Mavhesi emuBhaibheri Ane Mukurumbira kubva kuna Zvirevo 11

Pakurirana nevamwe

Chipavurire achakodzwa; Uye anodiridza achadiridzwawo.

Mumwe ariko anoparadzira, achiwedzerwa; Uye ariko anonyima zvaakafanira kupa, asi zvinongomushaisa.

Kana kuzvikudza kuchisvika, kunyadziswa kwasvikawo; Asi uchenjeri huri kuna vanozvininipisa.

Kana vanhu vasingatungamirirwi nouchenjeri, vanoderera; Asi pavarairiri vazhinji ndipo pano ruponeso.

Zvibereko zvowakarurama muti womupenyu; Unobata mweya yavanhu ndiye wakachenjera.

Anofamba ana makuhwa, anobudisa zvakavanda; Asi ano mwoyo wakatendeka, anofukidza mhaka.

Munhu ane ngoni, anoitira mweya wake zvakanaka; Asi asina tsitsi anotambudza nyama yake.

Anovimba nepfuma yake, achawa; Asi vakarurama vachanaka seshizha nyoro.

Pfuma haibatsiri chinhu nezuva rokutsamwa; Asi kururama kunorwira parufu.

Kusanyengedzera kwavakarurama kuchavatungamirira; Asi kusarurama kwavanonyengedzera kuchaparadza.

Sezvakaita chindori chendarama mumhino dzenguruve, Ndizvo zvakaita mukadzi wakanaka kumeso asina kungwara.

Chiyero chinonyengedzera chinonyangadza kuna Jehovha; Asi kurema kwakakwana kunomufadza.