Mavhesi emuBhaibheri Ane Mukurumbira kubva kuna Yon 3

Pakurirana nevamwe

Manara, Sesoava mindnam und vewol vena indhanam hona pethanindm, wo noinda hevna mongal ombolm wolaihaprana hom. Wo himba nomba ombolmba keknamba undnahonamba lovahthamnavrava, himba si sewonamba owolakovvavmoa, heva os wohavav yunalm.

Sesoava wolaihapranamoa hevna ombolmba petharamba, lesvhoawol velmba pethanindmba, heva lopshalm pethanindm hevnanam.

Yesus omnana, lehra yimba ov, heva os kava tanam yemba ishomnav. Indhanariniva hengava nemelalmba lohmba owai vetava, himba nomba osva sihavavmoa Sesoana nemeltindirava. Oi, aval henga hemba lenge.

Noinda himba nomba keknamba undnahonamba lohmanavrava Sesoana ombolmba, si hemba nomba omnavavmoa, os yimba doa owolakohai. Heva os himba nomba keknamba lohmanamba owai venatava, doa himba owolakohai. Manara, himba Sesoana mongal ombolm undnahonam lohmanavmoa.

Men plalvata, honana indhanamba doa owolakovv. Kava woklasnamba Sesoanaminiva doa prunna pethanindm. Wo heva os pethanindva und vivmoa hona woklamba. Himba und viv sim, noinda himba vivpa sahoklalm manam manam.

Henaoa nihiloa mendekli senaoa wohlohra, kamoa kuvhoara he.

Indkumbiva himba nomba temba sahonamba vivpa, himba ovuv woklamba. Himba si provavmoa woklaramba, noinda si homeis ambara vethamnavm manam manam nom sahoklalm, ten hev vevm.

Himba nomba keknamba lohmanavrava ombolmba, himba nomba si yunalm avav. Wo heva os himba nomba hellemba owai vevrava ombolmba, si himba yunalmba almba owolakovvav. Wo Sesoana wusprolva luhunvra heinda, daipota verava, sewonam.

Yimba nonora av, nemetva Mosesva wikleihana tira sena saiholamsnamba, nonam di sahal pethara aevulvnam. Eva osta arana ombolva. Arana ombolmba eva osta wikleihivav.

Manara, aralva und vev mindnam ombolmba, wo himba moalamangva kovoraohna, kuwulm wulluhunilm, nonam manimani memba lohvpa.