Mavhesi emuBhaibheri Ane Mukurumbira kubva kuna San Lucas 13

Pakurirana nevamwe

—Ʉ̃gthar oberaagan, puertdidam bʉ̃rʉʉ khitʉm ee dubaagpamjota aajemgui ajim anʉm. Muan pãragan, mag puertdidam phĩrkhi khitʉm eeta dubju ẽkhabat a chirʉm. Mʉg atag õor pom ag ee dubam khõsi ajup mamʉ, mag thʉnʉm khʉʉn eem ãbjã pod dubbajugui ajim anʉm.

Maig ʉʉi ãb sĩejim aajem. Mag ʉʉi mor machpawia dieciocho años sĩi jã bʉreu khitaajeejim anaabá, ben khaigbam i mor ee dubwia. Magtarr aigmua pod bʉ̃ʉrjã phõ khajapha thʉrrkhaba ich mag khitaajeejim anʉm. Jesuu mag oo athaawai dau ee aug khaugwia, i thʉ̃r aunaa irig

“Mua pʉ monaaukhim” anaa, i ʉ̃r jua ausĩubarm bʉrre phõ thʉrrkha khajappha oo dʉnʉisijim anaabá, monakkha. Mag ich monaaubapäaiwai onegau Ẽwandamag, “Ẽwandam, ĩsin chadau pua mʉ ʉuta abarm. Pʉjo jua theegkham chan mʉg jẽb gaai chukhum. Ʉu abarmgui” ajim anʉm.

Mag Ẽwandamau õor i agkhabaadem ed ar mʉg jẽb gaai aawai amachta warm khʉʉn khãaijã ajapcha nʉm aajem khʉʉnta khapan khabacha oberju. Mag khãyau ar chikhamnau serbiibag pheejem khʉʉnta khapanaacha Ẽwandam sim aar oberjugui ajim anʉm, ich Jesuu.

Pãrau dubaag ẽkhawiajã ya chi dikhʉ jooyau phãarbapʉim chan, par pãrau daaugajãrmua, “Señor, maar weeu athá” awiajã, jũrr ierrmua irua pãrag, “¿Pãar jamaam khʉʉnauma? Pãar chan mʉ aiguim khʉʉn khabamgui” aju, warag weeu aubaju aawai.

Mag amach appaita Ẽwandam dakhĩir iekkhõr pomaacha narr gaaimuajã khabajimgui ajim anʉm, deeu ichdeupai. Ẽwandam dakhĩran thum ich agjo thʉnʉm, nem khaibag. Pãraujã ĩchab pãach khaibag thumaa khĩirjuwia Ẽwandamag chugpaapi jeeubam chan pãach thum ni ãbjã peerdʉbamgui ajim anaabá.

Mamʉ magbaawai irua ĩchab pãrag magju: “Ya mua pãrag jaaubarm. Mua chan tag pãar khaugbam. Pãach sĩi nem khaigbam appai wau wenʉrraajerr khap, pãadeu warag pãachta mʉ aigmua chawag ereubaadet” a iekhajugui ajim anʉm, Ẽwandamau pãrag.

Mag iekhakhagmamua ĩchab magjim anʉm ich Jesuu: —¿Pãrau khaphʉ nʉ, jãga sim abarí Ẽwandam iek mua jaau chitʉm, maimua khanjota sim a mua pãrag jaaubarkhiin? ajim anʉm. Magnaa ichdeupai, Mʉg Ẽwandam iekhan mostaza daudam woun ãbmua ich nemjĩir ee jĩirjemjota sĩerrʉm. Ichta nemjĩir daudam thumaam khʉʉn khãyaujã bʉ̃rʉʉcha khitʉm. Mamʉ mag khitʉmʉn nem bãau khaphí bãauwia sĩi pabʉ pom ãdee dʉnʉisiejemgui ajim anʉm. Mag ãdee dʉnʉisiewai nemchaaindamau ag gaai amach didam euphobaadeejem. Ich agjota simgui ajim anʉm ĩchab mʉg Ẽwandam iek mua pãrag jaau chitʉmjã. Mʉʉgwaiwe chan khapan khábata ʉkha durrum; pari mag durrumuata warag nem pom aaidʉbapäaiwai, õor khapankham khʉʉnau ʉkhajugui ajim anʉm.