Mavhesi emuBhaibheri Ane Mukurumbira kubva kuna Tsumo 13

Pakurirana nevamwe

Anofambidzana navangwaru, anovawo mungwaru asi shamwari yamapenzi inopinda nhamo.

Munhu anobata muromo wake anochengetedza upenyu hwake asi anongoshamarara kutaura anozviparadza.

Munhu asingarove mwana wake neshamhu anomuvenga, asi anoda mwana wake anomuranga kwazvo.

Chawakatarisira munhu chikanonoka zvinoodza mwoyo asi chaunoda chikaitika ndiwo muti woupenyu.

Ururami hunochengetedza vane nzira dzakarurama asi chitadzo chinorigira pasi mutadzi.

Upfumi hunowanikwa nechimbichimbi hautani kupera asi anohuunganidza kashoma nakashoma anotohuwedzeredza.

Kuzvikudza, chako kumutsa nharo asi vanobvuma kupiwa mazano chavo ungwaru.

Munhu wakanaka anosiira vana vevana vake nhaka asi upfumi hwomuipi hunochengeterwa varurami.

Mwana akangwara anoteerera zvaanodzidziswa nababa vake, asi tsvuuramuromo haitsiuriki.

Munhu anoshora dzidzo urombo nokunyadziswa ndozvake asi anoisa mumwoyo zvaanege atsiurwa acharemekedzwa.