Mavhesi emuBhaibheri Ane Mukurumbira kubva kuna Luk 20

Pakurirana nevamwe

Ete wowani ya wunu ri sawe, “Sisa king apukolaka i mwa'ambwe ti o Sisa ni ma ku ai ha, e, Gotri mwa'ambwe ti o Gotri ni ma ku ai ha.”

Ete wowani Jisas wunu hei hei ya wunu ri sawe, “Do Gotri chengi ki dau mwanji mu mwe ti hinde hinga? ‘Aka rasaindau hima le kapwa wu nani wu humbwero humokuto oti apa ele humokuto ba fweleni dikini rindo takumwa tokwe enindau worumbo hinga o ya ri ekikinasinda.’

“Kunu lo mwanji hambwandau hima leni ku hambwafwa'ainda. Wunu hima i miyaningisopo ki nika'ari huwe laka tini wu sisini wu ichi'uchanda kinani wu okokonandau. E, wunu hima le waundau apweli ki wunu wese'anda kinani wu okokonandau. Wondani lotu wondau aka laka we ki himiyama hurahama le miyaningisopo sindau mapwa tokwe wu liti ki wu okokonandani, e, ahirahi andau gisi ti wunu takumwa naha ki dau tei ki wu liti kinani wu okokonandau. Wunu ele himanguto leni gambosini wui ya mwa'ambwe ti wundo hili yandani, e, hima le wunu hei kinani nimba gamboni huwe laka Gotri ni wu uchahambwandau. O keke hima i sumbu kilino gisi tawa ele lo mwanji hambwandau himako nomo omwesika ki wu ra sindau.”