Mavhesi emuBhaibheri Ane Mukurumbira kubva kuna MATÌÙT 5

Pakurirana nevamwe

Nen, esage kìalogo sogoloak en sebelogo hagarek legat. We, esok telik oba hikenem apùnì ouma welagaikarek mene inebe obogat lìarinaperek. Atì hak he, hit hano hagatenem, it aike nen he, It hano hagarì'lùgì, ìlùk hinopase pogot oba mene a'nogo hogorasuak en he, hit apùnì ineilhanem atì hakeat lìarogo logoino o,” ìlùk yogoisasike.

Nen, apùnì kweangma lìarinapùkwe re, hirat welagep o. O kota punu ebe ba wùrìk mene hinakhousak he, mea o.

Nen, apùnì inetaùken omakeat tegelek welagaikarek mene atì, hobuk Ala ebe ineileken hogoin atì nen he, ina'la hai hakìkì logousak o.

Nen, apùnì sùpùrùk mel, i mel, nele agaikarek hak, Ala a'la akikerek mene esinethìlìk hagasu walok akagarek mene atì, sùpùrùk inalabut ning hogo nekarek hak, hobuk Ala nen ina'la hanorogo ebe mene wogisegein atì nen he, ina'la hai hakìkì logousak o.

Atì'nogo meneat he, an nen wene aike yì yogohisak. At ninopase Ala pogot oba mene mo esewerek logolìk kweangma lìarogo apùnì inoabùt weak mene lek, hano mene lek, obogat hesigat yarisìgìk, nen, moso pelakhei wagarek atì re, it higit hagarì'lùgì mene lek, kolo hagarì'lùgì mene lek, obogat hesik pelaksa wagìk, ikerek atì hak, hit hinopase Ala pogot oba mene againapùrìat asuageip ìlùk, apùnì hinom weak mene atì hinetawìrinapì logolìk he, it weagathinabì'lùgì mene atì, Ala nen hanorinabuagalùk, it hesik sapan ìkì logoino.

“Apùnì ina'la nen he, An he, Ala eilhanem, ebe mene hesik nelageik welagì, ìlùk akagarek mene atì, Ala awe a'ma hisikere'ma atoma esewerek irat atì nen he, ina'la hai hakìkì logousak o.

Nen, apùnì inom weagat were'ma, it aike nen lapuk hogo hisagarek mene an, at Ala nen he, Yì an nagainapùrì o, ìlùk yogoisegein atì nen he, ina'la hai hakìkì logousak o.

Nen, apùnì ina'la wiik-weak hogo welagaikarek mene atì, Ala nen inetaùken sebeligin atì nen he, ina'la hai hakìkì logousak o.

Nen, apùnì nen Ala a'la akikerek mene esinethagarek mene hesik it aike nen weagarinapenem, Ala awe a'ma hisikere'ma atoma esewerek irat asugun atì nen he, ina'la hai hakìkì logousak o.

Nen, apùnì inebe inetawìrogo welagaikarek mene atì, ninopase nen it etawìrinabigin atì nen he, ina'la hai hakìkì logousak o.

Hit oan werek kolek, hageat it ap Ala ane yogoisìkì lagaukwa mene weagarinapì lagaukwa hagat, hit an nebe hesik, it apùnì aike nen wenakhisìgìk, weagathinapìk, inapeliak enat hinabok ìkì logolìk, yì weak tì weak hinoba hìgìk, iko halok he, hina'la hai hakìkì logousak o. Hobuk ninopase pogot oba mene nen hùko mene wo'nisegein ìlùk, hina'la hano agìk, hai hakìgìk, hùkorogo ìkì logoino,” ìlùk yogoisasike.

Nen, apùnì inoabùt enago mene atì, Ala nen o abok yogonisasike atì, irat ese asugun atì nen he, ina'la hai hakìkì logousak o.

Atì'nogo yogoisasikesik he, “Apùnì yoma obogat hesik, mayu hake hirat welagep o. Mene re, mayu atì aik lek aga halok he, nena mene ba aik weregerasusak akegep. Lek o. Aik weregerasusak motok lek en he, kesalogo laksìlìk apùnì inesok en lìlìbùk warogo laksagarek o.

Halok he, ninopase Ala pogot oba mene oabùt hano motok katoksek logolìk etawìrinaperek hùk, hit atì'nogoat hinetawìrinapì logoino o,” ìlùk yogoisasike.

Hit en, Ì o, uogolùk halok, Ì oat unuk. Nen, Lek o, uogolùk halok he, Legat usak. Wene hùnogoat mene aike mangorasi lagep halok he, Ibilit oabùt weak mene a'nogo nen hina'la kagalho kolek ugun o,” ìlùk yogoisasike.

Atì'nogo yogoisasikesik, wene aike mel yogoisasike: “Hageat wene aike mel isukwa: Hineileken hemelho halok he, oko ineilekenat hemelusak. Nen, hinaik lakùlho halok he, oko inaigat lakùlusak, ìlùk isukwa mene atì hinasuk holhì lagep o. Atì'nogo meneat he, an nen wene aike yì yogohisak. Weagathinapa halok oko hùgùp o. Hinelokoken ebekwe lapuk hogo hinoato halok he, peikkwe inomat hoasuagalùk, ìnùgisasagat o.

Halok he, heileken ebekwe nen weagathabusak haga'laga halok he, hemelogo laksano. Hebe abireke etu ai'mo po lakhageinogo nen he, hemelogo laksìlìk o'moko nek were'ma hano. Nen, heki ebekwe nen weagathabusak haga'laga halok he, heki ebekwe atì tek hogo laksano. Hebe abireke etu ai'mo po lakhageinogo nen, tek hogo laksìlìk o'moko nek were'ma hano,” ìlùk yogoisasike.