Mavhesi emuBhaibheri Ane Mukurumbira kubva kuna Ioane 15

Pakurirana nevamwe

Ko au te vine, kotou te au rara: ko te topiri kiaku ra, e ko te topiri atu au kiaia ra, koia te ua maata: i taka ke kotou iaku ra, kare rava e mea e tika ia kotou.

Ka topiri mai kiaku, e naku e topiri atu kia kotou. Mei te rara kare e ua koia anake ra, kia kore e piri ki te vine ra; kare katoa kotou, kia kore e piri mai kiaku ra.

I topiri mai kotou kiaku ra, e kia noo marie taku tuatua ki roto ia kotou na, e pati ua kotou i ta kotou e anoano ra, e e orongaia mai ïa kia kotou.

Kare oki kotou tei iki mai iaku; ko au ra tei iki ia kotou, e kua akono ia kotou, kia aere kotou e kia uua te ua, ei ua kai roa: kia oronga mai te Metua kia kotou i ta kotou e pati atu ma toku nei ingoa.

Kia oronga te tangata i tona uaorai ora no tona au taunga, kare rava e tangata aroa maata atu i te reira.

E te au rara ua kore katoa i roto iaku nei, nana ïa e tipu ke atu; e te au rara ua katoa, nana ïa e tope, kia maata ua atu te ua.

Teia taku akauenga, kia aroa kotou ia kotou uaorai, mei iaku i aroa ia kotou.

Ko te mea ïa e akakakāiaʼi taku Metua, kia maata to kotou ua anga; e riro kotou ei pipi naku i reira.

KO au te vine mou, e ko taku Metua te tanu-kai.

Ko te tangata kare e topiri mai iaku ra, e akarukeia ïa mei te rara ra, marō atura ïa; ko te akaputuia ra, tiria atura ïa ki roto i te ai, pou atura ïa i te ka.

I karanga atu au kia kotou i teianei au tuatua, kia vai rai toku mareka ia kotou, e kia ki tikai oki kotou na i te rekareka.

I akono kotou i taku au akauenga, e vai akaperepereia atu kotou e au; mei iaku i akono i te au akauenga a taku Metua ra, e e vai akaperepereia mai au e ia.

Teia taku akaue kia kotou, kia aroa kotou ia kotou uaorai.

Naringa kotou no teianei ao, e inangaro mai to teianei ao i tona tikai: no te mea ra, kare kotou i to teianei ao, ko au i iki ia kotou no roto i teianei ao, i riri mai ei teianei ao ia kotou.