Giryama - 2004 Edition (Drama NT)

<div class="version vid2207 iso6393nyf" data-vid="2207" data-iso6393="nyf">
 <div class="book bkLUK">
 <div class="chapter ch24" data-usfm="LUK.24">
 <div class="label">24</div><div class="s">Kufufuka kwa Jesu</div><div class="r"> Math'ayo 28:1-10; Mariko 16:1-8; Johana 20:1-10</div><div class="p"> 1Vikara irihofika siku ya kwandza ya wiki o anaache mauka na madzach'a maitsi machenda ko mbirani na go mavumba marigokala madzagathayarisha mende makamumwagire here adha rao ririzho. 2Marihofika kuko machendaona ro riiwe ra kubiningizira yo mbira ridzapingiliswa kure na yo mbira. 3Ela hatha vizho machangira mo ndani, mariholola k'amawonere bule wo mwiri wa Bwana Jesu. 4Marihokala machere haho kudangana-dangana, lola mahenda kuona anaalume airi maimire hehi nao. At'u alume aa mere madzavala nguwo za kumetha-metha. 5Bai o anaache mapiga mavindi makidzizanya kuno nyuso zao zinalola ho ts'i kwa ut'u wa woga munji mariokala nawo. O at'u alume machambola kuuza makiamba, &#8220;Mbona munamumala mut'u ariye moyo kahi za at'u mariofwa? 6#9:21-22K'aho bule be haha, adzafufuka! Amba munakumbukira zho arizhokala akimwambira arihokala achere nanwi ko Galilaya? 7Kukala Mwana wa Mudamu andalazhwa mikononi mwa at'u enye dambi, kidza andasulubiwa, ela indihofika siku ya hahu andafufuka kaheri.&#8221; 8Ndo haho o ana ache makikumbukira go maneno ga Jesu.</div><div class="p"> 9 # 
 Mar 16:10-11; Luk 8:2-3 Bai marihouya kula ko mbirani makwendaambira o anafundzi kumi na mumwenga na o angine osi gaga maut'u gaga. 10Anaache aa were ni Maryamu Magidalena na Joana, na Maryamu mameye Jakobu. Aa hamwenga na o angine mariokala hamwenga nao ndo mariokwendaambira o ahumwi dzulu za maut'u gaga. 11Ela o ahumwi makiona go marigonena o ana ache be k'agana mana yoyosi, kwa vizho k'amaakuluhirire bule. 12Ela hamwenga na vizho, P'et'ero waungarara na akikot'a malo kwenda ko mbirani. Arihofika kuko akizama akilola na akizona zo nguwo za sandza zi h'akeye. Ndo akiuka akikwatya kuuya kuno anaaza mo moyoni, &#8220;Ut'u uno udziwohendeka ni ut'u wani?&#8221;</div><div class="s">Jesu anaambolera anafundzie airi</div><div class="r"> Mariko 16:12-13</div><div class="p"> 13Vikara siku iyo vizho, hakikala hana anafundzi airi a Jesu manenda kadzidzi kaifwako Emau. Kadzidzi kaka were ka here maili fungahe vivi kula Jerusalemu. 14Anafundzi aa were manenda kuno manasumurira dzulu za kila kit'u ambacho were chahendeka. 15K'uzhona zho marihokala manasumurira, Jesu waasongerera na akinenda hamwenga nao, 16ela ao k'amadimire kumumanya bule kwani matso gao were gadzaziywa.</div><div class="p"> 17Ndo Jesu akiuza akiamba, &#8220;Munasumurira dzulu za ut'u wani nwi kuno munenda?&#8221; Kusikira vizho makiima thii, kuno nyuso zao zidzakundzika kwa huzuni. 18Mumwenga wao kahi za aa airi were nde Kileopa. Vikara yuyu akimuza Jesu akiamba, &#8220;Unamala uambe u mujeni muno Jerusalemu hatha k'umanya maut'u garigohendeka vino dzuzi-dzuzi?&#8221;</div><div class="p"> 19 # 
 7:16
 Jesu akiauza akiamba, &#8220;Ni maut'u gani be go?&#8221; O anafundzi makimudzigidzya makiamba, &#8220;Ni maut'u garigomukalira mut'u aifwaye Jesu wa Nazareth'i. Mut'u yuyu were ni nabii na were ana nguvu mbere za Mulungu na mbere za at'u osi. Nguvu zizi zaoneka kahi za kunenakwe na hatha kahi za mahendoge. 20Bai o alombi abomu na o vilongozi ehu, makimulazha ili ahukumiwe kwalagwa, ndo akisulubiwa. 21#1:68; 2:38Siswi were huna th'amaa kukala iye nde ariye angakombola ts'i ya Iziraeli! Zaidhi ya gago ni kwamba rero ni hahu hangu gakale gaga. 22Na ut'u ungine ni kwamba ano m'ama ehu angine madzahushangaza. At'u ao madzarauka ko mbirani madzach'a, 23ela madzihofika kuko, k'amawonere bule wo mwiri wa Jesu. Ndo makadza na makahuthalira uv&#817;oro wa kukala madzaona maono ga malaika na makaambira kukala ye Jesu a moyo! 24#24:12; Joh 20:3-10Badaye angine ehu makenda vivii, hatha ko mbirani. Madzihofika kuko makaona zho madzizhoamba o anaache zhenye, ela ye Jesu mwenye k'amamonere bule.&#8221;</div><div class="p"> 25 # 
 24:45
 Jesu akiambira, &#8220;Mbona mu azuzu namuna ino? Mbona muna kiziho na kukuluhira go garigonenwa ni manabii ho kapindi? 26Vidze were k'avimala ye Masihi apate thabu na badaye angire kahi za ngumaye?&#8221; 27#24:44K'uzhona zho Jesu akikwatya kuang'aziza gosi garigo kahi za Maoro ganenago dzuluze. Jesu waandza na zhuwo zhosi zha Musa na hatha Maoro ga manabii osi, akiaeleza. 28Vikara marihokala madzafika hehi na ko kadzidzi marikokala manenda, Jesu were ni here andiyekira ende ko mbere ya ko kadzidzi. 29Kuona vizho makimusitira makiamba, &#8220;H'aa, ni zhani bai, kala naswi kwani hatha dzuwa rinenda kupothokani na dzulo rinangira kare.&#8221; Kwa vizho Jesu k'akahalire achenda hamwenga nao.</div><div class="p"> 30Vikara arihokala adzakelesi kuhumira chakurya hamwenga nao, wahala mukahe akimboza muv&#817;era kwa Mulungu gonya akiumogola na akiap'a. 31Haho ndo matso gao gakigunuka na makimumanya ye Jesu. K'avitoere, ko kumumanya thu, achangamika kare haho kwa haho 32#24:45Na lola makikwatya kuuzana-uzana na kuamba, &#8220;Vidze kurya ngirani amba mioyo yehu were ina raha zhomu, adzihokala ananena naswi na kufung'azira garya garigo kahi za Maoro?&#8221;</div><div class="p"> 33Bai makiungarara kare na makikwatya kuuya Jerusalemu. Marihofika kuko makionana na aryahu ahumwi kumi na mumwenga hamwenga na anafundzi angine a Jesu. 34#Mar 16:7; 1 Akor 15:4-5Na o airi kuonewa thu makiambwa, &#8220;Aa ni jeri benwi! Ye Bwana be adzafufuka jeri na hatha akamwambolera Simoni.&#8221; 35Gonya o airi nao makithala garyahu ambago were gadzaakalira mo ngirani kwenda Emau, na viryahu ambazho mamumanya ye Jesu arihomogola mukahe.</div><div class="s">Jesu anaambolera anafundzie</div><div class="r"> Math'ayo 28:16-20; Mariko 16:14-18; Johana 20:19-23; Mahendo 1:6-8</div><div class="p"> 36 # 24:36 1 Akor 15:5; Dheri: Luk 2:14 Na lola hatha were k'amadzatosa wo moro wao, poo ye Jesu mwenye na akiima kahi zao. Akialamusa akiamba, &#8220;Dheri narikale kwenu.&#8221;</div><div class="p"> 37 # 
 Math' 14:26; Mar 6:49 Lola makihondoka na makidzalwa ni woga, kwani maona manaona p'ep'o be o. 38Ela Jesu akiauza akiamba, &#8220;Mbona munabudzyika kaheri? Kwanoni mioyo yenu i thele kutsakuluhira? 39H'aya nilolani go magulu na yo mikono yangu hedu, samba ndimi mino! Nigut'ani mulole hedu, kwani p'ep'o k'ana mwiri hedu hatha misoza, dza here nirizho mimi.&#8221;</div><div class="p"> 40Arihogonya kunena vizho, akianyesa go magandzage na go maguluge. 41#Joh 21:5, 10; Mahe 10:41Ndo marihokala machere k'amadzakuluhira kwa ut'u wa ro fwahiro bomu na ko kushangaa, Jesu akiauza akiamba, &#8220;Vidze muna ut'u wowosi wa kurya hano?&#8221; 42Bai makihala kisiku cha kumba ra kukanja makimup'a. 43Jesu akikihala cho kisiku cha kumba na akikirya manalola. 44#24:44 24:27; Joh 5:39; Musa: Mahe 7:9-10, 25-27, 35, 37-39; Joh 5:46; Manabii: Isa 52:13&#8211;53:12; Hose 6:2; Zaburi: Zabu 22; 69Gonya akiambira, &#8220;Maut'u gaga genye be ndo nirigokala nikimwambira nirihokala nichere hamwenga nanwi, kukala kila kit'u kirichoorwa dzulu zangu kahi za Sheria ya Musa na zhuwo zha manabii na hatha kahi za zhuwo zha zaburi suthi vithimire.&#8221; 45#24:25-27, 32; Joh 20:9Gonya akiahendya madime kung'alirwa ni go Maoro. 46#9:21-22; Math' 26:56; Mar 14:49; 1 Akor 15:3-4; Mahe 17:2-3; 28:23Kidza akiambira, &#8220;Vivi ndizho ambazho zhaorwa, kukala ye Masihi were suthi apate thabu na kidza afwe na siku ya hahu afufuke kula kifwani. 47#3:3; Mahe 1:8; 5:31; 11:18; 17:30-31; 20:21; Arum 15:19Na at'u osini a kila kabila, kuandzira mudzi wa Jerusalemu mahubiriwe kahi za dzinare kwamba mathubu na mausizwe dambi zao. 48#Mahe 5:32; Joh 15:26-27#Mahe 1:8, 22; 2:32; 3:15; 4:33; 10:39-41; 13:31Ninwi bai mu mashahidhi a maut'u gaga. 49#4:18Na lolani mimi mwenye bai nindamuhirikira viryahu virizholagwa ni Baba. Ela kabila vizho, kalani haha Jerusalemu muhaka mundihovikwa nguvu za kula dzulu mulunguni.&#8221;</div><div class="s">Jesu anenda dzulu mulunguni</div><div class="r"> Mariko 16:19-20; Mahendo 1:9-11</div><div class="p"> 50 # 
 9:51; Mar 16:19; Mahe 1:9; 3:21 Badaye akialongoza kuwombola wo mudzi muhaka kadzidzi ka Beth'ania, marihofika kuko Jesu akinula mikonoye na akiahasa. 51Bai arihokala achere kuahasa akiahaukira na akinulwa achenda mulunguni. 52#Mahe 1:12; Joh 14:28; 16:22O anafundzi makimuabudu gonya makiuya Jerusalemu na fwahiro bomu. 53#Mahe 2:46; 5:12Nao makala kahi za ro Hekalu siku zosi kumulika Mulungu.</div>
 </div>
 </div>
</div>

Vikara irihofika siku ya kwandza ya wiki o anaache mauka na madzach'a maitsi machenda ko mbirani na go mavumba marigokala madzagathayarisha mende makamumwagire here adha rao ririzho. Marihofika kuko machendaona ro riiwe ra kubiningizira yo mbira ridzapingiliswa kure na yo mbira. Ela hatha vizho machangira mo ndani, mariholola k'amawonere bule wo mwiri wa Bwana Jesu. Marihokala machere haho kudangana-dangana, lola mahenda kuona anaalume airi maimire hehi nao. At'u alume aa mere madzavala nguwo za kumetha-metha. Bai o anaache mapiga mavindi makidzizanya kuno nyuso zao zinalola ho ts'i kwa ut'u wa woga munji mariokala nawo. O at'u alume machambola kuuza makiamba, “Mbona munamumala mut'u ariye moyo kahi za at'u mariofwa? K'aho bule be haha, adzafufuka! Amba munakumbukira zho arizhokala akimwambira arihokala achere nanwi ko Galilaya? Kukala Mwana wa Mudamu andalazhwa mikononi mwa at'u enye dambi, kidza andasulubiwa, ela indihofika siku ya hahu andafufuka kaheri.” Ndo haho o ana ache makikumbukira go maneno ga Jesu.
Bai marihouya kula ko mbirani makwendaambira o anafundzi kumi na mumwenga na o angine osi gaga maut'u gaga. Anaache aa were ni Maryamu Magidalena na Joana, na Maryamu mameye Jakobu. Aa hamwenga na o angine mariokala hamwenga nao ndo mariokwendaambira o ahumwi dzulu za maut'u gaga. Ela o ahumwi makiona go marigonena o ana ache be k'agana mana yoyosi, kwa vizho k'amaakuluhirire bule. Ela hamwenga na vizho, P'et'ero waungarara na akikot'a malo kwenda ko mbirani. Arihofika kuko akizama akilola na akizona zo nguwo za sandza zi h'akeye. Ndo akiuka akikwatya kuuya kuno anaaza mo moyoni, “Ut'u uno udziwohendeka ni ut'u wani?”


Vikara siku iyo vizho, hakikala hana anafundzi airi a Jesu manenda kadzidzi kaifwako Emau. Kadzidzi kaka were ka here maili fungahe vivi kula Jerusalemu. Anafundzi aa were manenda kuno manasumurira dzulu za kila kit'u ambacho were chahendeka. K'uzhona zho marihokala manasumurira, Jesu waasongerera na akinenda hamwenga nao, ela ao k'amadimire kumumanya bule kwani matso gao were gadzaziywa.
Ndo Jesu akiuza akiamba, “Munasumurira dzulu za ut'u wani nwi kuno munenda?” Kusikira vizho makiima thii, kuno nyuso zao zidzakundzika kwa huzuni. Mumwenga wao kahi za aa airi were nde Kileopa. Vikara yuyu akimuza Jesu akiamba, “Unamala uambe u mujeni muno Jerusalemu hatha k'umanya maut'u garigohendeka vino dzuzi-dzuzi?”
Jesu akiauza akiamba, “Ni maut'u gani be go?” O anafundzi makimudzigidzya makiamba, “Ni maut'u garigomukalira mut'u aifwaye Jesu wa Nazareth'i. Mut'u yuyu were ni nabii na were ana nguvu mbere za Mulungu na mbere za at'u osi. Nguvu zizi zaoneka kahi za kunenakwe na hatha kahi za mahendoge. Bai o alombi abomu na o vilongozi ehu, makimulazha ili ahukumiwe kwalagwa, ndo akisulubiwa. Siswi were huna th'amaa kukala iye nde ariye angakombola ts'i ya Iziraeli! Zaidhi ya gago ni kwamba rero ni hahu hangu gakale gaga. Na ut'u ungine ni kwamba ano m'ama ehu angine madzahushangaza. At'u ao madzarauka ko mbirani madzach'a, ela madzihofika kuko, k'amawonere bule wo mwiri wa Jesu. Ndo makadza na makahuthalira uv̱oro wa kukala madzaona maono ga malaika na makaambira kukala ye Jesu a moyo! Badaye angine ehu makenda vivii, hatha ko mbirani. Madzihofika kuko makaona zho madzizhoamba o anaache zhenye, ela ye Jesu mwenye k'amamonere bule.”
Jesu akiambira, “Mbona mu azuzu namuna ino? Mbona muna kiziho na kukuluhira go garigonenwa ni manabii ho kapindi? Vidze were k'avimala ye Masihi apate thabu na badaye angire kahi za ngumaye?” K'uzhona zho Jesu akikwatya kuang'aziza gosi garigo kahi za Maoro ganenago dzuluze. Jesu waandza na zhuwo zhosi zha Musa na hatha Maoro ga manabii osi, akiaeleza. Vikara marihokala madzafika hehi na ko kadzidzi marikokala manenda, Jesu were ni here andiyekira ende ko mbere ya ko kadzidzi. Kuona vizho makimusitira makiamba, “H'aa, ni zhani bai, kala naswi kwani hatha dzuwa rinenda kupothokani na dzulo rinangira kare.” Kwa vizho Jesu k'akahalire achenda hamwenga nao.
Vikara arihokala adzakelesi kuhumira chakurya hamwenga nao, wahala mukahe akimboza muv̱era kwa Mulungu gonya akiumogola na akiap'a. Haho ndo matso gao gakigunuka na makimumanya ye Jesu. K'avitoere, ko kumumanya thu, achangamika kare haho kwa haho Na lola makikwatya kuuzana-uzana na kuamba, “Vidze kurya ngirani amba mioyo yehu were ina raha zhomu, adzihokala ananena naswi na kufung'azira garya garigo kahi za Maoro?”
Bai makiungarara kare na makikwatya kuuya Jerusalemu. Marihofika kuko makionana na aryahu ahumwi kumi na mumwenga hamwenga na anafundzi angine a Jesu. Na o airi kuonewa thu makiambwa, “Aa ni jeri benwi! Ye Bwana be adzafufuka jeri na hatha akamwambolera Simoni.” Gonya o airi nao makithala garyahu ambago were gadzaakalira mo ngirani kwenda Emau, na viryahu ambazho mamumanya ye Jesu arihomogola mukahe.


Na lola hatha were k'amadzatosa wo moro wao, poo ye Jesu mwenye na akiima kahi zao. Akialamusa akiamba, “Dheri narikale kwenu.”
Lola makihondoka na makidzalwa ni woga, kwani maona manaona p'ep'o be o. Ela Jesu akiauza akiamba, “Mbona munabudzyika kaheri? Kwanoni mioyo yenu i thele kutsakuluhira? H'aya nilolani go magulu na yo mikono yangu hedu, samba ndimi mino! Nigut'ani mulole hedu, kwani p'ep'o k'ana mwiri hedu hatha misoza, dza here nirizho mimi.”
Arihogonya kunena vizho, akianyesa go magandzage na go maguluge. Ndo marihokala machere k'amadzakuluhira kwa ut'u wa ro fwahiro bomu na ko kushangaa, Jesu akiauza akiamba, “Vidze muna ut'u wowosi wa kurya hano?” Bai makihala kisiku cha kumba ra kukanja makimup'a. Jesu akikihala cho kisiku cha kumba na akikirya manalola. Gonya akiambira, “Maut'u gaga genye be ndo nirigokala nikimwambira nirihokala nichere hamwenga nanwi, kukala kila kit'u kirichoorwa dzulu zangu kahi za Sheria ya Musa na zhuwo zha manabii na hatha kahi za zhuwo zha zaburi suthi vithimire.” Gonya akiahendya madime kung'alirwa ni go Maoro. Kidza akiambira, “Vivi ndizho ambazho zhaorwa, kukala ye Masihi were suthi apate thabu na kidza afwe na siku ya hahu afufuke kula kifwani. Na at'u osini a kila kabila, kuandzira mudzi wa Jerusalemu mahubiriwe kahi za dzinare kwamba mathubu na mausizwe dambi zao. Ninwi bai mu mashahidhi a maut'u gaga. Na lolani mimi mwenye bai nindamuhirikira viryahu virizholagwa ni Baba. Ela kabila vizho, kalani haha Jerusalemu muhaka mundihovikwa nguvu za kula dzulu mulunguni.”


Badaye akialongoza kuwombola wo mudzi muhaka kadzidzi ka Beth'ania, marihofika kuko Jesu akinula mikonoye na akiahasa. Bai arihokala achere kuahasa akiahaukira na akinulwa achenda mulunguni. O anafundzi makimuabudu gonya makiuya Jerusalemu na fwahiro bomu. Nao makala kahi za ro Hekalu siku zosi kumulika Mulungu.

Terera ku Luka 24