Mavhesi emuBhaibheri Ane Mukurumbira kubva kuna Lúʼkáasʉ 8

Pakurirana nevamwe

Mbi zə̂u yi ə́ pfuŋtə́ lə́ yʉʼ ndesé shʉʼʉ laghʼ mbə̂ pye pi gháp zûʼ tsâr Sê, ə́ mbə́i, ə́ ndoʼó cər məntə̂ʉ shʉʼʉ, ə́ mə́ ngʉ̂ maa mpfu tsəm ghíʼ ə́ pə́ ntúŋú, ə́ ndaghʼ ńzə̂m gháʼá məntǎa shʉʼʉ yə́rə́.»

Mǐ pfúŋtə́ cər mə́kǎp-kǎp, ə́ pə̂ pye pi gháp zûʼ tsâr Sê, ə́ ndə̌r; ə́ nkə́u ncí ndə̂ nzuŋtə nzəm məfuʼ gháp pə məno nzʉ̂, měi fə́mə gháp. Lə́u gháp zə̂m gháp ntǎa po.

Mi ə́ pfúŋtə́ lə̂ məghǒ, ə́ pə̂ pye pi gháp zûʼ tsâr Sê, ə́ mpfû lə̂ lətsei, lə́ káa zěi lâr yé məŋaŋə məntə̂ʉ páp. Gháp pə̂i pə́ məyʉʼ. Nkwaʼtə lêi tə ńtó, gháp kâa lə̂ nkə́ ncóghʼ ntə̂ʉ lə̂ Sê.

A pou ndâʼ lə̂ ngaŋə-jyêʼ-no yé ngô: «Pə̂i-ntə̂ʉ zéi ghǒ?» Lə́ gháp kə pə́ mbóghʼ, ə́ pou ngí pə́ kəʼə gháp, gháp pə̂ ndâʼ təcər páp ngô: «Ŋuu wo gháʼa mbə́ pə̂ wǒ? A sâʼ fə̂m gháp pə mələ̂ʉ nci tə měi zûʼ ntsʉ yé.»

Məmbəm mi ə́ pfúŋtə́ ndəu laŋə́, ə̂ pye pi gháp zûʼ tsâr Sê, lə́ Sə́tə kə̂u məntə̂ʉ páp ńkwárə́, ə́ mbóghʼ ńgó, mboʼ gháp pə̂i, Sê ghʉ̂ gháp cwôr.

Zə̂u tsəm yi ə́ lwǒ táa kwǎr ndəu zǎa ntə̌ʉ-nəu, zə̂u tsəm yi ə́ pǒu mbə́ pə́ ləlwǒ, pə́ táa jí; ə́ pôu nkwâr lə̂ nkeʼ.

Məngyě wei jwô ńgó ləcʉŋ kéʼe, ə́ mə́ ŋə́i ńgwə̌r, ə́ ntó ńshíʼ ńnúŋ məku Yěso. Ə́ mbyétə́ ńdáʼ yé pə́ mbi lâʼ, ə́ zə̂u yi ə́ yǎa ncʉ́ŋə́ yé a poŋə́ kə̌u yé, mbaa mbə̂u yi a kə̌ ndaghʼ ntóghʼ ńshwítə́ pə̂ mpfu wêi. Yěso lâʼ lə́ zʉ́ ngô: «Ngwâa ghâa, pə̂i-ntə̂ʉ zô ghʉ o shwítə. Lər ghô lə̂ mbwórə.»

Ngaŋə-jyêʼ-no cʉ́ŋə mbáatə́ Yěso, ə́ njyě yé lə̂ təʉ, ə́ ndǎʼ lə́ zʉ́ ngô: «Cícye, Cícye paghʼə wo kwʉ́tə́ lə!» Yěso jye, ə́ sáʼ fə̂m gháp pə mələ̂ʉ nci, ə fə̂m záʼa, nci shîʼ, yʉʼ nâʼ ńgó ntə́uʼ.