Romani, Sinti - Romanes Arbeit Marburg (Drama NT)

<div class="version vid3082 iso6393rmo" data-vid="3082" data-iso6393="rmo">
 <div class="book bkLUK">
 <div class="chapter ch15" data-usfm="LUK.15">
 <div class="label">15</div><div class="s1">O nashedo bakro</div><div class="p"> 1His i diwes, kai wan bud bibolde pash o Jesuseste, kai lenn i biboldendar lowe i Remarjenge dren, un bud wawar, kai tchilatcho koowa kran un doleske pale-tchidde hi. Jon lauter kaman te shunenn le les. 2Kol Farisarja un i biboldengre tchatchepangre his chojemen pral o Jesuseste un penan: &#8220;Kau mursh lell i pale-tchidde pash peste pre, un chal lentsa.&#8221;</div><div class="p"> 3Koi penas o Jesus lenge laba, kai i khatedo tchatchepen dren hi, un penas: 4&#8220;Te hi jekes tumendar sheel bakre, un jek lendar djal nashedo, palle mukell lo kol wawaren tardo, un rodell ko jekes jaake rah, te hatsell lo les. 5Un te hatsell lo koles, lell lo les ap i phik, un hi bachtelo.</div><div class="p"> 6Un te well lo khere, penell lo peskre malenge un kol wawarenge, kai trul leste djiwenna: Awenn bachteles mantsa! Me hatsom ko bakres pale, kai his nashedo.&#8221;</div><div class="p"> 7Palle penas o Jesus lenge: &#8220;Me penau tumenge: Pral ko jek tchilatcho, kai mukas peskro tchilatcho drom un djal ap o Debleskro drom, pral koleste hi bareder bacht an o bolepen, har pral kol wawarende, kai patsenna, te nai atchenn le ap pengro drom.&#8221;</div><div class="s1">I nashedi rupeni bema</div><div class="p"> 8Te hi i djuwjat deesh rupene beme, un nashrell jek, krell li i momeli an, un rodell koi bema an o tselo kheer jaake rah, bis te hatsell li lat. 9Un te hatsell li koi rupeni bema, dell li peskre malen gole un kol wawaren, kai pash late djiwenna, un penella: Awenn bachtelo mantsa! Me hatsom miri rupeni bema, kai nashrom. 10Me penau tumenge ninna: O Debleskre bolepangre hi bachtelo pral jekeste, kai mukell peskro tchilatcho drom un djal ap o Debleskro drom.</div><div class="s1">O nashedo tchawo</div><div class="p"> 11Un o Jesus penas: I murshes his dui tchawe. 12Ko terneder penas ap peskro dadeste: De man kanna kowa, hoi me lau pal tiro merepen! Un o dad das hakenes peskro kotar. 13Pal i tikno tsiro las o terneder tchawo peskro tselo brawlepen, un djas an i wawar them, djiwas i shukar djipen, un das peskro tselo brawlepen win. 14Har les his buder tchi, was i bari bok pral o them un les his buder tchi te chal. 15Koi djas lo pash i hacho un rodas i budi. Kowa bitchras les pash i balende, te dell job garda ap lende. 16Les his bari bok un kamas ninna kowa te chal, hoi i bale chana. Kokres kowa kamas les kek te dell.</div><div class="p"> 17Un job penas ap peste: Miro dades hi bud budepangre. Kolen hi bud te chal, un me merau kate i bokatar. 18Me kamau pash miro dadeste te djal, te penap: Tata, me krom i tchilatcho koowa, kai me djom tutar un o Deblestar krik. 19Me hom gar moldo, te atchap tiro tchawo. Le man pash tute pre, te wap tiro budepaskro!</div><div class="p"> 20Un job stas pre, un djas pash peskro dadeste pale. Har leskro dad les dural dikas, khaitas o tchawo les. Un o dad nashas pash leste, tapras les trujel, un tchumras les.</div><div class="p"> 21Koi penas o tchawo ap leste: Tata, me krom i tchilatcho koowa, kai me djom tutar un o Deblestar krik. Un me hom gar moldo, te atchap tiro tchawo.</div><div class="p"> 22Koi penas o dad ap peskre budepangre: Anenn sik o feteder ripen, un riwenn kowa leske an! Denn les i gustri un denn les kircha! 23Anenn i terni thulli grumni! Marenn lat, te chas un was bachtelo!</div><div class="p"> 24Tchatchepah, miro tchawo his mulo, un was djido. Job his nashedo un was pale.</div><div class="p">Un jon wan lauter bachtelo.</div><div class="p"> 25Ko phureder tchawo budras win ap i kotar phub. Har job khere djas un pash o kheer was, shunas lo bashepen un khelepen.</div><div class="p"> 26Un job das i budepaskres gole, un putchas lestar, hoi kote djas.</div><div class="p"> 27Kowa penas: Tiro phraal was sasto pale. Doleske maras tiro dad i terni thulli grumjat leske.</div><div class="p"> 28Kote was job chojedo, un kamas gar an o kheer te djal. Un leskro dad djas win, un mangas les, te well lo an o kheer dren.</div><div class="p"> 29Un ko tchawo penas ap peskro dadeste: Tu djineh, kai me bud bersha tuke budrom, un krom lauter, hoi tu mange penal. Mange maral tu kek bakro, te chap les mire malentsa, un te wap bachtelo.</div><div class="p"> 30Tiro tchawo, kai was kanna pale khere, kowa, kai das tire lowe win i lubjentsa, koleske maral i terni thulli grumni.</div><div class="p"> 31Koi penas o dad ap leste: Miro tchawo, tu hal hako tsiro pash mande, un hoi miro hi, kowa hi ninna tiro. 32Mer hunte was bachtelo. Tiro phraal his mulo un was djido. Job his nashedo un hatsas pale khere.</div>
 </div>
 </div>
</div>

© 2021 Romanes-Arbeit-Marburg e.V. Erste Auflage Alle Rechte vorbehalten Die Lizenzvereinbarung erlaubt eine nicht-kommerzielle Nutzung des Textes. Änderungen des Textes sind jedoch untersagt. Der Rechteinhaber, Romanes-Arbeit-Marburg e.V., muss bei jeder Veröffentlichung erwähnt werden. Für jegliche kommerzielle Verbreitung muss ein Herausgeber beim Rechteinhaber eine schriftliche Genehmigung beantragen. Herausgeber und Vertrieb: Romanes-Arbeit-Marburg e.V., Germany info@romanes-arbeit-marburg.de ISBN: 978-3-00-068366-4 Illustrationen von Louise Bass und Horace Knowles © The British amp Foreign Bible Society, 1954, 1967, 1972, 1994, 1995 Farbige Illustrationen mit Erlaubnis von Louise Bass Kartenmaterial generiert mit Bible Mapper © 2005-2010 von David P. Barret Alle Rechte an den Karten © 2021, Wycliffe Bible Translators, Inc.

His i diwes, kai wan bud bibolde pash o Jesuseste, kai lenn i biboldendar lowe i Remarjenge dren, un bud wawar, kai tchilatcho koowa kran un doleske pale-tchidde hi. Jon lauter kaman te shunenn le les. Kol Farisarja un i biboldengre tchatchepangre his chojemen pral o Jesuseste un penan: “Kau mursh lell i pale-tchidde pash peste pre, un chal lentsa.”
Koi penas o Jesus lenge laba, kai i khatedo tchatchepen dren hi, un penas: “Te hi jekes tumendar sheel bakre, un jek lendar djal nashedo, palle mukell lo kol wawaren tardo, un rodell ko jekes jaake rah, te hatsell lo les. Un te hatsell lo koles, lell lo les ap i phik, un hi bachtelo.
Un te well lo khere, penell lo peskre malenge un kol wawarenge, kai trul leste djiwenna: Awenn bachteles mantsa! Me hatsom ko bakres pale, kai his nashedo.”
Palle penas o Jesus lenge: “Me penau tumenge: Pral ko jek tchilatcho, kai mukas peskro tchilatcho drom un djal ap o Debleskro drom, pral koleste hi bareder bacht an o bolepen, har pral kol wawarende, kai patsenna, te nai atchenn le ap pengro drom.”

Te hi i djuwjat deesh rupene beme, un nashrell jek, krell li i momeli an, un rodell koi bema an o tselo kheer jaake rah, bis te hatsell li lat. Un te hatsell li koi rupeni bema, dell li peskre malen gole un kol wawaren, kai pash late djiwenna, un penella: Awenn bachtelo mantsa! Me hatsom miri rupeni bema, kai nashrom. Me penau tumenge ninna: O Debleskre bolepangre hi bachtelo pral jekeste, kai mukell peskro tchilatcho drom un djal ap o Debleskro drom.

Un o Jesus penas: I murshes his dui tchawe. Ko terneder penas ap peskro dadeste: De man kanna kowa, hoi me lau pal tiro merepen! Un o dad das hakenes peskro kotar. Pal i tikno tsiro las o terneder tchawo peskro tselo brawlepen, un djas an i wawar them, djiwas i shukar djipen, un das peskro tselo brawlepen win. Har les his buder tchi, was i bari bok pral o them un les his buder tchi te chal. Koi djas lo pash i hacho un rodas i budi. Kowa bitchras les pash i balende, te dell job garda ap lende. Les his bari bok un kamas ninna kowa te chal, hoi i bale chana. Kokres kowa kamas les kek te dell.
Un job penas ap peste: Miro dades hi bud budepangre. Kolen hi bud te chal, un me merau kate i bokatar. Me kamau pash miro dadeste te djal, te penap: Tata, me krom i tchilatcho koowa, kai me djom tutar un o Deblestar krik. Me hom gar moldo, te atchap tiro tchawo. Le man pash tute pre, te wap tiro budepaskro!
Un job stas pre, un djas pash peskro dadeste pale. Har leskro dad les dural dikas, khaitas o tchawo les. Un o dad nashas pash leste, tapras les trujel, un tchumras les.
Koi penas o tchawo ap leste: Tata, me krom i tchilatcho koowa, kai me djom tutar un o Deblestar krik. Un me hom gar moldo, te atchap tiro tchawo.
Koi penas o dad ap peskre budepangre: Anenn sik o feteder ripen, un riwenn kowa leske an! Denn les i gustri un denn les kircha! Anenn i terni thulli grumni! Marenn lat, te chas un was bachtelo!
Tchatchepah, miro tchawo his mulo, un was djido. Job his nashedo un was pale.
Un jon wan lauter bachtelo.
Ko phureder tchawo budras win ap i kotar phub. Har job khere djas un pash o kheer was, shunas lo bashepen un khelepen.
Un job das i budepaskres gole, un putchas lestar, hoi kote djas.
Kowa penas: Tiro phraal was sasto pale. Doleske maras tiro dad i terni thulli grumjat leske.
Kote was job chojedo, un kamas gar an o kheer te djal. Un leskro dad djas win, un mangas les, te well lo an o kheer dren.
Un ko tchawo penas ap peskro dadeste: Tu djineh, kai me bud bersha tuke budrom, un krom lauter, hoi tu mange penal. Mange maral tu kek bakro, te chap les mire malentsa, un te wap bachtelo.
Tiro tchawo, kai was kanna pale khere, kowa, kai das tire lowe win i lubjentsa, koleske maral i terni thulli grumni.
Koi penas o dad ap leste: Miro tchawo, tu hal hako tsiro pash mande, un hoi miro hi, kowa hi ninna tiro. Mer hunte was bachtelo. Tiro phraal his mulo un was djido. Job his nashedo un hatsas pale khere.

Terera ku Luka 15