Mavhesi emuBhaibheri Ane Mukurumbira kubva kuna Jon 15

Pakurirana nevamwe

“Inau mwasin bwatun taligaon waen, i kimiu rarana. Ihei tehe mwa bulu maiau, inau maia, i vi vwavwae bilin̄iai; huribe gisav lol te dum hano dagai niniau.

Kimiu giv bulu maiau, i inau nav bulu mai kimiu. Rarana sihav vwavwae te dum sibona; take vi vwavwae dumwi n̄an be vi tarihou mai talina. La hala mulei kunia gisav vwavwae tehe vaivotu be giv bulu maiau.”

Be giv togo aloloku i noḡu avoana vi togo alolomiu, giv hudaligi huri havanau tehe gabe gim doronia, giv lai dumwia.

Gin hav gita te luau; nan gita lua kimiu i nam uloi kimiu be giv vano ba bwavwae bilin̄ai, vwae gai gabe vi tu vai tuai. Haḡe Tata vi lai havanau tehe lalai kimiu gabe gim hudalinia lol ihaku.

Mwasin lolotabetabe gaivua gabe atatu vi lai dumwia hurira non buluana gabe vi lin̄ rahuna hurira.

Mwa dai n̄andu rarana duluai niniau gabe ram hav vwavwae tehe, i mwa bagaha rarana duluai gabe ram bwavwae, huribe vi melmelo tavuhai ba bwaevwae bilin̄ai.

Noḡu leo horai geki, giv tabetabe kimiu, kun gabe nam dabe kimiu.

Mwa seserai sarisarin Tamaḡu aluna be gim bwaevwae bilin̄iai; i la hala geki gim mai gi noḡu roron̄tai.

“Inau mwasin taligaon waen, i Tamaḡu kea atatun ute loloara.

Ihei tehe mwa hav bulu te maiau vi vohaian kaburai kun raran gai i vi ḡoru i rara kunira gea vi haran ḡoḡo ba bohaiana vai lol gabi, i rav oda aia.

“Nam bev ginau geki huribe noḡu samwarana vi togo dum alolomiu i be nomiu samwarana vi haraharai dum.

Be gim dabe noḡu leo horai giv togo lol noḡu lolotabetabe, kunia gabe nam dabe leo horai non Tamaḡu i nam dogo lol non lolotabetabe.”

Geki haḡea ginau gabe nan vevea lalai kimiu: giv tabetabe kimiu.”

Be gis vora bilan ureure, kunia ureure si tabe kimiu kun gabe bilana sibona. Take nan gita lua kimiu nin ureure geki, i kimiu gim hav vora te bilana; i bwatuna higea ureure mwa barihai kimiu.