Giryama - 2004 Edition (Drama NT)

<div class="version vid2207 iso6393nyf" data-vid="2207" data-iso6393="nyf">
 <div class="book bkLUK">
 <div class="chapter ch19" data-usfm="LUK.19">
 <div class="label">19</div><div class="s">Jesu na Zakayo</div><div class="p"> 1Jesu achangira mudzi wa Jeriko, naye akikala anakira kahikahi za wo mudzi. 2Bai hakikala hana mut'u ariye were ni mubomu wa athozi a kodi dzinare were ni Zakayo, naye were ni shaha k'azhadimikika. 3Naye were anamala kumona Jesu amanye chamba ni mut'u ariyedze, ela vikimushinda mana were ni mut'u mufuti mwenye na ro kundi ra at'u rere rinamuziya. 4Kwa vizho akiuka malo achenda ko mbere, na achendakwera mukuyu ili adime kumona Jesu, kwani Jesu were andakira na ngira iyo.</div><div class="p"> 5Bai Jesu arihofika ho hat'u haho, walola dzulu na akimwamba Zakayo, &#8220;Zakayo, thima mara mwenga! Kwani vivi rero be suthi nikale mujenio.&#8221; 6Kusikira vizho Zakayo wathima mara mwenga na akimuhala Jesu achenda naye kwakwe mudzini kuno ana raha ut'u wa kwangalaza. 7#Math' 9:10Ela o at'u, ut'u uu k'auafwahirire bule, kwani makwatya kunung'unika na kuamba, &#8220;Mut'u yuyu adzakwenda ujeni kwa mut'u ariye be ni mudambi zhomu!&#8221; 8#Kumbo 22:1; Izik 33:14-16K'uzhona zho Zakayo akiungarara na akimwamba Bwana vivi, &#8220;Lola Bwana! Kulaiza virero be nusu ya ushaha wangu nindaip'a akiya, na mut'u yoyosi niriyemukenga na nikimuthoza kiwango kibomu, be mut'u iye nindamuriha k'ana ne zenye ya zho nirizhomuhalira.&#8221; 9#13:16; Mahe 16:31Jesu akimwamba Zakayo, &#8220;Rero wokolwi udzangira kahi za nyumba ii, kwani yuyu naye ni wa lukolo lwa Burahemu. 10#Izik 34:16; Math' 9:13; Mar 2:17; Luk 5:32; 1 T'imo 1:15Na Mwana wa Mudamu wakudza kuamala na kuakola aryahu mariongamika.&#8221;</div><div class="s">Fumbo ra at'u mariogazhirwa p'esa</div><div class="r"> Math'ayo 25:14-30</div><div class="p"> 11 # 
 11:2; Mahe 1:6 Bai o at'u marihokala machere manaaza go maut'u gaga, Jesu waenderera kunena na akiambira fumbo, kwa kukala were Jesu a hehi na mudzi wa Jerusalemu na o at'u makiona kukala wo uthawali wa Mulungu be undahenda kuhenda poo. 12#Mar 13:34; Mahe 1:11; 2:33-36Kwa vizho Jesu akikwatya kunena ro fumbo akiamba, &#8220;Kwereko na mut'u ariyekala wazhalwa kahi za nyumba ya kithajiri. Bai akiuka kwenda ts'i ya kure akagerwe cheo cha kukala muthawali, gonya auye kwao mudzini. 13Bai kabila k'adzaandza charoche akiaiha ahumikie kumi na akiap'a kila mumwenga shilingi ya dhahabu,#19:13 Shilingi ya dhahabu ya siku zizo yere ina kima cha mishahara ya miezi mihahu. na akiambira, &#8216;H'aya hendani biashara na zizi p'esa muhaka nindihouya.&#8217; 14#Mahe 4:17; 5:28; 13:44-46; 28:25-28Ela bai aryahu at'u ambao were akiuya ni adze aathawale were k'amamwendzi bule, kwa vizho makihuma at'u makaambe, &#8216;K'afumwendzi akale muthawali wehu yuyu.&#8217;</div><div class="p"> 15&#8220;Ela hatha hamwenga na vizho yuyu mut'u wahendwa akale muthawali na gonya akiuya mudzini. Bai arihouya waaiha aryahu ahumikie arioap'a ziryahu p'esa ili amanye kala mazihendera kazi na zikireha faidha yani. 16Bai ye wa kwandza akidza na akiamba, &#8216;Bwana iryahu shilingi ya dhahabu yareha faidha ya shilingi nyingine kumi za dhahabu.&#8217; 17#12:42-44; 16:10Bai ye mut'u ariyekwendahendywa muthawali akimwamba ye muhumiki, &#8216;Wahenda ut'u udzo sana, uwe u muhumiki mudzo! Bai kwa kukala wakala mwaminifu kwa maut'u mathithe, nindakuhendya ukale mubomu wa midzi kumi.&#8217; 18Gonya ye wa hiri akidza, akiamba, &#8216;Bwana iryahu shilingi yo ya dhahabu yareha faidha ya shilingi nyingine ts'ano za dhahabu.&#8217; 19Ye Bwanawe akimudzigidzya akimwamba, &#8216;Uwe nawe kala mubomu wa midzi mitsano.&#8217; 20Kula iye akidza mungine, akiamba, &#8216;Bwana, shilingiyo ya dhahabu siino, naihala nikiifunga kithambaani na nikiifitsa. 21Kwani were unanigoshera mana uwe u mut'u mukali, unahendza kuhala vit'u virizho si zhako, kidza unahendza kuvuna ut'u uriwo k'uulayire.&#8217; 22Kusikira vizho ye bwanawe akimwamba, &#8216;Ii, muhumiki mui we! Nakupiga ulongo kwa ludhimilo mwenye. Uwe were unamanya kukala ni mwomu, nahendza kuhala vit'u virizho si zhangu, kidza nahendza kuvuna ut'u uriwo siulayire, 23vikara kwanoni k'uihalire yo p'esa yangu na ukendayika bengi, ili nikiuya niyone idzazhala faidha?&#8217; 24Arihogonya kunena vizho akiagalukira o at'u mariokala maimire haho na akiambira, &#8216;Hedu muhokeni yo shilingi ya dhahabu na mumup'e ye ariye na kumi.&#8217; 25O at'u makimudzigidzya makiamba, &#8216;Aa, samba ye ana kumi kare Bwana?&#8217; 26#Math' 25:29Ye Bwana akiamba, &#8216;Namwambira kamare, kila ariye nacho, andagerwa, ela iye ariye k'ana kit'u, andahokwa hatha cho aricho nacho. 27Na vikara dzulu za aryahu mahadhui angu mariokala k'amendzi nikale muthawali wao, namala muarehe haha na mualage nalolera.&#8217; &#8221;</div><div class="s">Jesu anangira Jerusalemu</div><div class="r"> Math'ayo 21:1-11; Mariko 11:1-11; Johana 12:12-19</div><div class="p"> 28Jesu arihogonya kunena vivi wathangulia kumbuka kwenda Jerusalemu. 29Bai achenda hatha arihokala a hehi na kadzidzi ka Beth'ifage na ka Beth'ania kahi za Murima uifwao wa Mizeituni, akiahuma anafundzie airi mathangulie, 30naye waahuma na malagizo gaga, &#8220;Endani hatha kadzidzi mudzikoerekezana nako. Muchangira mundaona mwana wa ndzowe ariye k'adzapandwa ni mut'u adzafungwa, muvuguleni mumurehe haha. 31Mut'u yoyosi andiyemuza kwanoni munamuvugula, mwambeni, &#8216;Bwana ana haja naye.&#8217; &#8221; 32Kwa vizho aryahu mariohumwa machenda na marihofika kila kit'u kikikala here arizhokala Jesu adzaambira. 33Bai marihokala manamuvugula ye mwana wa ndzowe, hakimbola o enye makiamba, &#8220;Mbona munamuvugula ye mwana wa ndzowe kaheri?&#8221; 34O anafundzi makidzigidzya makiamba, &#8220;Bwana ana haja naye.&#8221; 35Bai makimureha kwa Jesu, makihala go maamba gao makigahandika ho dzulu za ye mwana wa ndzowe, gonya makimukweza Jesu ho dzulu. 36#2 Athaw 9:13Vikara arihokala akwendani, o at'u mahala maamba gao makigahandika mo ngirani. 37Bai arihokala adzafika hehi mutharamuko wa Murima wa Mizeituni, ro kundi rosi ra anafundzie rikikwatya kumulika Mulungu kwa sauthi bomu kuno mana fwahiro kwa yo miujiza mariyokala mayona. 38#Zabu 118:26; Luk 2:14Makiamba,</div><div class="q1">&#8220;Naalikwe iye muthawali adzaye kahi za dzina ra Bwana!</div><div class="q2">Dheri narikale ko mulunguni,</div><div class="q2">na nguma yende kwa Mulungu ariye dzulu!&#8221;</div><div class="p"> 39Bai Mafarisayo angine kahi za ro kundi makimwamba Jesu vivi, &#8220;Mwalimu ambire o anafundzio manyamale hedu!&#8221; 40#Haba 2:11Jesu akiadzigidzya akiamba, &#8220;Ao makinyamala, be namwambira kamare gaga mawe gandapiga londzo kare.&#8221;</div><div class="s">Jesu anarira kwa ut'u wa mudzi wa Jerusalemu</div><div class="p"> 41 # 
 21:20-24
 Vikara Jesu arihofika hehi na wo mudzi, na arihoulola ho mbereze, warira kwa ut'u wa o at'ue. 42#Kumbu 32:29; Luk 2:14Akiamba, &#8220;Kala munamanya vivi rero virizho vingamurehera dheri! Ela bai k'amudima kuzhona, 43kwa kukala siku zinadza, adhui enu mandamuzingira na kumuziza musipate hat'u ha kumbolera. 44#1:68; 21:6; Math' 24:2; Mar 13:2Nao mandamunonga-nonga kamare hamwenga na wo mudzi wenu. K'ahana iwe ririro k'arindapetulwa, kwa kukala k'amumanyire ho Mulungu arihomudzirira.&#8221;</div><div class="s">Jesu anainga at'u kula kahi za ro Hekalu</div><div class="r"> Math'ayo 21:12-17; Mariko 11:15-19; Johana 2:13-22</div><div class="p"> 45Gonya Jesu achenda kahi za ro Hekalu na achendaainga o at'u osi mariokala managuza vit'u mumo. 46#Isa 56:7; Jere 7:11Akiambira, &#8220;Zhaorwa kukala, &#8216;Nyumba yangu indakala nyumba ya mavoyo,&#8217; ela ninwi mudzaihendya p'anga ya kuzama aivi.&#8221; 47#21:37; 22:53; Math' 26:55; Mar 14:49; Joh 18:20Bada ya gago Jesu akiandza kufundisha kahi za ro Hekalu kila siku. Bai o alombi abomu, na alimu a Sheria na vilongozi a o at'u makikala manamala kumwalaga, 48#20:19; 22:2ela makikosa ngira ya kumwalagira, kwani o at'u osi were manamusirikizat'o sana hasiho kukirwa ni neno hatha mwenga.</div>
 </div>
 </div>
</div>

Jesu achangira mudzi wa Jeriko, naye akikala anakira kahikahi za wo mudzi. Bai hakikala hana mut'u ariye were ni mubomu wa athozi a kodi dzinare were ni Zakayo, naye were ni shaha k'azhadimikika. Naye were anamala kumona Jesu amanye chamba ni mut'u ariyedze, ela vikimushinda mana were ni mut'u mufuti mwenye na ro kundi ra at'u rere rinamuziya. Kwa vizho akiuka malo achenda ko mbere, na achendakwera mukuyu ili adime kumona Jesu, kwani Jesu were andakira na ngira iyo.
Bai Jesu arihofika ho hat'u haho, walola dzulu na akimwamba Zakayo, “Zakayo, thima mara mwenga! Kwani vivi rero be suthi nikale mujenio.” Kusikira vizho Zakayo wathima mara mwenga na akimuhala Jesu achenda naye kwakwe mudzini kuno ana raha ut'u wa kwangalaza. Ela o at'u, ut'u uu k'auafwahirire bule, kwani makwatya kunung'unika na kuamba, “Mut'u yuyu adzakwenda ujeni kwa mut'u ariye be ni mudambi zhomu!” K'uzhona zho Zakayo akiungarara na akimwamba Bwana vivi, “Lola Bwana! Kulaiza virero be nusu ya ushaha wangu nindaip'a akiya, na mut'u yoyosi niriyemukenga na nikimuthoza kiwango kibomu, be mut'u iye nindamuriha k'ana ne zenye ya zho nirizhomuhalira.” Jesu akimwamba Zakayo, “Rero wokolwi udzangira kahi za nyumba ii, kwani yuyu naye ni wa lukolo lwa Burahemu. Na Mwana wa Mudamu wakudza kuamala na kuakola aryahu mariongamika.”


Bai o at'u marihokala machere manaaza go maut'u gaga, Jesu waenderera kunena na akiambira fumbo, kwa kukala were Jesu a hehi na mudzi wa Jerusalemu na o at'u makiona kukala wo uthawali wa Mulungu be undahenda kuhenda poo. Kwa vizho Jesu akikwatya kunena ro fumbo akiamba, “Kwereko na mut'u ariyekala wazhalwa kahi za nyumba ya kithajiri. Bai akiuka kwenda ts'i ya kure akagerwe cheo cha kukala muthawali, gonya auye kwao mudzini. Bai kabila k'adzaandza charoche akiaiha ahumikie kumi na akiap'a kila mumwenga shilingi ya dhahabu, na akiambira, ‘H'aya hendani biashara na zizi p'esa muhaka nindihouya.’ Ela bai aryahu at'u ambao were akiuya ni adze aathawale were k'amamwendzi bule, kwa vizho makihuma at'u makaambe, ‘K'afumwendzi akale muthawali wehu yuyu.’
“Ela hatha hamwenga na vizho yuyu mut'u wahendwa akale muthawali na gonya akiuya mudzini. Bai arihouya waaiha aryahu ahumikie arioap'a ziryahu p'esa ili amanye kala mazihendera kazi na zikireha faidha yani. Bai ye wa kwandza akidza na akiamba, ‘Bwana iryahu shilingi ya dhahabu yareha faidha ya shilingi nyingine kumi za dhahabu.’ Bai ye mut'u ariyekwendahendywa muthawali akimwamba ye muhumiki, ‘Wahenda ut'u udzo sana, uwe u muhumiki mudzo! Bai kwa kukala wakala mwaminifu kwa maut'u mathithe, nindakuhendya ukale mubomu wa midzi kumi.’ Gonya ye wa hiri akidza, akiamba, ‘Bwana iryahu shilingi yo ya dhahabu yareha faidha ya shilingi nyingine ts'ano za dhahabu.’ Ye Bwanawe akimudzigidzya akimwamba, ‘Uwe nawe kala mubomu wa midzi mitsano.’ Kula iye akidza mungine, akiamba, ‘Bwana, shilingiyo ya dhahabu siino, naihala nikiifunga kithambaani na nikiifitsa. Kwani were unanigoshera mana uwe u mut'u mukali, unahendza kuhala vit'u virizho si zhako, kidza unahendza kuvuna ut'u uriwo k'uulayire.’ Kusikira vizho ye bwanawe akimwamba, ‘Ii, muhumiki mui we! Nakupiga ulongo kwa ludhimilo mwenye. Uwe were unamanya kukala ni mwomu, nahendza kuhala vit'u virizho si zhangu, kidza nahendza kuvuna ut'u uriwo siulayire, vikara kwanoni k'uihalire yo p'esa yangu na ukendayika bengi, ili nikiuya niyone idzazhala faidha?’ Arihogonya kunena vizho akiagalukira o at'u mariokala maimire haho na akiambira, ‘Hedu muhokeni yo shilingi ya dhahabu na mumup'e ye ariye na kumi.’ O at'u makimudzigidzya makiamba, ‘Aa, samba ye ana kumi kare Bwana?’ Ye Bwana akiamba, ‘Namwambira kamare, kila ariye nacho, andagerwa, ela iye ariye k'ana kit'u, andahokwa hatha cho aricho nacho. Na vikara dzulu za aryahu mahadhui angu mariokala k'amendzi nikale muthawali wao, namala muarehe haha na mualage nalolera.’ ”


Jesu arihogonya kunena vivi wathangulia kumbuka kwenda Jerusalemu. Bai achenda hatha arihokala a hehi na kadzidzi ka Beth'ifage na ka Beth'ania kahi za Murima uifwao wa Mizeituni, akiahuma anafundzie airi mathangulie, naye waahuma na malagizo gaga, “Endani hatha kadzidzi mudzikoerekezana nako. Muchangira mundaona mwana wa ndzowe ariye k'adzapandwa ni mut'u adzafungwa, muvuguleni mumurehe haha. Mut'u yoyosi andiyemuza kwanoni munamuvugula, mwambeni, ‘Bwana ana haja naye.’ ” Kwa vizho aryahu mariohumwa machenda na marihofika kila kit'u kikikala here arizhokala Jesu adzaambira. Bai marihokala manamuvugula ye mwana wa ndzowe, hakimbola o enye makiamba, “Mbona munamuvugula ye mwana wa ndzowe kaheri?” O anafundzi makidzigidzya makiamba, “Bwana ana haja naye.” Bai makimureha kwa Jesu, makihala go maamba gao makigahandika ho dzulu za ye mwana wa ndzowe, gonya makimukweza Jesu ho dzulu. Vikara arihokala akwendani, o at'u mahala maamba gao makigahandika mo ngirani. Bai arihokala adzafika hehi mutharamuko wa Murima wa Mizeituni, ro kundi rosi ra anafundzie rikikwatya kumulika Mulungu kwa sauthi bomu kuno mana fwahiro kwa yo miujiza mariyokala mayona. Makiamba,
“Naalikwe iye muthawali adzaye kahi za dzina ra Bwana!
Dheri narikale ko mulunguni,
na nguma yende kwa Mulungu ariye dzulu!”
Bai Mafarisayo angine kahi za ro kundi makimwamba Jesu vivi, “Mwalimu ambire o anafundzio manyamale hedu!” Jesu akiadzigidzya akiamba, “Ao makinyamala, be namwambira kamare gaga mawe gandapiga londzo kare.”

Vikara Jesu arihofika hehi na wo mudzi, na arihoulola ho mbereze, warira kwa ut'u wa o at'ue. Akiamba, “Kala munamanya vivi rero virizho vingamurehera dheri! Ela bai k'amudima kuzhona, kwa kukala siku zinadza, adhui enu mandamuzingira na kumuziza musipate hat'u ha kumbolera. Nao mandamunonga-nonga kamare hamwenga na wo mudzi wenu. K'ahana iwe ririro k'arindapetulwa, kwa kukala k'amumanyire ho Mulungu arihomudzirira.”


Gonya Jesu achenda kahi za ro Hekalu na achendaainga o at'u osi mariokala managuza vit'u mumo. Akiambira, “Zhaorwa kukala, ‘Nyumba yangu indakala nyumba ya mavoyo,’ ela ninwi mudzaihendya p'anga ya kuzama aivi.” Bada ya gago Jesu akiandza kufundisha kahi za ro Hekalu kila siku. Bai o alombi abomu, na alimu a Sheria na vilongozi a o at'u makikala manamala kumwalaga, ela makikosa ngira ya kumwalagira, kwani o at'u osi were manamusirikizat'o sana hasiho kukirwa ni neno hatha mwenga.

Terera ku Luka 19