Mavhesi emuBhaibheri Ane Mukurumbira kubva kuna Záan 10

Pakurirana nevamwe

Ghlíighlíinyɔ ɔ́ɔ yie ɔ ká ghlíì, ɔ ká bhlá, ɔ ká ŋátà. Mà mɔ́ɔ, náa yi lé ná bhlábhlɩ́ɛ́ ká pʋ́, lé ɩ pʋ́pʋ́ɛ́ ká gɔ̀ plɩ́.

Mɔ́ɔ mnaá a kanyɔ mɔ̀glʋ̀ ɩ́ ŋwɔ́ɔ. Nyɔɔ́ ɔ̀ bhɩa mnaá a kalɛ neé a, ɔ́ɔ sa ɔ nyoku ɔ bhlábhlɩ́ a zà.

Ná bhlábhlɩ́ɛ́ pʋɛ ná niwɔlɩ nyúkwlí, lé ɩ́ yìì námasa lé ɩ́ jɩ́ɛ́ sáà mɔ́ɔ kʋ́.

Lé ɩ́ nyɩ́ɩ́ kɔ́ɔ́ ʋ̀ nɩ́ bhɩada ka a, ɩ nɩ ka kɔ́ɔ̀kɔ́ tuo a zà lé nyɔ nɩ́ ka sáà míi lé ɔ ká mɔ́ɔ mɩ́ wlɩɩ bhá.

Mɔ́ɔ, kpluó ʋ́mʋ́ ɩ́ ŋwɔ́ɔ, nyɔ nɩ blée mɔ́ɔ neé lé ɔ nɩ pla gbó a, ɔ́ yi ʋ́ neé wlʋ́, ɔ́ yi pla, ɔ́ yi zɔ̀ flʋ cémʋ́ ɔ́ wà a, lé ɔ́ yi ɔ́ yruú a lelilɩ yɛ́.

Mɔ́ɔ mnaá a kanyɔ mɔ̀glʋ̀ ɩ́ ŋwɔ́ɔ. Ɩ́ yì ná bhlábhlɩɛ́, lé ná bhlábhlɩɛ́ yì mɔ́ɔ

Ɩ Tʋ́ɔ́ ɔ̀ nyɛ́ mɔ́ɔ mɩ́ a, ɔ́ yrí lé ɔ́ plɩ́ gɔ̀, nyɔ nɩ́ ka míi lé ɔ ká Tʋ́ɔ́ lɛ́ gɔ̀ bhá. Yáa ɩ Tʋ́ sɔ́, à ŋwɔ́ɔ lɛ́ a múó.»

cémʋ́ Tʋ́ɔ́ yì mɔ́ɔ lé ɩ́ yìo a. Ɩ́zà ɩ́ sa ɩ nyoku ná bhlábhlɩ́ a zà.

Nyɔ nɩ́ ka míi lé ɔ ká ná kɔ́ mʋ́ gba, mà mɔ́ɔ mɔ̀glʋ̀ nà kʋ̀ʋ nyɛ́. Ɩ́ ka pɔ́wa lé ká ná kɔ́ɔ́ nyɛ́, lé ɩ́ ka sɔ́kʋ́ pɔ́wa lé ká ʋ́ mʋ́ bhá. Sɩ́tɛ̀ mʋ́ ɩ Tʋ́ srʋ mɔ́ɔ mà ɩ nɩ».

Zozíi srʋ á sɔ́kʋ́ mà: «Cɩ́cása a mnɩ́, náa srʋɛ amɔ mà mɔ́ɔ ŋwɔ́ɔ bhlábhlɩ́gbo a nékʋ́ a kplu.

Nyɔɔ́ kà moníi a múó a mʋ́mɔ nɔnʋ a, ɔ nɩ́ mnaá a kalɛ neé bhɩa, ɔ́mɔ́ ɔ̀ nɩ́ mnaá ka. Tányɩɛ́ mʋ́ ɔ nɩ yɛ́ vʋvʋmnɛ lé ɛ́ yie a, ɔ́ɔ tie ʋ́ bhlábhlɩ́ɛ́ lé ɔ́ gúé. Lé vʋvʋmnɛɛ́ pla bhlábhlɩ́kpaá nyièdɩ lé ɛ́ bhá mɔ̀ɔ bhlábhlɛ́ɛ́ ɛ́ wà a, lé ànɩ̀ɛ̀ jɛlɔ̀ sá.

Zozíi anɩ́ sɔ́kʋ́: «Wɔlɩ a cɩ́cása ɩ́ srʋɛ amɔ, nyɔ nɩ nɩ́ bhlábhlɩ́gbo a sríne blée lé ɔ ká mɔ̀ɔ pla, mà ɔ nɩ gblà gbó, ɩ́zà ɔ nɩ plɩ́ɩ yígàdà da lé ɔ nɩ pla gbó a mnɩ́ a, ghlíighlíinyɔ lé kàpàkápányɔ sɔ́ ɔ́ ŋwɔ́ɔ.