Mavhesi emuBhaibheri Ane Mukurumbira kubva kuna Lk. 8

Pakurirana nevamwe

Ne kakhali bumiicho bubwakwa mwiloba lilayi buli nga abo baulilanga burume, babutiila lukali mu miooyo kimilayi kie buriaani, mala bekhaliilikha khukhwola nga baama kamatuunda.

Ne bumiicho bubwakwa mu mawa buli nga abo baulilanga burume bwa Wele ne kakhali bibiindu bikali bie mu limenya nga, liliembeelela, buiinda, ne limenya lie khukhwesangaasia babeene libakhola se baliinda lisuubila liabwe tawe.

Ne bumiicho bubwakwa khu lwanda buli nga abo ba bakaanila burume bwa Wele mu busangaafu mala se bali ne lisuubila likali tawe, basuubila khu siise sitiiti oli siise sie kamakhako siola ne bakwa.

Yesu abareeba ali, “Lisuubila lienywe lili waena?” Bauka lundi baria, mala bareebana bali, “Omundu yuno naanu niye? Ayibila akhaba ekhuungu ne bibuli bie kameechi, mala bimuria!”

Bumiicho bubwakwa khu ngila buli nga abo baulilanga elomo ne Sietani echa mala akibukula erura mu miooyo kiabwe nio bakhasuubila mala baonisibwe tawe.

“Sikila se siliio sisiindu sisiakukhuulilwa sikhalireerwa abuwaanga tawe; namwe sisiindu si siekisa sikhalimanyikha ne khureerwa abuwaanga tawe.

Nga omukhasi chana abona ali sanyala khwikisa tawe, echa ne alikho aaterema mala aakwa ebweeni wa Yesu aboola mu moni che babaandu boosi sikilile ne amutilakho lundi nga aonile abwene ne abwene. Nio Yesu amuboolela ali, “Mwana wase, lisuubila liowo liakhuoniisie. Cha ne kumuleembe.”

Babeeka bacha mala bamusiisimusia ne baloma bali, “Omwami, Omwami! Khwabuna!” Yesu asisimukha mala ayibila ekhuungu ne bibuli bie kameechi biboofu mala biasila, enyanja yayenjeela lukali.