Mavhesi emuBhaibheri Ane Mukurumbira kubva kuna Isaya 35

Pakurirana nevamwe

vakasunungurwa vaJehovha vachadzoka, vachasvika Zioni vachiimba; mufaro usingaperi uchava pamisoro yavo; vachawana mufaro nomwoyo muchena, kuchema nokusuwa kuchatiza.

Simbisai maoko asine simba, mutsigire mabvi anodedera. Iti kuna vane mwoyo inotya, “Simbai, musatya! Tarirai, Mwari wenyu achauya nokutsiva, nokuripira kwaMwari; achauya achikuponesai.”

Ipapo pachava nomugwagwa, nenzira, ichanzi, “Nzira youtsvene;” ine tsvina haangafambi nayo, asi ichava yavo; vanofamba nayo, kunyange ari mapenzi, havangarashiki.

Ipapo meso amapofu achasvinudzwa, nenzeve dzematsi dzichadziurwa.

Ipapo anokamhina achakwakuka senondo, rurimi rwembeveve ruchaimba; nokuti mvura zhinji ichadzutuka murenje, nehova dzemvura musango.