Ura - WBT (NT) Drama

<div class="version vid3860 iso6393uro" data-vid="3860" data-iso6393="uro">
 <div class="book bkLUK">
 <div class="chapter ch17" data-usfm="LUK.17">
 <div class="label">17</div><div class="s1">Ama Rhons&#228;v&#228;t S&#228;v&#228;t Ama Ruvek K&#228;rarhani I Rhi Rhoer Nanokt Arhani B&#228; S&#228;m&#228;t Ama Vuirhong</div><div class="r">(17:1-2 / Mak 9:42-48 / Mat 18:7-9)</div><div class="r">(17:3-4 / Mat 18:15-20)</div><div class="p"> 1Ma Jisas k&#228; qoar na aa mud&#228;saqongda rhoqort&#228;qyia, &#8220;Iarhong&#228;kt k&#228;rq&#228;rhong i irhong ng&#228;rhi rhart&#228;m sa ama ruvek b&#228; s&#228;m&#228;t ama vuirhong diva qoki va irhong ng&#228;t d&#228;n sokt diva avuqi mam&#228;r ge iaq&#228;kt k&#228;rak i qat t&#228;ranas n&#228; irhong. 2Vadi mai mam&#228;r iva rhi er ti qop sa anga m&#228;r&#228;n b&#228;m ga anga duiqa v&#228;t aa q&#228;n n&#228;kt ti rhon na qa s&#228;p gar&#228;ska qre va qa rh&#228;q&#228;ne sa akni n&#228;v&#228;t t&#228;rhae rh&#228;kt ama rhoes ama gaini na rha b&#228; s&#228;m&#228;t anga vuini. 3B&#228; va ng&#228;nit lu v&#228;t a nas mam&#228;r.&#8221;</div><div class="p">&#8220;Ngakt b&#228; akni n&#228;v&#228;t a ng&#228;n di aa anga ruaqa q&#228; slava na qa d&#228; va qa rham&#228;n s&#228;rh&#228;m ga ma ama qrot iva qale qat tualat toqor&#228;kt dap ngakt b&#228; aa ruaqa q&#228; n&#228;pgoer na nas d&#228; va q&#228; qyiradeng ba qa. 4Ngakt b&#228; qa slava na nge ma ng&#228;rh&#228;qyet da unmem da ama qun&#228;ga aa ron n&#228;kt ka m&#228;n gem nge ma ng&#228;rh&#228;qyet da unmem b&#228; q&#228; qoar na nge rhoqort&#228;qyia, &#8216;Sa ngua n&#228;pgoer na nas&#8217; d&#228; va ngi qyiradeng ba qa.&#8221;</div><div class="s1">Mam&#228;r Iva Ngi S&#228;mamor Na Aut Katnanakt</div><div class="p"> 5D&#228; ama ngangda rhi qoar&#228;s n&#228; ma Engeska rhoqort&#228;qyia, &#8220;Mam&#228;r iva ngi s&#228;mamor na aut katnanakt.&#8221;</div><div class="p"> 6D&#228; qa muv&#228;t toqort&#228;qyia, &#8220;Ngakt b&#228; nga ang&#228;n gatnanakt di ama gaini na ng&#228;t toqor ama mastard aa gav&#228;mini diva mam&#228;r v&#228;t a ng&#228;n iva ng&#228;n dam&#228;n s&#228;v&#228;t tak t&#228;kt ama ng&#228;muga rhoqort&#228;qyia, &#8216;Ngia rhar t&#228;m mes b&#228; ngi qutnanokt s&#228; nas pa ama gar&#228;ska&#8217; d&#228; mam&#228;r iva q&#228; nari n&#228;m&#228;t ng&#228;n.&#8221;</div><div class="s1">Ama Latta Di Nak Kop Ama Latta Na Rha</div><div class="p"> 7&#8220;Qre va ak n&#228;v&#228;t a ng&#228;n di aa anga latka q&#228;rakni i q&#228;t t&#228;p ama iv&#228;tki ura q&#228;t lu v&#228;t ama sipsipk&#228;na n&#228;kt nga qa m&#228;n i ev&#228;r d&#228;m ga n&#228;v&#228;t ama lat d&#228; var q&#228; qoar na aa latka rhoqort&#228;qyia, &#8216;Ngi ang, ngi lir namuk b&#228; ngia rhuqun b&#228; ngia &#228;s&#8217;? 8Nguar&#228;m gaku dap kinak pa q&#228; qoar na aa latka rhoqort&#228;qyia, &#8216;Ngi rh&#228;kmu n&#228; gua tm&#228;s n&#228;kt ngi rh&#228;kmu na nas n&#228;kt kale nge d&#228;varh&#228;m na ngo dap pa ngua &#228;s d&#228; ngu nakt iva nga nasot d&#228; va sa ngia &#228;s d&#228; ngi nakt&#8217;? 9Var qa rhes ama m&#228;r sage aa latka inguna qa mualat n&#228; q&#228;rq&#228;ni i qa qoar na aa latka iva qa rhualat n&#228; ini? 10Di nak kop toqorne na ng&#228;n gua latta i nga sa ng&#228;n mualat na ama lat k&#228;rang&#228;tni i sa rha qoar na ng&#228;n iva ng&#228;n dualat na ng&#228;t di nak kop mam&#228;r iva ng&#228;ni qoar toqort&#228;qyia, &#8216;Aiut di nak kop ama latta na ut k&#228;rarhani i sokt ut tualat!&#8217;&#8221;</div><div class="s1">Ma Jisas Ka Mum&#228;r&#228;s P&#228;t Ama Ng&#228;rh&#228;qyisem Na Rha Ama Gamoe Sa Ama Bias</div><div class="p"> 11N&#228;kt sa nga varh&#228;m ma Jisas aa iska iva sae ma Jerusalem d&#228; qa met parh&#228;m ama n&#228;goeqa m&#228;ngur&#228;p ama ng&#228;rh&#228;qyiom ma Samaria d&#228; ma Galili. 12B&#228; nga qat tet iva s&#228;m&#228;t aomni ama v&#228;rh&#228;m d&#228; ama ng&#228;rh&#228;qyisem na rha ama gamoe rha m&#228;n b&#228;t a qa q&#228;rarhani i ama bias p&#228;t a rha. As tat mair gl&#228;ius 13b&#228; rha n&#228;s masirhat t&#228;vuk toqort&#228;qyia, &#8220;Jisas aurha morqa, mam&#228;r iva ngi lavuqi na ut!&#8221;</div><div class="p"> 14B&#228; nga qa lu rha d&#228; q&#228; qoar toqort&#228;qyia, &#8220;Ng&#228;n det b&#228; ng&#228;ni qur ama prisk&#228;na rh&#228;m mes.&#8221;</div><div class="p">B&#228; nga rhat tet parh&#228;m ama iska d&#228; m&#228;r&#228;s p&#228;t a rha. 15Ama s&#228;g&#228;k n&#228;v&#228;t a rha di nga qa lu i sa m&#228;r&#228;s p&#228;t a qa d&#228; ev&#228;r d&#228;m ga dap k&#228; n&#228;ns&#228;s t&#228;vuk sage ma Ng&#228;muqa. 16B&#228; arpus na qa s&#228;ng ma Jisas aa qar b&#228; qat tes ama m&#228;r sagem ga. N&#228;kt ka di ama Samariaqa.</div><div class="p"> 17D&#228; ma Jisas ka snanb&#228;t toqort&#228;qyia, &#8220;Gusna i m&#228;r&#228;s p&#228;t ama ng&#228;rh&#228;qyisem na rha? Dap arhani ama ng&#228;rh&#228;qyet da levaet na rha rha qoe? 18Qop nga va qaku aung ev&#228;r d&#228;m ga b&#228; q&#228; navoda ama ans&#228;s sage ma Ng&#228;muqa dap pa sokt tak t&#228;kt ama na&#241;iska?&#8221; 19D&#228; q&#228; qoar na qa rhoqort&#228;qyia, &#8220;Ngia rh&#228;ranas b&#228; ngia rhet. Sa gi qatnanakt ng&#228; mum&#228;r&#228;s p&#228;t a nge.&#8221;</div><div class="s1">Ma Ng&#228;muqa Aa Mur&#228;ktp&#228;m Ang&#228;t M&#228;nm&#228;n&#228;s</div><div class="r">(17:26-30, 34-36 / Mat 24:36-44 / Mak 13:32-37)</div><div class="p"> 20Maos d&#228; ama Farisiq&#228;na rhi snanb&#228;t s&#228; ma Jisas iva q&#228;snia ma Ng&#228;muqa aa Mur&#228;ktp&#228;m ng&#228; rh&#228;n. D&#228; ma Jisas ka muv&#228;t toqort&#228;qyia, &#8220;Ma Ng&#228;muqa aa Mur&#228;ktp&#228;m diva qaku ng&#228; nam&#228;n sa anga muqun&#228;n iva ng&#228;ni lu n&#228;m&#228;t ang&#228;n saqong 21b&#228; va qaku ama ruvek ti naqoar toqort&#228;qyia, &#8216;Erhang&#228;t i&#8217; ura &#8216;Iang&#228;t muk i&#8217; inguna ma Ng&#228;muqa aa Mur&#228;ktp&#228;m di sa nga e gem ng&#228;n.&#8221;</div><div class="p"> 22D&#228; soknga qa qoar na aa mud&#228;saqongda rhoqort&#228;qyia, &#8220;Ama q&#228;v&#228;l&#228;m iva &#228;m ng&#228; rh&#228;n g&#228;rqomni i aing&#228;n diva nani a ng&#228;n masirhat iva saqi as ng&#228;ni lu anga qun&#228;ga n&#228;v&#228;t ma Ruqa aa Emga aa qun&#228;ng sokt diva qaku ng&#228;n nalu qa. 23Ama ruvek pa rhi qoar&#228;s na ng&#228;n doqort&#228;qyia, &#8216;Iak muk i!&#8217; ura &#8216;Erhak i!&#8217; d&#228; qale ng&#228;n nam&#228;ranas b&#228; ng&#228;n nangang nasot a rha. 24Inguna ma Ruqa aa Emga v&#228;t iaq&#228;kt aa qun&#228;ga q&#228;rak iva saqi as ka rh&#228;n#17:24 v&#228;t iaq&#228;kt aa qun&#228;ga q&#228;rak iva saqi as ka rh&#228;n Ma Luk ka s&#228;m dakt t&#228;kt aa abuk n&#228;kt nasot ama q&#228;v&#228;l&#228;m ama qot &#228;m d&#228; arhani ama ruvek di rha s&#228;m ma Luk aa enge i qoki rhoqorne dap taerhom d&#228;kt ama q&#228;ng&#228;rini ang&#228;t k&#228;v&#228;l&#228;m di arhani n&#228;v&#228;t a rha di sa qaku rha s&#228;m a ng&#228;t sae. diva qa rhoqor ama iauska q&#228;rakni i ba&#241;&#228;m m&#228;t ka v&#228;t ama us&#228;pki b&#228; erait n&#228;rhage b&#228; s&#228;rhage. 25Sokt diva as narhoer d&#228; va qa rhon s&#228;da ama m&#228;r&#228;nga aa ron masirhat n&#228;kt pa rhit t&#228;kt ama qoengait na ama ruvek diva rhi rhon sasot a nas t&#228;m ga. 26V&#228;t ama q&#228;v&#228;l&#228;m g&#228;rqomni iva ma Ruqa aa Emga qa rh&#228;n diva ama lat ng&#228;t t&#228;ranas k&#228;rang&#228;tni i ng&#228;t toqor ama lat mudu v&#228;t ama rhod&#228;m i ma Noa. 27Ama ruvek di sa rhat t&#228;s d&#228; rhit nakt d&#228; rhat t&#228;tl&#228;gut d&#228; rhit bod&#228;m na ne b&#228; d&#228;ngd&#228;ng b&#228;t ama qun&#228;ga q&#228;rakni i ma Noa qa mon s&#228;m&#228;t ama mlauski ama mor qi d&#228; ama iqum ng&#228; m&#228;n b&#228; ng&#228; rh&#228;ksot na rha moe.</div><div class="p"> 28&#8220;Qosaqi rhoqorne na ama rhod&#228;m ge ma Lot. Ama ruvek di sa rhat t&#228;s d&#228; rhit nakt d&#228; rhit boda arh&#228; gun&#228;n d&#228; rhit bod&#228;m b&#228;t ama gun&#228;n d&#228; rhit kutnanokt d&#228; rhit t&#228;k p&#228;t ama v&#228;t. 29Dap kinak p&#228;t iaq&#228;kt ama qun&#228;ga q&#228;rak i ma Lot ka met nae ma Sodom d&#228; ma Ng&#228;muqa qa rh&#228;k na ama rh&#228;pt&#228;pki d&#228; ama qabus t&#228;m ga ama duiqa q&#228;rakni i qat dang b&#228; qa veng da moe. 30Diva rhoqorne v&#228;t iaq&#228;kt ama qun&#228;ga q&#228;rakni iva vuk s&#228; ma Ruqa aa Emga s&#228;da eraqi.</div><div class="p"> 31&#8220;Va v&#228;t iaq&#228;kt ama qun&#228;ga di mam&#228;r iva aung g&#228;rakni i qale qa v&#228;t ama v&#228;tka aa rh&#228;ng di saqi as kale ar s&#228; qa b&#228; q&#228; namon s&#228;va v&#228;t nani aa q&#228;rhong g&#228;rq&#228;rhongni i qali lirhong ba v&#228;t. B&#228; qosaqi aung g&#228;rakni i qale qa v&#228;t a etki di saqi as kale ev&#228;r d&#228;m ga nani guani. 32Nak pa qun&#228;ga v&#228;t a ng&#228;n s&#228;v&#228;t ma Lot aa egutki!</div><div class="p"> 33&#8220;Aung g&#228;rakni i q&#228; siqut iva qa rhumaiar na aa iar diva qa rhus&#228;ng s&#228; ng&#228;t nasot dap iaq&#228;kt k&#228;rak i qa rhus&#228;ng sa aa iar diva qa rhumaiar ng&#228;t. 34Ngu qoar na ng&#228;n i n&#228;v&#228; iaqy&#228;kt ama b&#228;ngagi diva qale ama ruiom b&#228;t ama laiqa ama s&#228;g&#228;k n&#228;kt pa ma Ruqa aa Emga q&#228; rha ak dap p&#228;t ak m&#228;k. 35Ama unbem ama evovem diva in moe in dualat i ini qr&#228;skr&#228;s ama wit d&#228; va ma Ruqa aa Emga q&#228; rha aktni dap pa qale aktni m&#228;k.&#8221; 36#17:36 Ma Luk ka s&#228;m dakt t&#228;kt aa abuk n&#228;kt nasot ama q&#228;v&#228;l&#228;m ama qot &#228;m d&#228; arhani ama ruvek di rha s&#228;m ma Luk aa enge i qoki rhoqorne dap taerh&#228;ni rh&#228;kt ama q&#228;ng&#228;rini di qosaqi rha s&#228;m ini sae. &#8216;Ama udiom ama ruiom diva qali liom moe va ama etki n&#228;kt pa akni diva rhi rha qa dap pa qale akni m&#228;k.&#8217;</div><div class="p"> 37D&#228; ama mud&#228;saqongda rhi snanb&#228;t s&#228; ma Jisas toqort&#228;qyia, &#8220;Aurha Engeska, va qoe nai rhoqor&#228;kt?&#8221;</div><div class="p">D&#228; qa muv&#228;t toqort&#228;qyia, &#8220;&#196;kt i ama s&#228;kt&#228;mgi qali qi e diva v&#228;st&#228;mne na ama is&#228;m e q&#228;rang&#228;tni i ng&#228;t dr&#228;m ng&#228;t t&#228;s ama s&#228;kt&#228;mgi.&#8221;</div>
 </div>
 </div>
</div>

Ma Jisas kä qoar na aa mudäsaqongda rhoqortäqyia, “Iarhongäkt kärqärhong i irhong ngärhi rhartäm sa ama ruvek bä sämät ama vuirhong diva qoki va irhong ngät dän sokt diva avuqi mamär ge iaqäkt kärak i qat täranas nä irhong. Vadi mai mamär iva rhi er ti qop sa anga märän bäm ga anga duiqa vät aa qän näkt ti rhon na qa säp garäska qre va qa rhäqäne sa akni nävät tärhae rhäkt ama rhoes ama gaini na rha bä sämät anga vuini. Bä va ngänit lu vät a nas mamär.”
“Ngakt bä akni nävät a ngän di aa anga ruaqa qä slava na qa dä va qa rhamän särhäm ga ma ama qrot iva qale qat tualat toqoräkt dap ngakt bä aa ruaqa qä näpgoer na nas dä va qä qyiradeng ba qa. Ngakt bä qa slava na nge ma ngärhäqyet da unmem da ama qunäga aa ron näkt ka män gem nge ma ngärhäqyet da unmem bä qä qoar na nge rhoqortäqyia, ‘Sa ngua näpgoer na nas’ dä va ngi qyiradeng ba qa.”

Dä ama ngangda rhi qoaräs nä ma Engeska rhoqortäqyia, “Mamär iva ngi sämamor na aut katnanakt.”
Dä qa muvät toqortäqyia, “Ngakt bä nga angän gatnanakt di ama gaini na ngät toqor ama mastard aa gavämini diva mamär vät a ngän iva ngän damän sävät tak täkt ama ngämuga rhoqortäqyia, ‘Ngia rhar täm mes bä ngi qutnanokt sä nas pa ama garäska’ dä mamär iva qä nari nämät ngän.”

“Qre va ak nävät a ngän di aa anga latka qärakni i qät täp ama ivätki ura qät lu vät ama sipsipkäna näkt nga qa män i evär däm ga nävät ama lat dä var qä qoar na aa latka rhoqortäqyia, ‘Ngi ang, ngi lir namuk bä ngia rhuqun bä ngia äs’? Nguaräm gaku dap kinak pa qä qoar na aa latka rhoqortäqyia, ‘Ngi rhäkmu nä gua tmäs näkt ngi rhäkmu na nas näkt kale nge dävarhäm na ngo dap pa ngua äs dä ngu nakt iva nga nasot dä va sa ngia äs dä ngi nakt’? Var qa rhes ama mär sage aa latka inguna qa mualat nä qärqäni i qa qoar na aa latka iva qa rhualat nä ini? Di nak kop toqorne na ngän gua latta i nga sa ngän mualat na ama lat kärangätni i sa rha qoar na ngän iva ngän dualat na ngät di nak kop mamär iva ngäni qoar toqortäqyia, ‘Aiut di nak kop ama latta na ut kärarhani i sokt ut tualat!’”

Näkt sa nga varhäm ma Jisas aa iska iva sae ma Jerusalem dä qa met parhäm ama nägoeqa mänguräp ama ngärhäqyiom ma Samaria dä ma Galili. Bä nga qat tet iva sämät aomni ama värhäm dä ama ngärhäqyisem na rha ama gamoe rha män bät a qa qärarhani i ama bias pät a rha. As tat mair gläius bä rha näs masirhat tävuk toqortäqyia, “Jisas aurha morqa, mamär iva ngi lavuqi na ut!”
Bä nga qa lu rha dä qä qoar toqortäqyia, “Ngän det bä ngäni qur ama priskäna rhäm mes.”
Bä nga rhat tet parhäm ama iska dä märäs pät a rha. Ama sägäk nävät a rha di nga qa lu i sa märäs pät a qa dä evär däm ga dap kä nänsäs tävuk sage ma Ngämuqa. Bä arpus na qa säng ma Jisas aa qar bä qat tes ama mär sagem ga. Näkt ka di ama Samariaqa.
Dä ma Jisas ka snanbät toqortäqyia, “Gusna i märäs pät ama ngärhäqyisem na rha? Dap arhani ama ngärhäqyet da levaet na rha rha qoe? Qop nga va qaku aung evär däm ga bä qä navoda ama ansäs sage ma Ngämuqa dap pa sokt tak täkt ama nañiska?” Dä qä qoar na qa rhoqortäqyia, “Ngia rhäranas bä ngia rhet. Sa gi qatnanakt ngä mumäräs pät a nge.”


Maos dä ama Farisiqäna rhi snanbät sä ma Jisas iva qäsnia ma Ngämuqa aa Muräktpäm ngä rhän. Dä ma Jisas ka muvät toqortäqyia, “Ma Ngämuqa aa Muräktpäm diva qaku ngä namän sa anga muqunän iva ngäni lu nämät angän saqong bä va qaku ama ruvek ti naqoar toqortäqyia, ‘Erhangät i’ ura ‘Iangät muk i’ inguna ma Ngämuqa aa Muräktpäm di sa nga e gem ngän.”
Dä soknga qa qoar na aa mudäsaqongda rhoqortäqyia, “Ama qäväläm iva äm ngä rhän gärqomni i aingän diva nani a ngän masirhat iva saqi as ngäni lu anga qunäga nävät ma Ruqa aa Emga aa qunäng sokt diva qaku ngän nalu qa. Ama ruvek pa rhi qoaräs na ngän doqortäqyia, ‘Iak muk i!’ ura ‘Erhak i!’ dä qale ngän namäranas bä ngän nangang nasot a rha. Inguna ma Ruqa aa Emga vät iaqäkt aa qunäga qärak iva saqi as ka rhän diva qa rhoqor ama iauska qärakni i bañäm mät ka vät ama usäpki bä erait närhage bä särhage. Sokt diva as narhoer dä va qa rhon säda ama märänga aa ron masirhat näkt pa rhit täkt ama qoengait na ama ruvek diva rhi rhon sasot a nas täm ga. Vät ama qäväläm gärqomni iva ma Ruqa aa Emga qa rhän diva ama lat ngät täranas kärangätni i ngät toqor ama lat mudu vät ama rhodäm i ma Noa. Ama ruvek di sa rhat täs dä rhit nakt dä rhat tätlägut dä rhit bodäm na ne bä dängdäng bät ama qunäga qärakni i ma Noa qa mon sämät ama mlauski ama mor qi dä ama iqum ngä män bä ngä rhäksot na rha moe.
“Qosaqi rhoqorne na ama rhodäm ge ma Lot. Ama ruvek di sa rhat täs dä rhit nakt dä rhit boda arhä gunän dä rhit bodäm bät ama gunän dä rhit kutnanokt dä rhit täk pät ama vät. Dap kinak pät iaqäkt ama qunäga qärak i ma Lot ka met nae ma Sodom dä ma Ngämuqa qa rhäk na ama rhäptäpki dä ama qabus täm ga ama duiqa qärakni i qat dang bä qa veng da moe. Diva rhoqorne vät iaqäkt ama qunäga qärakni iva vuk sä ma Ruqa aa Emga säda eraqi.
“Va vät iaqäkt ama qunäga di mamär iva aung gärakni i qale qa vät ama vätka aa rhäng di saqi as kale ar sä qa bä qä namon säva vät nani aa qärhong gärqärhongni i qali lirhong ba vät. Bä qosaqi aung gärakni i qale qa vät a etki di saqi as kale evär däm ga nani guani. Nak pa qunäga vät a ngän sävät ma Lot aa egutki!
“Aung gärakni i qä siqut iva qa rhumaiar na aa iar diva qa rhusäng sä ngät nasot dap iaqäkt kärak i qa rhusäng sa aa iar diva qa rhumaiar ngät. Ngu qoar na ngän i nävä iaqyäkt ama bängagi diva qale ama ruiom bät ama laiqa ama sägäk näkt pa ma Ruqa aa Emga qä rha ak dap pät ak mäk. Ama unbem ama evovem diva in moe in dualat i ini qräskräs ama wit dä va ma Ruqa aa Emga qä rha aktni dap pa qale aktni mäk.”
Dä ama mudäsaqongda rhi snanbät sä ma Jisas toqortäqyia, “Aurha Engeska, va qoe nai rhoqoräkt?”
Dä qa muvät toqortäqyia, “Äkt i ama säktämgi qali qi e diva västämne na ama isäm e qärangätni i ngät dräm ngät täs ama säktämgi.”

Terera ku Ma Luk 17