Mavhesi emuBhaibheri Ane Mukurumbira kubva kuna Zvirevo 17

Pakurirana nevamwe

Shamwari inoda nguva dzose; Hama inoberekerwa kuti ibatsire pakutambudzika.

Mwoyo wakafara unobatsira munhu kupora; Asi mweya wakaputsika unowomesa mapfupa.

Munhu anofukidza kudarika kwomumwe, anotsvaka rudo; Asi anoramba achimutsa shoko, anoparadzanisa shamwari dzinodana.

Anozvidzora pamashoko ake, ane zivo; Uye ane mweya wakagadzikana, munhu wenjere.

Kunyange nebenzi, kana rinyerere, ringanzi rakachenjera; Anobumira muromo wake, achanzi akangwara.

Chimedurwa chakaoma chechingwa norugare, Chinopfuura imba izere nezvakabayiwa nokukakavara.

Kuvamba kwokukakavara kwakafanana nokudziurira mvura; Saka rega rukave, kurwa kusati kwasvika.

Anopembedza akaipa, noanopa wakarurama mhosva, Vose vari vaviri vanonyangadza Jehovha.