Popular Bible Verses from Génesis 41

Pakurirana nevamwe

To ã nichʉ tʉhoro, José sehe õ sehe ni yʉhtiha tirore: —Yʉ mʉ sʉro yahu masieraca yʉhʉ. Cohamacʉ dihta mʉhʉre noano wahahto sehe mʉ cahãrire yahurohca —ni yʉhtiha.

à jiro tiro faraõ sehe to doca macaina pʉhtoare õ sehe niha: —Ne pairo ahriro yʉhdoro masirirore bocasi mari. Ahriro sehe Cohamacʉ to yoadohoa mehne noano masiriro jiri jira —ni yahuha tinare.

à ni tuhsʉ, Josére õ sehe niha: —Ahri jipihtiare Cohamacʉ mʉhʉre masichʉ yoari jira. à jiro mʉhʉ bui masiriro ne mariahca. à jicʉ yʉ yare ñʉ wihbohtiro jiga mʉhʉ. Tuhsʉ, pʉhtoro jicʉ, yʉ jiri wʉhʉi dahrainare dutihtiro jiga. à yoa jipihtina ahri yahpa macaina mʉ dutiro seheta yoaahca. Yʉhʉ faraõ dihta mʉhʉ bui dutiriro jiihca.

à yoa pairo to macʉnocãre, dʉhsariro sehere tiro “Efraĩ” ni, pisuha. Tiro cʉ̃hʉre ã ni pisurota, õ sehe niha tiro: “Yʉ ñano yʉhdʉri yahpapʉ Cohamacʉ yʉhʉre pohna tichʉ yoara” niha. (“Efraĩ” nino, “Yʉhʉ pohna tija” nino nica hebreo masa ya dʉsero mehne)

Wahma ti pohna ti dʉcarirore “Manasé” ni, pisuha. Ã ni pisurota, õ sehe niha: “Cohamacʉ yʉhʉre yʉ ñano yʉhdʉri cjirire, ã jichʉ jipihtina yʉ coyea yʉhʉre ñano yoari cʉ̃hʉre bochʉ yoare” niha. (“Manasé” nino, “bochʉ yoariro” nino nica hebreo masa ya dʉsero mehne)