Mavhesi emuBhaibheri Ane Mukurumbira kubva kuna Иоанн 21

Pakurirana nevamwe

Аһыы олордохторуна, Иисус Симон Петртан ыйыппыта: «Иона уола Симон! Эн Миигин кинилэрдээҕэр ордук таптыыгын дуо?» «Таптыыбын, Айыы Тойон, – диэбитэ Петр. – Мин Эйигин таптыырбын Эн билэҕин». Иисус эппитэ: «Мин барааннарым оҕолорун манаа». Онтон иккиһин ыйыппыта: «Иона уола Симон! Эн Миигин таптыыгын дуо?» «Таптыыбын, Айыы Тойон, – диэбитэ Петр. – Мин Эйигин таптыырбын Эн билэҕин». «Мин барааннарбын манаа», – диэбитэ Иисус. Онтон үсүһүн ыйыппыта: «Иона уола Симон! Эн Миигин таптыыгын дуо?» Кини үсүһүн «Эн Миигин таптыыгын дуо?» диэбититтэн санньыйан, Петр эппитэ: «Айыы Тойон! Эн барытын билэҕин. Мин Эйигин таптыырбын Эн билэҕин». Иисус киниэхэ эппитэ: «Мин барааннарбын манаа.

Дьиҥ кырдьыгы эйиэхэ этэбин: эдэргэр эн, бэйэҥ курданаҥҥын, ханна баҕарбыт сиргэр барарыҥ, оттон кырыйдаххына, икки илиигин быластыы уунуоҕуҥ, оччоҕо эйигин атын киһи курдаан, баҕарбат сиргэр илдьэ барыаҕа».

«Илимҥитин оҥочоҕут уҥа өттүгэр түһэриҥ, оччоҕо тутуоҕа», – диэбитэ Кини. Илимнэрин түһэрбиттэрэ – аһары элбэх балык кэлэн, кыайан хостооботохторо.

Симон Петр кинилэргэ: «Мин балыктыы барабын», – диэбитэ. «Биһиги эмиэ эйигин кытта барсабыт», – дэспиттэрэ анарааҥҥылар. Баран сонно оҥочонон киирэн балыктаабыттара да, ол түүн устата тугу да ылбатахтара.