসুউরো কেং কংরি, আক্রংগা য়াংসুউরোমা য়াং ছেংদাচা আব্রিচুং ফ্রইফু।

ছুগি ঙা নাংরোগু প্ররি, নাংরোমা রেংসুউরোগুলি খ্যকে। যাসুউরো নাংরোগু আঞ্যচি প্যাংগেতি, য়াংসুউরো আতুওয়ক ছুউক তংগে,।

“চিইদানামা যাসুরো কোঃগু ছাংরিসা ম্হেতি য়াংসুউরো কেইং কংরি, আক্রংগা গংখাং ফুংচা য়াংসুউরোচা।

লুঃউরোগু চিই আখেংসা পিইফু কিজু যাসুউরো অলুক লুকতি, য়াংসুউরো কেইং কংরি, আক্রংগা থাওরা ফোরাচা, কোঃ সাঃছুরো খঃমি।

যাসুউরো চিই নাঃগেতি, য়াংসুউরো কেইং কংরি, আক্রংগা য়াংসুউরো চিই আখেংসা রাঃমি।

থাওরা ফোরা ছেংদা আলৈই লাঃরো যাসুউরো আঞ্যচি ফ্রইতি, য়াংসুউরো কেইং কংরি, আক্রংগা গংখাং ফুংচা য়াংসুউরো কিজু।

যাসুউরো সাঃনাখ্রাং হিকরি, য়াংসুউরো কেইং কংরি, আক্রংগা য়াংসুউরো ছুঃউক রাঃমি।

“নাংরো কেইং কংরি, যাখা লুঃউরো ঙা কিজু নাংরোগু ম্যাকন্হা ফ্যাকতি অর আঞ্যচিই প্যাংরি অর মুসুওয়া প্রঃরো, নাংরো নাঃমিনা হিকচা মুসুওয়া প্ররি।” নাংরো প্যগে-খুংগে, আক্রংগা গংখাং ফুংমা নাংরো কিজু ছুঃউক হিকরি। নাংরো হ্রিইগা যা রিসিইরো হিকলিরি, লুঃউরোচা য়াংসুউরোগুলি দিঃ পুয়েং আঞ্যচিই প্যাংগেরি।

যাসুউরো রুসিই আক্যাং, য়াংসুউরো কেইং কংরি, আক্রংগা লঃগাচা য়াংসুউরোচা।

“নাংরোচা লঃগামা ছাঃ, ছুগি ছাঃ ডেঃরা প্যাকরো লাঃগি, যা পুয়েং প্যাংরো ছাঃ ডেঃকো রাঃফুলিঃ? য়াং ছাঃচা তেরেঃপাংমা আসুং মওয়ংব্যা। য়াংচাগো প্রাংদুঃ বৈফু অর লুঃউ নাংরো বৈফু তেংরিব্যা।”

য়জংকিছু প্ররি, নাংরো গংখাং ফুংমা ফাখাংচা যাপুয়েং চাংক্রিসঃলিঃ, নাংরোলি য়াংপুয়েং চাংক্রিসঃ ফ্রইকে।

নাংরো চাঃগাচা ‘হুত্তি’ আঃরামা ‘হুত্তি’ অর ‘মুহু’ আঃরামা ‘মুহু’ ফ্রইঅং; দিঃ চাথাক আরুওয়েং প্রগি য়াংচাচা মকং চিইকা ফ্রইতিব্যা।

“নাংরো ক্রারো হিকরি, ‘ম্যাকচি আঃরামা ম্যাকচি অর সুওয়া আঃরামা সুওয়া।’ ছুগি ঙা নাংরোগু প্ররি, খ্যাংসুমুছু নাংরোগু চিইনাঃঞ্যং প্যাংগি, নাংরো য়াংসুউগু তুখুউলি ছেংগ্যাংফাক মুলুককেকি; প্রফুছুগি খ্যাংসুমুছু নাক ঞাফাক পাঃমা পাঃন্হককি, য়াংসুউগু অরতাব্রাক্কা পাঃ ন্হাকফু পিইলৈ।

“নাক ঞাফাক ম্যাকচি নাক্কু অাপ্রই লেংদুঃ ঙাংগি, য়াংখা ম্যাকচিগু থুওয়েরো বৈলঃ। নাকমা কেইংথালুং আপ্রইমা ক্যাফু হ্রিইগা, কেইংথাগা তুখু প্যাকচা কংরি। নাক ঞাফাক আলাক নাক্কু আপ্রইদুঃ ঙাংরিছুগি, য়াং আলাককো ফ্রেবলৈই। নাকমা আলুং কেইংথাচা আপ্রইমা ক্যাচাথাক, কেইংথাগা তুখু প্যাকচা কংরি।