Mavhesi emuBhaibheri Ane Mukurumbira kubva kuna LUKA 14

Pakurirana nevamwe

Kaci nge mutu mweza kuli Ami, oloze kexi kuhunga ise nanaye napuwenyi navana venyi navandumbwenyi vamalunga navava vamapwevo, e, namwono wenyivene nawa, kexi kuhasa kupwa kambaji kamiko.

Wose nawa mwakana kumbata kulusu yenyivene nakungukavangiza kexi kuhasa kupwa kambaji kamiko.

Mwomwo wose mwalilemesa ivene navakamwinyisa, kahou mwalinyisa ivene navakamulemesa.

Ngoco nawa, wexowo muli enu mwakana kuseza vyuma vyenyi vyosena, kexi kuhasa kupwa kambaji kamiko.

Mwomwo muli enu muli iya, hakusaka ngwenyi, atunge kapoxi, mwazeneka kuvangila kutwama nakulava fweto yakutungisa, amone numba nge ali najimbongo jakukamanyisa? Kucina pamo cose nale lyehi cihela nakuhona kukamanyisa, kaha vosena vaze vanacimono hinavaputuka kumuhenda, ngwavo, Ou mutu kana aputukile kutunga, oloze kahaxile kukamanyisako.

Oloze cose nautelekesa ciwanyino cakulya, Sanyika vaka-kusuvala navitonji navaka-kumbilikita natupuputa. Kaha naukatokwa, mwomwo kavexi navyuma vyakukuxixixilamo cekako, ngoco naukawana kukuxixixilamo ceka hakusanguka cavakakwoloka.

Mungwa uyema, oloze kaci nge mungwa unasamuka lyehi, navakauyemesa ceka naka? Kawatela kuuhaka kuwande cipwe kumulumba wawiloko. Vatu veji kuumbilanga tuhu. Ou ali namatwitwi akwivwa, evwilile.