Mavhesi emuBhaibheri Ane Mukurumbira kubva kuna Luka 14

Pakurirana nevamwe

“Koohweeh w'u kihh t'ang langdang na dhangg baah wall a'n mett pukhun mwopp kihh nhikhin, kihh mat niy, kihh zhepp niy, kihh em'nhikhin wu'daass kihh wu'raapp mwopp weett, harr kihh seen niy zag mou, bhi baah nyi p'ee mak dheeh gu'dumdang na mou.

Yakhal koohweeh w'u baah m'ang sheepmuutt miin'niy langdang na mou, bhi gwoh ni mak dheeh gu'dumdang na mou.

P'ee kapp gwooh kihh eepkaah niy, bhi mwopp p'ee sam kihh nyi, dhanngg koohweeh w'u kihh sam kihh kaah niy bhi mwopp pee eep nyi.”

A kihhsheh zag, koohweeh dhighin wunn w'u baah shikhir kihbwoon niy bii w'u nyi kihh mwopp weett mou, bhi mak dhen a gu'dumdang na mou.

“A weeh dhighin wunn, w'u kaddhangg kihh t'ang dyik gag m'ee luhdhengg, bhi kan nyi p'ee tong tihh k'un bii w'u dy'ik ni p'ee y'aa diy, tihh man diy kooh kyed riy kihh shaghal w'u p'ee dyik luh ni khibhid dhangg mou? Kihhsheh mou, bhi mihh shee kugluh ni, dhangg baah yakhal dyik luh ni khibhid mou, bhi kooh mhirangg w'u mwopp naah luh ni, bhi mwopp p'ee grangg gwoh ni mwopp kihh satt le, ‘Hai-hai, gwoh mhize dhoghol shee dyik gag m'ee luh se weett dhangg baah mak khibhid nyi mou.’

Kop kihhsheh, mihh ghi shed soh'var, bhi gha nang a mhipyaah mwopp, kihh kud, kihh kwag wonn mwopp, kihh mhivughum mwopp zag. A kihhsheh bhi Naan pee le'wurett gha, p'ee mwooh kihhsheh ni p'ee mak kwat ry'ang soh ni gha mou; a Naan p'ee p'ar kwat gha, p'ar w'u yakhal diy kihh mhi-shigrett mwopp kih peemuutt.”

“Kiihn a bii wu'rett, weett kihhsheh mihh kiihn shaall nook shangg, bhi mwopp p'ee sh'in a rangg kihh nyi tihh waa shangg dyi kop sat? Baah nyi kihh m'ee kyeenn diy kooh p'ee l'e dhighin maarr, kooh p'ee chiit kih zhug mou; mwopp p'ee kor nyi seh kr'ong. “Gu kom klihngpee, klihng oou!”