Mavhesi emuBhaibheri Ane Mukurumbira kubva kuna Jɔ̃́ɔ́ 1

Pakurirana nevamwe

Kɛɛ nyɔ ɖíɛ́ ɓě kpɔ̃ ma ɔ jè dyi, ké wa taɓa ma ɔ hwìɖǐǐ. Ɔ jèɛɛ, ɔ nyí ma wa kpé, ɓɛ́ wa ké ma Gèɖèpɔ́ɔ̀ dyú ɓě jǔ.

Hwɛ̀ ɓɛ́ ɖɛ séín ké ma nìɛɛ, Wuɖuɔ̀ nì ma. Wuɖuɔ̀ nì ma ɓó Gèɖèpɔ́ɔ̀ gbo, ké ɔ kè Gèɖèpɔ́ɔ̀ mɔ̀ ma nyɔ dyúáɖò.

Ceɔ̀ fã̀ìn ɖé tíe-kpòɔ̀ mú, ké tíe-kpòɔ̀ seɛ mɔ́ìn ɓɛ́ìn.

Wuɖuɔ̀ zɛ̃̀ìn ma nyɔǔn-dyù mú, ké ɔ cĩ́ ma ɖé à hwìɛ̀. Mana nì ma ɔ kɔ̃ mìɔ, ké ɔ mɔ̀ ma jǎà-nyɔ̀. À dyé ma ɔ dĩ́ín-dĩ̀ìnɔ̀. Ɔ mɔ̀ dĩ́ín-dĩ̀ìn ɓɛ́ ɔ Ɓǎ nyí ma ɔ, sepóɛɖé ɔ mɔ̀ ma Dyú-gàà dyúáɖòɔ̀ jèɛ.

Ké dyììn ɖé ɔ múɛɛ, Gèɖèpɔ́ɔ̀ nyu ma ɖɛ séín. Ɔ se ma mú nìǐn, Gèɖèpɔ́ɔ̀ se ma ɖɛ ɓě ɓɛ́ ɔ nyu ma kà kɛɛ dyúáɖò nyuɛ ɓɛ́ìn. Fɛ̀ɛ̀ nì ma ɖé Wuɖuɔ̀ mú, ké fɛ̀ɛ̀ɔ̀ nyuɛ ké nyɔǔn-dyù ɓéɖé ma ce.

Wéɔ̀ nyɔ kɔ ma ɓó dyíɛɛ, Jɔ̃́ɔ́ dyé ma Jízɛ̀ ɔ gbo dyiɛ, ké ɔ ɖá, “Ɓě gmɔ̀ ɖéa, Gèɖèpɔ́ɔ̀ Ɓáɖáá-dyù mɔ̀ nyɔ zàà ɓóɖó-kpàà nyɔ ɓě nàmàǔn bũ̌in nyɛɛ nìàǒ wɛ̀.

Wuɖuɔ̀ nì ma ɓóɖó-kpàà kɔ̃. Gèɖèpɔ́ɔ̀ nyu ma ɓóɖó-kpàà dyììn ɖé ɔ mú, kɛɛ ɓóɖó-kpàà se ma ɔ dyí dyuò. Ɔ dyi ma ɔ mìɔùn ɓíɖí, kɛɛ ɔ mìɔùn nììn nyɔ ɓěɔ̀ se ma ɔ jè dyi kpɔ̃.

Ɖɛ nìà kɛ mɔ̀ ma ce jɛ́ɛ́ɔ̀. Ɔ mɔ̀ ce ɓɛ́ ɔ dyi ɓóɖó-kpàà kɔ̃, ké ɔ fã̀ìn nyɔǔn séín nyɛ.

Gèɖèpɔ́ɔ̀ tò ma gmaɔ̀ dyììn ɖé Mózè mú, kɛɛ mana kè jǎà dyììn ma ɖé Jízɛ̀ Kɛ́ɖɛ́ì mú.