Mavhesi emuBhaibheri Ane Mukurumbira kubva kuna Zan 15

Pakurirana nevamwe

Mwan pye rezen, e zot, zot bann brans. Sa enn ki reste ini avek mwan e mwan avek li, ava raport bokou fri. San mwan, zot pa kapab fer nanryen.

Reste ini avek mwan, parey mon ini avek zot. En brans rezen pa kapab raport fri par li menm, amwen ki i reste ini avek son pye rezen. Pour zot osi i parey: Zot pa kapab raport fri si zot pa reste ini avek mwan.

Si zot reste ini avek mwan, e mon bann parol i reste dan zot, demann sa ki zot oule e zot ava gannyen.

Pa zot ki'n swazir mwan, me mwan ki'n swazir zot e etabli zot pour ale e raport bokou fri, bann fri ki pou dire. Mon Papa i ava donn zot nenport kwa ki zot demande an mon non.

Pli gran lanmour ki en dimoun i kapab montre, se kan i donn son lavi pour son bann zanmi.

Tou brans ki atase avek mwan e ki pa raport fri i ganny koupe. Tou brans ki raporte, i tay zot pour ki zot raport ankor plis fri.

La mon komannman: Kontan kanmarad parey mwan mon kontan zot.

La koman laglwar mon Papa i ganny manifeste: Kan zot raport bokou fri e kan zot montre ki zot mon disip.

“Mwan menm vre pye rezen, e mon Papa i zardinyen.

Tou dimoun ki pa reste ini avek mwan, parey en brans, i ganny rezete e i sek. Brans sek, i ganny ranmase, zet dan dife e ganny brile.

Mon'n dir zot tousala pour ki mon lazwa i dan zot, e ki zot lazwa i vin konplet.

Si zot obei mon bann komannman, zot pou reste dan mon lanmour, parey mwan, mon'n obei komannman mon Papa e mon reste dan son lanmour.

Alor, la komannman ki mon donn zot: Kontan kanmarad.”

Si zot ti fer parti lemonn, lemonn ti pou kontan zot, akoz zot pour li. Me akoz zot pa fer parti lemonn, akoz mon'n swazir zot e retir zot dan lemonn, pour sa rezon ki i ay zot.