Mavhesi emuBhaibheri Ane Mukurumbira kubva kuna Matəw 5

Pakurirana nevamwe

Cha wa moʼ awu nu umbə chəw anam u num ŋu zi aton ukuʼ. U bə chəw anam, u yə isiyə igun asin zənə umə isiyə anam akuŋ, da ami mə zayn abú ba ujum mbənə umə zaʼa ungɨŋ na. Amə nibə nigə nu úŋwen zayn zayn yi tey ifigi ba da u zən unó chuŋ mbənə mbə mə aghəy anigə iyere úŋwen Mbaʼ ŋunə umə azobo.”

“Mbən yə nə uzayn zayn abú isəg. Cha asin zənə u chimi igun ugum mə paʼa ma.

Nwiye ziyə aborobod igun ba mbənə fiŋ ma mə zayn Damugə umbi zən Nwiye.

Nwiye ziyə aborobod igun ba mbənə injəy mə zaŋa abú úŋwen ighəy anó zənə akəʼə Damugə Nwiye yi naʼ aghəy zənə umə kaba.

Asɨmə ayə ghayn inen kwi, mbən wuʼ umbən ba bana ni chaʼara Nwiye abú ba mbənə umə nwini itən inya ughəw

Yə ghayn kwi, “Nwiye ziyə aborobod igun ba mbənə u sayn unó uma ujum inya ubugə ma, Damugə umbi jəg anó ufon azobo.

Nwiye ziyə aborobod igun ba mbənə umə aghəy kwi ba chomo akə aborobod Damugə Nwiye yi tiya úŋwen kwi amə umbəŋ ma.

Nwiye ziyə aborobod igun ba mbənə umə dey, Damugə uyi boŋo úŋwen.

Nwiye ziyə aborobod igun ba mbənə u nwini inya ughəw uma damugə umə aghəy unó mbənə u kəʼə Damugə umbi jəg anó ufon azobo.

Nwiye ziyə aborobod igun ba mbənə umə nə adiri abú ba mbi Damugə Nwiye yi mə nə adiri abú úŋwen.

Nwiye ziyə aborobod igun inen umbən mbənə ba mə jimə ngwen, inwine itən inya ughəw, ighayn ukudu unó figi iboŋ ujum damugə mbən beni aŋu. Mbən ki wuʼe ngwen damugə Nwiye yi naʼa uneʼe kyayn inen azobo. Amə nibə anji zənə ba nwine inya ughəw ba ukən Nwiye mbənə mbə́ mə́ awu ki u mbən.”

Nwiye ziyə aborobod igun ba mbənə umə num inyo ma asey, Damugə umbi mə nə ghəy zənə Nwiye si kaʼ

Yeso ŋu imbey ni ghayn kwi, “Mbən yə nə ugwaŋ abú ba mbənə umə aki igun isəg. Asɨmə ugwaŋ bə si tu, cha nji amə aghəy u aghəy kwi uni gha nəmə. Cha aghəy amə aghəy ughəy nə ugwaŋ wu chigə kwi umbi waʼ ba ki yeŋ igun.”

Anigə mbən ni aghəy unó nu u boŋo mara numugə ungwen Mbaʼ ŋunə umə azobo məŋi.”

Mbən ghayn aba kwi ‘Aŋ kə indəʼ.’ Anó chini zənə wa mə ghayn ayə noʼo abú wa iboŋ.”

Yeso ŋu imbey ighayn kwi, “Mbən si zəw kwi mbə́ ghayn kwi, ‘Wa moʼ mbə́ toʼo ighɨ wa chini u nibi toʼo ima. Mbən nibi zəw kwi wa moʼ bə choʼo isoŋ wa chini u nibi choʼo ima.’ Asɨmə ayə ghayn inen kwi, wa moʼ bə aghəy anó iboŋ inen, ka mbən iwiy gwen. Wa moʼ bə feyn injə aba indəʼ, gha izi itey abú uŋwen fən.

Anigə, injə ighɨ jəgi mbə aghəy kwi ngwə gow anó, chiyə waʼ. Yə boŋ kwi ngwə nim asin inyo moʼ chigə umugə ngwə mi mə nə usin inyo ujum Nwiye maʼa ayə asin ingəʼ. Injə abugə jəgi bə aghəy kwi ngwə gow anó, səg waʼ. Yə boŋ kwi ngwə nim asin inyo moʼ chigə umugə ngwə mi mə nə inyo ujum Nwiye maʼa ayə asin ingəʼ.”