Mavhesi emuBhaibheri Ane Mukurumbira kubva kuna Luka 14

Pakurirana nevamwe

“Yuḍejwonse atsakiye kuniuḅa na kuwa mwanafund̯i jwangu, ni had̯i anitsake mimi kuchia babajwe na mamajwe, mukaziwe na wanawe, wanduguzwe na waimbuzwe na hat̯a maishaye mwenye.

Yuḍejwonse asiyeutsukuya muhiwe wa mpatsa na kuniuḅa mimi, huyo nkawezi kuwa mwanafund̯i jwangu.

Koro kula adzikuzie kadzasuswa nsi, na kula adzisusie nsi kadzakuzwa.”

D̯ubva ntaku mumodza jwenu adzeeweza kuwa mwanafund̯i jwangu pfasipfo kujibat̯a yonse eyonayo.”

Ni ga kahi yenu eyenaweza kumbaka nyumba pfasipfo kukaa chihako nguzi, ayowe kwamba ana vija vya kut̯osa kumbakia? Koro akitsahenda dzavyo, anaweza kuimbaka hi nyumba hat̯a ikifika kahikahi vija vya kumbakia vimusiiye nae atseweza kuisa. Na wantu wanaḍabva kumutsezea wakyamba, ‘Muntu huyu kaḍabva kumbaka ela nkakuweza kwisa.’

Wipfonawa na jila, hana makowesa, virema, vihewi na ntumbu matso. Nawe unavodhyegwa, hat̯a ikiwa kwamba ntawa kintu cha kukuipfa. Koro Muungu kadzakuipfa nsiku ya kufufujwa hawaḍe wamuhikiziyeo.”

Yesu kongeza kunena kamba, “Munyu ni mwema. Ela munyu ukitsowa hukuḍe kutsama wikonamala kuwa nako, unahendegwadze ili upate kutsama dza munyu kawii? Unawa kwamba ntaufae kwa kuhendea kiḍechonse, ndookomu unakwihigwa dhaka. D̯ubva awee na masikio ya kusikiiya, nasikiye!”