Mavhesi emuBhaibheri Ane Mukurumbira kubva kuna YOHANES 8

Pakurirana nevamwe

Sug gida graga eihwededau Yesusohob, kaba, Yesus enara dou leng Parisi deit, endagai: Danin dedag mouf naugb daisema lusud se cinogo gin augwan. Dangga gareg en aimo dan, kaba, en emec se lobeigbogo deitero. Doba dan induf gini aisema en aud maireseb menau geb huhugb namcir.

Hang yen yemedag sogougb toua deitero. Doba sug yen yecinaga areg se geica ginohob, kaba, areg se geica gini eigdoc yen dau gin toua namcir.

Sug Yesus eiya, doba merug hosa dau leng Yahudi len merdoc ebdebin an enohob, kaba, en esulou len ucan gin deit, endagai: Sug yen yeicara yaimo dan indir an areg dan desai dou yen graga, hanoba yen yedag beim an namcir toua, kaba, yen yedag indan logodeh misenohob.

Dangga sug Allah Meisi dan desga yen, kaba, yen yemedag sesar men sogougb toua deitero, doba yen yarges dau ginohob.

Doba leng meru ouforoho se Musa men gomnomna dara leng Parisi graga, kaba, len merir lawun en terimda. Dangga Yesus en oho mergo. Hanoba en enara dou len, endagai: Gareg dau yen en emebesesar mougwa hombuma, kaba, en eng emeic igdahabi naugb en ed gida gin aimougtut.

Doba Yesus enara bauni len merir ucugb, endagai: Gareg dau yen en aimo sesar, kaba, en edag sesar men sogougb gin toua. Yen youman dan indir ginahabi, anai augwan asesa dag misen namcir.

Sug len laugwan louwa dau lanohob, kaba, Yesus oho mergo. Hanoba en eijidougwo gida graga, endagai: Daneh, ban beiya lusud graga len laugwan merug inggiroda? Sud hom ingma dau len, kaba, en emeigtou naugb emehin meresa ban deiteroei? Sug gida enara dag gin dou Yesusohob, kaba, en erougb en. Hanoba en enara endagai: Sug len gini, kaba, len lemeic gogom dou banero, kaba, dan toua demeic gogom dou banero.]