Mavhesi emuBhaibheri Ane Mukurumbira kubva kuna Yʉanɨ 12

Pakurirana nevamwe

Ndʉ mombi akʉnda nɛmɛ kʉkyananakɨa, ʉkwanana nɛmɛ kʉkpata, nʉ mombi ʉ kuu ngiasɛmɛ ʉkwanana kʉ kuɓio izi kʉ iɓomu akʉ maɓio‑ɛɛ. Ndʉ mombi anakyananakɨa ɛmɛ, Tidoo a꞊mʉbɨba bɨbaa.

Mombi ngia akʉnda ʉɓɨɨ nguangɔ makʉɔngɔ, a꞊uyangiso yangisoo. Ɨkyɛmɨngana, mombi ngia ambʉkʉchɨka ʉɓɨɨ nguangɔ ndʉ ɨkyɛmɛ akʉ ɨtaka ngiakɛ, a꞊ʉpɨmakɨa pɨmakɨaa akʉ ʉɓɨɨ wʉ mɨtʉ yɨ ɨpá nʉ mɨtʉ yɨ ɨpá.

Maninu kusigio tʉkʉ kingono ɓɔ: ndʉ 'ukpekpe wʉ nganʉ waaɓwana akʉ ɨtaka chʉkɔmʉ wambuwo, waatukuo tʉkʉ 'ukpekpe wɔngɔ mungono. Ɨkyɛmɨngana, ndʉ waawo, waanʉta tiga mikpekpe ɨja.

Ɛmɛ ma꞉ka akʉ ɨtaka ndʉ wanga, aka ekoo ngia ɓɔ mombi kʉ uɓomu ngia a꞊nabaya, ɔɔɓiokɔmʉ ɓata amati ʉ umomo.

Ndʉ mombi akɔ mapanʉ ngikʉsɛmɛ chʉkɔmʉ ambʉkʉkyananakɨa, chʉkɔmʉ ɛmɛ kʉ ma꞊tɨna 'ʉkɔmbɔ nguangɔ. Jʉ ɛmɛ ma꞉kakɔmʉ kʉnapɨa ɓombi ɓʉ ɨtaka nʉ 'ʉkɔmbɔ. Ɨkyɛmɨngana, ma꞉ka naɓɔ kuhiiso.

Kija Malɨa a꞉chɨka igbiti yɨ lɨtɛlɛ mʉngana wʉ malazi wɔɔ uɗo wʉ ɨgabʉ ɓʉmʉ uwa ɓa꞉ʉtambanaka nʉ mɨsanga yɛɛ mve tɨpɨ tɨpɨ yɨ ɨwʉa mɨngana ɓɔ. Kija a꞉tioko nawɔ Yeso mɨtɨndɨ, ambʉmʉbɨaka nʉ ndii ngiangɔ. Ɨkáa kʉ iɓomu yambʉchɨka tii tʉkʉ imbo yɛɛ tɨpɨ yɨ malazi nguʉnanɨ.

Kija ɓa꞉chɨka mambá kʉ ɓadɨda ɓambʉsa nayɔ kʉjananɨa ɓinyeni kʉtʉɓɨa nʉ iyo yɛɛ ɓʉmʉ ɓɔ: « Asʉɓɨɨ ʉchɨka ɨbɨba! Asʉɓɨɨ umbuiso mombi ngia akʉka akʉ ino yɨ Makʉʉɓɨɨ! Asʉɓɨɨ umbuiso ngama ʉ Ɓaɨsalaɛlɛ kʉ mbuisoo! »

Yeso ambuɓutisio ɓɔ: « Wati wʉndana tiga ndananɨ, uwa Mwana ngia ʉ Mombi ʉkwanana‑ɔɔ kʉchɨka ɨbɨba. »