Mavhesi emuBhaibheri Ane Mukurumbira kubva kuna Esiteri 6

Pakurirana nevamwe

Zvino usiku uhwo mambo akashaiwa hope, akaraira kuti vauye nebhuku yamashoko amakoronike, akaravirwa mambo. Vakawana kuti pakanyorwa kuti Modhekai akadeya kuzivisa mashoko aBhigitana naTereshi, varanda vaviri vamambo pakati pavarindi vomukova, vakatsvaka kuuraya mambo Ahashivheroshi.

Naizvozvo Hamani akapinda. Mambo akati kwaari, “Munhu, mambo waanoda kumukudza, angaitirweiko?” Zvino Hamani akati mumwoyo make, “Mambo vangada kukudza aniko, asi ini?”

Ipapo mambo akati kuna Hamani, “Chimbidzika utore nguo nebhiza, sezvawataura, undoitira Modhekai muJudha saizvozvo, iye agere pasuo ramambo; usarega shoko rimwe pamashoko ose awataura.”