Mavhesi emuBhaibheri Ane Mukurumbira kubva kuna يُحَنَّ 6

Pakurirana nevamwe

عِيسَى وِعِ ࢡٜ‏: «مِنْ وٛنِ ࢩَامْدُ ندُ حٛکَّتَ نغٜىٰندَمْ؞ کٛو مٛيْ وَرِ حَا عَمْ، مٜىٰتَتَا مَاتُغٛ دٛلٛ سَمْ؞ کٛو مٛيْ نُطِّنِ يَمْ بٛو، مٜىٰتَتَا طٛمْطُغٛ سَمْ؞

رُوحُ اَللَّه حٛکَّتَ نغٜىٰندَمْ، ࢡَنْدُ نٜطّٛ نَڢَتَا کٛو طُمٜ؞ بٛلّٜ طٜ مِوٛلْوَنِ عٛنْ، کَنْجٜ نغٛنِ رُوحُ عٜ نغٜىٰندَمْ؞

تَا کُووٜ نغَمْ ࢩَامْدُ وٛنّٛتٛوندُ، عَمَّا نغَمْ ࢩَامْدُ تَبِتَنْدُ، حٛکَّنْدُ نغٜىٰندَمْ ندُومِيطَمْ؞ ࢩَامْدُ ندُعُ، ࢡِي-نٜطّٛ حٛکَّتَ عٛنْ ندُ، ڢٛدّٜ بَاوْطٜ طٜ عٛحٜࢡِ حَا اَللَّه بَابِرَاوٛ؞»

ندَا کٛ بَابِرَاوٛ عَمْ يِطِ‏: کٛو مٛيْ يِعِ ࢡِطّٛ ، نُطِّنِمٛ، حٜࢡِ نغٜىٰندَمْ ندُومِيطَمْ، مِعُمِّتِنَنْ مٛ دِغَ مَايْدٜ، ࢩَلَادٜ دَرْنغَلْ؞»

عِيسَى جَابِ ࢡٜ‏: «کُوغَلْ نغَلْ اَللَّه يِطِ وٛنِ‏: عٛنْ نُطِّنَ مٛ عٛنٜلِ؞»

مٛ بَابِرَاوٛ حٛکِّ يَمْ ڢُو، وَرَنْ حَا عَمْ؞ کٛو مٛيْ وَرِ حَا عَمْ بٛو، مِوُدِنْتَا مٛ يَاسِ؞

سِمٛنْ ݠِيٜرْ جَابِمٛ‏: «جَوْمِرَاوٛ، حَا مٛيْ مِنْ نجَحَتَ؟ عَنْ عَوٛودِ بٛلّٜ دٛکَّنْطٜ نغٜىٰندَمْ ندُومِيطَمْ؞

مِنْ، مِ ࢩَامْدُ يٜىٰرُ، جِݠِّيندُ دِغَ عَسَمَ؞ تٛ غٛطّٛ ࢩَامِ ندُ، عٛيٜىٰطَنْ حَا عَبَدَ؞ ࢩَامْدُ ندُ مِحٛکَّتَ مٛ، طُمْ ࢡَنْدُ عَمْ؞ مِحٛکَّنْ ندُ نغَمْ حَا دُنِيَارُ يٜىٰطَ؞»

وَلَا مٛ حٜࢡَتَ وَرْغٛ حَا عَمْ، سٛنَا تٛ بَابِرَاوٛ نٜلْطٛ يَمْ ڢٛوطِمٛ؞ کٛو مٛيْ وَرِ حَا عَمْ، مِعُمِّتِنَنْ مٛ ࢩَلَادٜ دَرْنغَلْ؞

نغَمْ ࢩَامْدُ ندُ اَللَّه حٛکَّتَ، کَيْرُ جِݠِّ دِغَ عَسَمَ، کَيْرُ حٛکَّتَ دُنِيَارُ نغٜىٰندَمْ؞»

مِنْ، مِ ࢩَامْدُ حٛکَّنْدُ نغٜىٰندَمْ؞

عِيسَى حٛوعِ تَمْسٜىٰجٜ غٛ، يٜتِّ اَللَّه، ندٜنْ عٛسٜنْدَنِ طٜ يِمْࢡٜ وٛنْࢡٜ تٛنْ؞ عٛوَطِ نٛنْ بٜى لِطِّ بٛو؞ کٛو مٛيْ حٜࢡِ دٜيْدٜيْ بَنَ عٛيِطِ؞ ندٜ ࢡٜکَارِ، عِيسَى وِعِ ݠُکَرَعٜنْ مُوطُمْ‏: «مٛوࢡْتٜ لُتُّطُمْ مَنْ نغَمْ تَا طُمْ وٛنّٛ؞»

ندٜ ࢡٜلَاࢩِ کٛومْبٛوَلْ بَاکِنْ کِلٛمٜىٰتِرْ جٛوِ مَلَّ جٛوٜىٰغٛ، ࢡٜنغِعِ عِيسَى طٛنْ ࢡَدِتٛ کٛومْبٛوَلْ، عٛطٛنْ يَحَ دٛوْ ندِيَمْ بٜى کٛسْطٜ، ࢡٜکُلْتٛرِ؞ عَمَّا عِيسَى وِعِ ࢡٜ‏: «تَا کُلْتٛرٜ، طُمْ مِنْ؞»