daa tah mi habaˈ biti mi ƴinte caŋi fíyú. Wone un yínë kut, súrgíi sëˈ ay wah. Fu ot mi won ɗo ri, biti soˈ mi bee mi lahte kélfë yí daa paaˈuu soˈ sun, te mi kélfë i soldaar ɓal. Mi won ow yínë waa na gété rëe, ɗi saañ. Mi won ow kay aye raa, ɗi ac. Te mi won súrgíi sëˈ page yii bee raa ɓal, ɗi paŋ yaa. » Kelaˈ Yéesú unni kélfíi soldaara ra, ɗi éempé woni. Ɗi yíssëhté dúukëlí ɓëewë ñeyu tali ra na, won wa tih : « Mee ron won ra ee : mi ëllëy ɓëyí gémëˈté ɗeh ! Tali Israyel sah, mi ëllëy mani na. »