Mavhesi emuBhaibheri Ane Mukurumbira kubva kuna Luka 12

Pakurirana nevamwe

Ndookomu nanywi pia ni had̯i muwe t̯ayari, koro Mwana jwa Ad̯amu anakudza saa musiyoit̯aria.”

Ishinu nywinywi ulacheni Uhaju wa Muungu, na hayo yangine yonse anayamumpa.

Makisa kanena na wonse kawamba, “Manyani na mudzit̯unze na hamile, koro vija vinji ntavinamumpa muntu maisha ya ḍugha, hat̯a akiwa jabvadze.”

Koro hapfaḍe wipfonaweka nkandi yako ndipfo pfa mojowo wipfonatsaka kuwapfo.”

Ni ga kahi yenu eyenaweza kudzyongezea haya maishaye kwa kudzihangaisha?

Makisa Yesu kawamba wanafund̯iwe, “Ndiyo maana niyokumwambiani kwamba mutsemuud̯ama dzuu ya haya maisha yenu. Namutsemuud̯ama kwamba keso munaḍya kintu ga. Na wala namutsemuud̯ama dzuu ya hi mii yenu muḍabve kumamat̯a kwamba keso munavwaa kintu ga.

Muungu kamanya hat̯a kwamba vitswa vyenu vina nywii nyengaa! Ndookomu namutseshooga kiḍechonse, koro kwa Muungu nywinywi muna maana zaid̯i kuchia hat̯a kumbi zima ḍya nsongo.”

Nywinywi kit̯aro changu kiḍoḍo, namutseshooga, koro ni tsekea ya Baba jwenu kumumpa nywinywi uhajuwe.

Amaa t̯ayayoweni makuraḅu. Ntayaime na wala ntayavune. Ntaya vihaa wala pfantu pfaḍepfonse pfa kuwekea bvaro, ela Muungu anayaisa. Ehe fat̯i nywinywi, kwa Muungu ntamukwaa na maana zaid̯i kuchia nyuni?

Ndookomu namutsemuud̯ama kwamba munaḍyani ambu munanwani

Ikiwa kwamba mani t̯u, yeyonamea yeo makondeni, keso yakanyuuka na yakatsomwa, Muungu anayavwika malele mema dzevihivi, ehe fat̯i nywinywi anamuvwika chima ga? E nywinywi muna faro ndoḍo t̯i!

Kula kifinikizijwecho kidzapfenujwa wekeani, na kula kifitsijwecho kidzamanyikana.