Mavhesi emuBhaibheri Ane Mukurumbira kubva kuna Luka 22

Pakurirana nevamwe

ahati: We Tata, inga witihagʼiwe ishikombʼishi shipitilile papane! Nkandi ne washʼine zye nkasimʼine, manyi wenewe zyengʼukasimʼiwe, zye zyinzaje.

Nkandʼine nkulaviyʼiwe ulwitiho lwaho ukuti lutadumushe. Nawe lelo inga lumo inga uyinzilʼukupinduha nohavili, pʼuve uvajimṿwajʼamaha avamwinyu.

Pʼahasendʼumukati, ahasalifwa, ahawumensulanya, ahavapa ahati: Uno we muvili wane wʼakuvafwila mwenemwe. She muhonzyaje vovulo, shima havanje aha kunkumbushila nene.

Shope nishikombe vovulo lwe valiye iṿwa shamazuva, ahati: Ishikombʼishi lwe lumfingwi ulwa mumavanda gane ge gakwitiha pazyinyu.

Ilelʼumwoyo lwʼakwelela nishitetemwi, pʼahapitilizya nkani ukuputa. Pʼamatwinsi gakwe gahava fwe malagaṿula ga mavanda lwe gakugwa pansi.

Imwe nyene mutahonzyaje vovulo. Uno wenga mupiti kulʼimwe, we pakuti ayipelajʼukuva munsi kuli vonti; uwenʼuno wenga wa kulongola kwilongolela, we pakuti ayipelajʼukuva wa kuvavombelʼavamwavo.

Uwene nyenʼahati: Uleshe nkuvuzye nene, we Peteli, we musanyʼuno lwʼinkandʼishili nukuvilishila, she pʼuyihanile hatatu kukwane iwe utili ntamumanyilʼine.