Mavhesi emuBhaibheri Ane Mukurumbira kubva kuna Matei 5

Pakurirana nevamwe

ai či den jag jekh lampa te thon les tela e vadra, numa thon les pe e vadra, ai vo strefial sa sogodi si ande o kher. Ke te tumari vedaria te strefial kadia angla le manuš, eta te dikhen tumare laše dieli, ai te luvudin tumare Dades kai si ande o čeri.

Tume san e vedaria la lumiaki. Jekh foro thodino pe jekh plai naštil t'avel garado

Veseli kudala kai si lengo ilo vužio, ke von dikhena le Devles!

Veseli kudala kai si bokhale ai trušale anda e kris, ke von avena pravarde!

Numa me, phenav tumenge: Kamen tumare dušmanon, svintsin kudalen kai den tumen armaia, keren mištimos kudalenge kai vuřitsin tumen, ai řudjin kudalenge kai keren tumenge nasul ai kai maren tumen.

Veseli t'aven le čoře ande o duxo, ke e amperetsia le čereski si lengi!

Veseli kudala kai keren e patia, von avena akharde šiave le Devleske!

Veseli t'aven le nekežime, ke avena len mila!

Veseli kudala kai avena marde ke von keren sar o Del mangel, ke e amperetsia le čereski si lengi!

Veseli le milosi, ke avela mila anda lende!

Veseli avena tume, kana dena tumen pe o lažiav, kana gonina tumen ai kana phenena xoxaimos pe tumende sako fialo, pala mande. Veselin tume ai aven ande o veselimos, ke tumaro pokjinimos avela baro ande o čeri; ke sa kadia marde le profeton kai sas angla savořende tumendar.

Veseli le prosti, ke lenge avela e phuv!

Tume san o lon la phuviako. Numa t'avela ke o lon xasarel pesko gusto, sar šai londiarela les? Vo manai lašio ferdi te šiuden les avri, ai te avela inčardo tela le punře katar le manuš.

Aven tume vorta, sar tumaro Dad čeresko si vorta.

Ke tjiri vorba t'avel ei, ei, niči, niči; so thon opral avel katar o Xitro.

Tume ašundian ke sas phendo: Jakh pala jakh, ai dand pala dand. Numa me, phenav tuke te na malaves palpale kudales kai kerel tuke nasul. T'avela varekon kai del tut palma pe e buka e čači, muk les te del tu vi pe e buka e stingo.

T'avela tjiri jakh e čači ke šai peravel tu, ankalav la avri ai šiude la dur tutar; ke mai mišto avela tuke ke jekh jakh ferdi anda tute xasavol, ai ke tjiro stato sa te na avel šiudino ande e jag le merimaski. Ai t'avela tjiro vast o čačo ke šai peravel tu, šin les ai šiude les dur tutar: ke mai mišto avela tuke ke jekh vast ferdi anda tute xasavol, ai ke tjiro stato sa te na avel šiudino ande e jag le merimaski.