<div class="version vid986 iso6393amp" data-vid="986" data-iso6393="amp">
    <div class="book bkMAT">
        <div class="chapter chINTRO1" data-usfm="MAT.INTRO1">
            <div class="imt"><span class="content">Barkof kfo nuhas mrokfot</span></div><div class="ip"><span class="content">Ndart Matyur wandfamo gutnius mrokfom yorhwa gonbornget. Gutnius mrokfom yorhwa gonborngm, 4-pela gonborngm gutnius mrokfom korhm. Ndar gonborngm Jisasr ndar bbinysoft nia tohmo yuharoh kfo tndh mrokfom korhm. Ndar Matyur wandfamo gutnius gonborngtn nyingako myorhekwot. Ndar barkof gonborngt yorhwa mrokfom Jisasr Mariat hiyaumo yuhat yo Jisasr nohmo yuhati ee ror tfit sinyahato hefenr muhmo yuhathu kfo nuhas mrokfom korhmt ndar Matyu gonborngt.</span></div><div class="ip"><span class="content">Bingot Bro Nkifrarhu profetm kfomo mrokfom nkifram yakitohmoa gonborngtn hta bugamomm. Kfo hna memoum, &#8220;Kto Isrerroh Bro Nkifrarpno yiyuk yihotat wom yimar nieruharn tfit yak htakhirahrm.&#8221; Nd rom kfo htamo mrokfot nhai furarmomt. Yafothett rhumott. Nd rom kfo memo yimar nierahr, to Jisas Kraisr niamor. Nd Jisas Kraisr niahato ror hingrnamo hingrnefm ndar Matyu gonborngtn hti hik bugarahnm. Nd Bro Nkifrarhu profetm kfo pthamo mrokfom, yafothet bugam rhumom. Wahtitwanm nd mrokfom korhm Matyu 1.22-23, yo 2.4-6 yo 2.14-15 yo 2.23 yo 4.13-16 yo 8.16-17 yo 12.15-21 yo 13.34-35 yo 21.2-5 yo 21.16 yo 26.24 yo 26.31 yo 26.54 yo 27.6-10.</span></div><div class="ip"><span class="content">Yo wom mrokfot Matyur dkfomot, Bro Nkifrarhu kingdomkfot kfo pthamor. Bro Nkifrar kangr, &#8220;Ndar bbinysof thof bugam atohukatohkahann tuhan yindar bugam nanrpayanhu dukefrpar hikrahm.&#8221; Ndnettn Jisas Kraisr fak marnyamort yimaroh Bro Nkifrarpno yiyuk yihotat.</span></div><div class="ip"><span class="content">Matyu gonborngt yorhwa mrokfom, Jisasr pthamoam, nmbuha nmbuha rhu hanitm. Barkof mrokfo nmbuhat htirahnt sapta 5 pthaknimortn sapta 7 mptha tmbhomort (5-7). Nd saptaroh mrokfom Jisasr yura wom kminysoft tohhato dkfo pthamo mrokfomn korhm. Bok met yindarim yi wany yakitohmotm yirmoh mrokfom hemorm. Yo wom mrokfo nmbuhat sapta 10 korht. Nd saptakfote, disaiperm yak hta hanyhato rom hingrnayuk hingrnefm, rom yakyuk krhopam, o rom finji finji tohkfot, ndm kfo ptha nuhasmorm.</span></div><div class="ip"><span class="content">Yo wom mrokfo nmbuhat sapta 13 korht. Nd saptakfot kfo nhombra mrokforpam korhmt. Bro Nkifrarhu kingdomkfot Jisasr kfo pthamohat, mimn, wit yukhamn, yispamn, kipr bebtn, nd ndmn kfo nhombramor. Yo wom mrokfo nmbuhat sapta 18 korht. Nd saptakfot Jisasrhu tu disaiper mif rhunefthu mrokfom tu Jisasr kfomorm. Wuroh mrokfo nmbuhat sapta 24-25 korhm. Nd saptafhu mrokfom wuroh yihar rhuruha nefm Jisasr kfo pthamor.</span></div><div class="ip"><span class="content">Ndar buk Matyukfot wandfayuk yimarhu yufat nhai htarmomt. Be kfo kangmt &#8220;Matyur Wandfayuk Gutnius Mrokfom&#8221;. Ka nd sapta 9.9-13 kfo pthamo takis yakmoa yima Matyur dukahato, ror kfo memom, rorn wandfamort. Ndt be wom yimaroh dukefet. Tu nd Matyu gonborngt wandfa mifyuk yimarhu yufat nhai frhikakrmomt.</span></div>
        </div>
    </div>
</div>

Barkof kfo nuhas mrokfot
Ndart Matyur wandfamo gutnius mrokfom yorhwa gonbornget. Gutnius mrokfom yorhwa gonborngm, 4-pela gonborngm gutnius mrokfom korhm. Ndar gonborngm Jisasr ndar bbinysoft nia tohmo yuharoh kfo tndh mrokfom korhm. Ndar Matyur wandfamo gutnius gonborngtn nyingako myorhekwot. Ndar barkof gonborngt yorhwa mrokfom Jisasr Mariat hiyaumo yuhat yo Jisasr nohmo yuhati ee ror tfit sinyahato hefenr muhmo yuhathu kfo nuhas mrokfom korhmt ndar Matyu gonborngt.
Bingot Bro Nkifrarhu profetm kfomo mrokfom nkifram yakitohmoa gonborngtn hta bugamomm. Kfo hna memoum, “Kto Isrerroh Bro Nkifrarpno yiyuk yihotat wom yimar nieruharn tfit yak htakhirahrm.” Nd rom kfo htamo mrokfot nhai furarmomt. Yafothett rhumott. Nd rom kfo memo yimar nierahr, to Jisas Kraisr niamor. Nd Jisas Kraisr niahato ror hingrnamo hingrnefm ndar Matyu gonborngtn hti hik bugarahnm. Nd Bro Nkifrarhu profetm kfo pthamo mrokfom, yafothet bugam rhumom. Wahtitwanm nd mrokfom korhm Matyu 1.22-23, yo 2.4-6 yo 2.14-15 yo 2.23 yo 4.13-16 yo 8.16-17 yo 12.15-21 yo 13.34-35 yo 21.2-5 yo 21.16 yo 26.24 yo 26.31 yo 26.54 yo 27.6-10.
Yo wom mrokfot Matyur dkfomot, Bro Nkifrarhu kingdomkfot kfo pthamor. Bro Nkifrar kangr, “Ndar bbinysof thof bugam atohukatohkahann tuhan yindar bugam nanrpayanhu dukefrpar hikrahm.” Ndnettn Jisas Kraisr fak marnyamort yimaroh Bro Nkifrarpno yiyuk yihotat.
Matyu gonborngt yorhwa mrokfom, Jisasr pthamoam, nmbuha nmbuha rhu hanitm. Barkof mrokfo nmbuhat htirahnt sapta 5 pthaknimortn sapta 7 mptha tmbhomort (5-7). Nd saptaroh mrokfom Jisasr yura wom kminysoft tohhato dkfo pthamo mrokfomn korhm. Bok met yindarim yi wany yakitohmotm yirmoh mrokfom hemorm. Yo wom mrokfo nmbuhat sapta 10 korht. Nd saptakfote, disaiperm yak hta hanyhato rom hingrnayuk hingrnefm, rom yakyuk krhopam, o rom finji finji tohkfot, ndm kfo ptha nuhasmorm.
Yo wom mrokfo nmbuhat sapta 13 korht. Nd saptakfot kfo nhombra mrokforpam korhmt. Bro Nkifrarhu kingdomkfot Jisasr kfo pthamohat, mimn, wit yukhamn, yispamn, kipr bebtn, nd ndmn kfo nhombramor. Yo wom mrokfo nmbuhat sapta 18 korht. Nd saptakfot Jisasrhu tu disaiper mif rhunefthu mrokfom tu Jisasr kfomorm. Wuroh mrokfo nmbuhat sapta 24-25 korhm. Nd saptafhu mrokfom wuroh yihar rhuruha nefm Jisasr kfo pthamor.
Ndar buk Matyukfot wandfayuk yimarhu yufat nhai htarmomt. Be kfo kangmt “Matyur Wandfayuk Gutnius Mrokfom”. Ka nd sapta 9.9-13 kfo pthamo takis yakmoa yima Matyur dukahato, ror kfo memom, rorn wandfamort. Ndt be wom yimaroh dukefet. Tu nd Matyu gonborngt wandfa mifyuk yimarhu yufat nhai frhikakrmomt.

Terera ku Matyu Barkof kfo nuhas mrokfot