Mavhesi emuBhaibheri Ane Mukurumbira kubva kuna Yohani 6

Pakurirana nevamwe

PʼuYesu ahavavuzya ahati: Nene ne ṿwa kulya ṿipelavulanzi nenene. Uno wengʼakwinza kukwane, wʼitalimulumʼinzala, uno wengʼanitisilʼine, wʼataliyumilwa nalumo.

We wʼuMupepo wʼakumupʼuvulanzi umuntu, uwenʼumuvili wʼatakumupa naṿimʼumuntu. Amazwi ge mbavuzizyʼine, we wʼuMupepo, vwe vulanzi gugo.

Mwe, zye ndali ukuyikungula kuṿintu ṿwe ṿikutega, nkandi kuṿintu ṿwe ṿikusyala nakuvulanzi vwa shimashima, vwʼuMwanamuntu akuti mbapanje. Uwene we wuyo wʼuYise, uMulungu, amuvisile ukuva shimanyilo sha kumwitishila.

ShʼuwenʼuTata zyʼakasimʼukuti vonti ve vakumwenyʼuMwana, ve vakumwitiha wuyo, ukuti vavwajʼuvulanzi vwa shimashima. Ilelo pe nane ndivazyusya pisiku lya pampelela.

AhamulʼuYesu ahavavuzya ahati: Iyenʼimbombo ya Mulungu ye ya kumwitiha wuyo wʼamutumilʼuwene.

Vonti vuvo vengʼakumpʼuTata, ve vakwinza kukwane. Havili uno wengʼakwinza kukwane, we nane ntalimubunchilizya kunzi nalumo.

Pʼahamwamula uSimoni Peteli ahati: Mwene, twepe tuvale kwa nanu? Shʼamazwʼiga gakutupʼuvulanzi vwa shimashima gʼuli nago wenewe.

Nene ne ṿwa kulya ṿwa vulanzi ṿwe ṿifumile kumwanya. Umuntʼuno wengʼaliye iṿwa kulya ṿiniṿi, wʼalilandila shima. Iṿwenʼiṿwa kulya ṿwe ndivapʼine we muvili wane, we ndivapa ukuti ayipelajʼukuvʼuvulanzi vwa nsi.

Numʼatakwinza kukwane, ingʼatakumukwesela kukwanʼuTata wʼantumilʼine, ilelo we ndimuzyusyʼine pisiku lya pampelela.

Shʼiṿwenʼiṿwa kulya ṿwa Mulungu ṿwe ṿiṿwo ṿwe ṿifumile kumwanya, ṿwe ṿikuyipʼuvulanzi insi.

Nene ne ṿwa kulya iṿipelavulanzi nenene.

PʼuYesu ahasendʼamakati ganaga, ahasalifwa, ahavagavanya vuvo ve vatendime. Zyope ninswi vovulo, ahavapa mwe vasungwilwe. Ilelo lwe vikusi, pʼahavavuzyʼavasundikwa vakwe ahati: Muvunganishʼutulagala twe vatulesile, natumo tutatajishe.

Ilelo lwe valinzile vapezile imayili zitatu ingavanga zine, pe vahaga uYesu akuhanya akujenda pasumbi, vahaga asyaye pansi ukufiha kwivoti lyavo. Pe vahatetema. Uwene nyene ahavavuzya ahati: Nkwe nene, mutatetemaje.