Mavhesi emuBhaibheri Ane Mukurumbira kubva kuna LUKA 12

Pakurirana nevamwe

Nayenu nawa pwenunga mwalizanga lyehi, mwomwo halwola munazenekenu kuhaka kumicima, lukiko vene mwakeza Mwanamutu.

Oloze sakenunga wangana wenyi, kaha vyosenevi navakamihakilavyo.

Kaha avambile ngwenyi, Nyingililenunga, lilamenunga kulwiso lwosena, mwomwo kuyoya camutu kacafuma kukuvula cavyuma ahetako.

Mwomwo kuze kuli luheto lwenu, kwakuze vene nakupwanga namicima yenu nawa.

Muli enu muli iyaze hakulizakamina mwahasa kulihakila kuvite yimwe kucivuvu cenyi?

Kahambile kuli tumbaji twenyi ngwenyi, Xikaho nangumilweza ngwami, Kanda muzakamina myono yenuko ngwenu, Natulya ika? cipwe kuzakamina mijimba yenu ngwenu, Natuvwala ika?

Oloze cipwe jikambu jakumitwe yenu vajilava lyehi josena ma. Kanda mwivwanga womako, enu mwalema kuhambakana tujilili vavavulu.

Enu utanga wamikoko waundende, kanda mwivwanga womako, mwomwo wangana Senu namono kuwaha kumihanawo, xikaho.

Xinganyekenu makololo, mwomwo kavexi kukuvako, kavexi kwahako, kavexi navisete namazuvo avikumbako, oloze Kalunga eji kuvalisanga. Enu mwalema cikuma kuvahambakana tujila.

Enu kanda mukasakasaka ngwenu, Natulya ika? ngwenu, Natunwa ika? Kaha nawa, kanda mukatwama namucima wakukakasanako.

Xikaho kaci nge Kalunga eji kuvwikanga mwila wamuvipapa ngoco, ou naupwako lelo kaha, hamene hinavaumbila mujiko, kaha kexi kuhambakana cikuma kumivwikenuko numba? enu vakakufwelela cacindende.

Oloze kakwexi cuma cakufwika cimwe navakahona kufwikununako, cipwe cuma cakuvumbama cimwe navakahona kutacikiza.