Mavhesi emuBhaibheri Ane Mukurumbira kubva kuna Matius Uram 1

Pakurirana nevamwe

A mundu boboka mi deibkwande ara sal deibkwande. Ba, a deibkwande Mi ara nebdobci ura, Erci sun Ersi dib tenen nang asi lebdeibdiryok, sun malyi kuramingnyi dinyi asi kilibkwande. A Mi ara ninyi lebdeibkwande deyok aryi, kanci Er si ara, ‘Yesus,’ ara, ‘Ninyi Lemsinanyi,’ eboka dobkwandum!” ebmou. Ara, Yusuf lengdera mabmou bok, Er Imtamnyi Uram eryuryangananyi biryi ersi ato ebmou.

“Diba kobdob ati, ninyi ton er dam bardena kum ner aryi mundu boboka mi deibkwande. A mi deibci ura, ninyi aryi Ersi, ‘Imanuel,’ eboka si dobkwaming.” (Yesaya 7:14) A minob kuramnyi talak aryi lak eramnyi si, “Imanuel,” ara nun uram deib aryi, “Er Imtamnyi nun ab tonkwa kunub,” eboka lak eramnyi.

“Iniboka abniryi taklobkwan,” tenen er kanya tuba teneinmou bok, lengdera mabmou uca, Er Imtamnyi Uram eryuryangananyi biryi Yusuf bisi ato ebmou, “Se Yusuf Daud deibdobanyi, Maria mundu umbura bobmar mi ara Er Imtamnyi Kanya Roh Kudus aryi bobmar deyok aryi, kanci ilil kanya bona kum uca, kan ner Maria bisi ur dobkwandim!

Er Yesus Kristus deibmou ara ato kuboka deibmou, Yesus Er kwin Maria bira, “Yusuf dobkwande,” eboka taknubdeiamnyi asi a nang bitinyi dordana kum kubmarei. Dordana kum kubmarei bok, Maria bira Er Imtamnyi Kanya Roh Kudus aryi kuboka mi mundu bobmou. Mi mundu bobmou ara lak kubmou bok, Maria bisi dobkwamunyi Yusuf biryi, “Er Imtamnyi Kanya Roh Kudus aryi kuboka mi mundu bobmar,” tenen kum bikmou. Eda, Yusuf biryi, “Yuknyi biryi ni ner asi talyi yobmou do?” tenebmouci, Maria biti, “Taklobkwan,” tenebmou. Ura, Yusuf bira Er Imtamnyi urasintam aryi teleb dinyi kuramunyi kuramuryi, erci Maria biti, “Ninyi urasintam aryi tatab-tatab eboka alyi benebdeibnyei,” tenebmou deyok aryi erci, “Yuk nang bingna kun kum. Iniboka abniryi a ner asi taklobkwan,” tenebmou.