Mavhesi emuBhaibheri Ane Mukurumbira kubva kuna मति 13

Pakurirana nevamwe

कालाउ आधिमि द्‍याङगेलाइ रेम्का मिलिङ भाइका हि, जेता चालाइ बिन्हाका हि। वा परमेस्वरको बचन हिङतेङ ग्रहन पाखे। कालाउ आधिमि द्‍याङगेलाइ साइ गुना, आधिमि द्‍याङगेलाइ तुते गुना कालाउ आधिमि द्‍याङगेलाइ सुमते गुना पातेङ सेपाखे।

आधिमि द्‍याङगेलाइ चुइको झुन्झिता भाइका हि, जेता चालाइ बिन्हाका हि, जाइ इसिका द्‍याङ हि वा परमेस्वरको बचन हिङखे कालाउ सुमिङको सुरताहोइ, धनको मायारुहोइ कालाउ रेम-रेम्का आमेने तिङतेङ बचनहेङ लाअ्पिगिल्खे, कालाउ वा हिदोइ बुङ फल सेपालि मादोखे।

जेलाउ हासु बुङ परमेस्वरको सासनको सुसमाचार हिनावा, कालाउ बुङ माबुझियावा, कालाउ साइतान लावा, कालाउ वाको मनता जेदोङ बिन्हाकासो घिङतेङ चुम्पावा। दामा भारि बिन्हाका चालाइ चाहि इङको दोङ हि।

आतुइसा उन्ठुइ भाइका मिलिङ हि, जेता चालाइ बिन्हाका हि, या इसिका द्‍याङगेलाइ दोङ, जाइ दोङ लेङचातेङ परमेस्वरको बचन हिङखे कालाउ तुरुन्तै ग्रहन पाखे। जेलाउ इम्बालाइको जारि लिता थेकापा माजोनाङ परमेस्वरको बचन ताअ्लि मादोअ्खे ओदोङ भाअ्सिङ इम्बालाइ आले दिना थेकापा खिनिङ खाङधुरि पाखे। जेलाउ बचनको भाअ्सिङ इम्बालाइता दुख कालाउ सतावत लोखे, कालाउ इम्बालाइ एन्सालाउ दोङ परमेस्वरको बचन ह्रुता खाङधुरि पालि लाअ्खे।

परमेस्वरको सासन एनोङ मिलिङता लितेङ ताअ्का जाङका गाड्धन भाइका हिखे, हिदोइ बुङ द्‍याङ इङको निङखे कालाउ आरोङ लितेङ ताअ्खे कालाउ वा मेनाङ लेङचातेङ हानितेङ ताइको भए भरको धन-सम्पति पितेङ इङको मिलिङ चोल्खे।

कालाउ आधे चालाइ रेम्का भोनोइता बिन्हाहि, कालाउ आधे चालाइ साइ गुना, आधे चालाइ तुते गुना, कालाउ आधे चालाइ सुम्ते गुना सेहि।

सिसा मिङका सोमोइ थेकापा इङको न्हेमिहेङ दोफाङ बारालि पिसु। इङको सोमोइता का चेकालाइहेङ दोअ्ताङका लाम्फा सामा उतेङ मेता दुलिको भाअ्सिङ बोझा जिङसु, कालाउ गहमचाहि काङको भाकारता तापिसु।