Mavhesi emuBhaibheri Ane Mukurumbira kubva kuna JƆN 6

Pakurirana nevamwe

Yesu ndeilɔ ti ma yɛ, “Nya lɔ ndɛvu ve mɛhɛɛi a nge; numui na a wa nya gama ndɔlɛ ɛɛ ngi lɔ, tawao numui na a la a nge ngi bolohu ɛɛ be.

Ngewɔ Yafei mia a ndɛvui ve nuuvungaa wɛ; nuuvu gbayei ii gbekpeni kulo bɛɛ. Njɛpɛi nasia ngi ndenga wu ma a pielɔ wu Ngewɔ Yafei majɔɔ na a ndɛvui ve.

Waa mɔnɛ mɛhɛɛi na va a jukulu, kɛɛ a mɔnɛ mɛhɛɛi na va a lo numu goohu i kunafɔ lɛɛvui ve ngi wɛ, tawao Nuuvu Hindoloi mia a yeemɛhɛi ve wu wɛ, ajifa ta lɔ Ngewɔ i ngi gɛnga yɛva a ngi jɔngɔ.”

Ajifa nya Kɛkɛi liimɛi lɔ a ji numu gbi lekee a nya gɔɔ kɛ Ngewɔ Hindoloi lɔ a nge, i la a ngie, i kunafɔ lɛɛvui majɔɔ; tawao nga ngi vululɔ ngi ngi wumbu hee hu kɛlɛma volei ma.”

Yesu i kpɛmboilɔ yɛ, “Na Ngewɔ longɔ wu pie tamia a ji wa la a numui na i njooyonga dunyei hu.”

Numu gbi lekee nya Kɛkɛ a ngi ve nya wɛ, a vɛfɛlɔ nya ma; tawao numui na a wa nya gama ngɛɛ ngi gbɛ kulo bɛɛ.

Saimɔn Pita i kpɛmboilɔ yɛ, “Ndemɔi, ye lɔ ma li ngi gama? Njɛpɛi nasia ta kunafɔ lɛɛvui ve numu wɛ ti bia lɔ yeya

Nya lɔ bledii vulungɔi a nge ngi gbuani ngelegoohu ngi yei; numu gbi i yeebledii ji mɛngalɔ, a vululɔ kunafɔ va. Bledii na nga fe ngi wɛ tamia a nya luwui na ngi wama fema aako dunyablaa gbi ti kunafɔ lɛɛvui majɔɔ.”

Numu gbi ɛɛ gu aa wa nya gama kɛlee nya Kɛkɛi a ngi laala; tawao nga ngi vululɔ ngi ngi wumbu hee hu kɛlɛma volei ma.

Gbamaile mɛhɛɛi na Ngewɔ a fe tamia a numui na i gbuanga ngelegoohu i yeinga kunafɔ lɛɛvui veva dunyablaa wɛ.”

Bledii na a ndɛvui ve tamia a nge.

Kɛ Yesu i blediisia wumbunga, i siɛgbua Ngewɔ ma, i kɔlɛkɔlɛ nasia ma ti yɛ heini; hii i pieni a nyɛi bɛɛ, numui gbi ti mɛhɛɛi na mɛ ti goo i ve vulii kpaŋ. Kia nungeisia ti goo i veni, Yesu ndeilɔ ngi gaalopoisia ma yɛ, “A yeengaingaingɔi yeemɔnii lɛma, hani gbi aa nyani.”

Kia ti maili sawa ɔɔ naani gani njɛi ya, ti Yesu lɔilɔ a jia Popɛi ya a lukpe ndɛndɛi gbla kɛ ti luwanga, kɛɛ i ndeilɔ ti ma yɛ, “Nya mia; waa luwa.”