Mavhesi emuBhaibheri Ane Mukurumbira kubva kuna Juan 21

Pakurirana nevamwe

Pagkakaꞌen nira, iningkut ni Jesus si Simon Pedro. Maat ya, “Simon, nga anak ni Juan, unu pagkayliyan mu aku subraꞌ pat kanira nga kayli it aken?” “Eeꞌ, Ampuꞌan. Urut mu na nga may pagꞌireg kut imu,” maat i tubag ni Pedro. “Ta in atkayan,” maat ni Jesus, “arigraen mut magayen i mga uꞌuybun nga tupa ku.” Iningkut kanya sit sumaꞌup ni Jesus. “Simon,” maat ya, “nga anak ni Juan, unu kamatuudan i kayli mu ngayat aken?” Tumubag siꞌ si Pedro, “Eeꞌ baꞌ, Ampuꞌan, magkaꞌrutan mu na nga may pagꞌireg kut imu.” “Ta in atkayan,” maat ni Jesus, “aypeten mut magayen i mga tupa ku.” Tulung saꞌup i ingkut ngayti ni Jesus ngayting magꞌaat, “Simon nga anak ni Juan, unu talagang, kamatuudan i pagꞌireg mu ngayat aken?” Nasmek si Pedro kat ikatlu ngayting ingkut it kanya, nga magꞌaat, “Unu, pagꞌirgan mu aku?” Tumubag siꞌ si Pedro, maat ya, “Ampuꞌan, talagang magkaꞌrutan mu nay muꞌsang mga bagay. Urut mu na gasiꞌ in sang unuy pagꞌireg kut imu.” “Ta in atkayan,” maat siꞌ ni Jesus, “arigraen mut magayen i mga tupa ku.

Kamatuudang-kamatuudan i pagꞌaaten ku ngaytut imu, nga iyan mangaꞌwaꞌen ka paꞌ, pagsadiliyen muy panaꞌbit mu baw magpanaw ka it in ari ireg mu nga panawan. Temed in gurang ka na, ibtir mu i mga alima mu baw belag nay pasaꞌbit it imu, baw tabanen ka na duꞌun it ega ireg mung aduꞌunan.”

Maat ya sit kanira, “Iꞌlug mi i lambat mi asan it iwanan nga ayun it sakayan mi ngayan. Makapisiꞌ kamu yan.” Iꞌinlug nira na. Unupat ega na magkabatun nira ka punuꞌ nat siminled nga sedaꞌ.

“Aa daꞌga,” maat ni Simon Pedro it kanira, “manlugitem akuy aken.” “In atkayan,” maat nira, “mayaꞌ kami.” Namagpanaw na sira. Pagꞌabut nira, namagsakay na. Temed ta, maski sangbat, egay napisiꞌ nirat naꞌaldawan.