<div class="version vid2138 iso6393dav" data-vid="2138" data-iso6393="dav">
   <div class="book bkGEN">
      <div class="chapter chINTRO1" data-usfm="GEN.INTRO1">
         <div class="imt"><span class="content">MALAGHO GHEZOYA</span></div><div class="ip"><span class="content">Genesis kutambua kwaro ni Kuzoya. Chuo ichi chaawuyaghora malagho gha kuzoya kwa kuumba, kuzoya kwa wadamu, kuzoya kwa kaung'a na wasi wurumwengunyi, na seji Mlungu ubonyere chia ekanya na mdamu. Chuo cha kuzoya chawaghilo mafungu awi mabaa:</span></div><div class="ip"><span class="content">1. Mnyango ghwa imbiri hata ghwa ikumi na imweri, kuumbwa kwa wurumwengu na historia ya imbiri aighu ya kivalwa cha mdamu. Aha dapata malagho gha Adamu na Hawa, Kaini na Abeli, Nuhu na gharika, na mnara ghwa Babuloni.</span></div><div class="ip"><span class="content">2. Mnyango ghwa 12 hata ghwa 50 dapata historia ya imbiri ya weke wawa wa Israeli. Imbiri ni Abrahamu orewonekieghe na irumirio chiaimweri na kumsikira Mlungu. Nao lukanugha lughano lwa mwana wake Isaaka na lwa wawae Jakobo (uo orewangiloghe irina jimu Israeli), na lwa wana wa Jakobo ikumi na wawi, awo werewurieghe vichuku ikumi na viwi va Israeli. Malagho mabaa ghetalwa ni aighu ya umu wa wana wake uwangwaghwa Josefu; na malagho gherebonyekieghe ghemshekeria Jakobo na kivalwa chake kukaia isanga ja Misri.</span></div><div class="ip"><span class="content">Ngelo chuo ichi chidinekagha historia aighu ya wandu, yafwane imanyike putu imbiri kukaia, ni mpango ghwa agho Mlungu ubonyere. Yazoya na kudiwonyera wuloli putu kukaia Mlungu waumbie wurumwengu na kughumeria kwa kuwonyera kukaia Mlungu uchakaia ukiwitala wandu wake kunughana na ilaghano jake. Chuo chose chaawuyawonyera tabia yose ya Mlungu, uo utanyagha na kuwineka adhabu wakosi. Wadawilongoza wandu wake na kuwitesia, na kubonya historia yawo iwoneke iboie. Chuo ichi cha kokala chedeandikwa kwa wundu ghowika malagho gha irumirio ja wandu, na kutesia kujilindia jiduo moyo.</span></div><div class="iot"><span class="content">Malagho ghiko andenyi</span></div><div class="io1"><span class="content">Kuumbwa kwa wurumwengu na mdamu 1.1&#8211;2.25</span></div><div class="io1"><span class="content">Kuzoya kwa kaung'a na matiriro 3.1-24</span></div><div class="io1"><span class="content">Kufuma Adamu hata Nuhu 4.1&#8211;5.32</span></div><div class="io1"><span class="content">Nuhu na gharika 6.1&#8211;10.32</span></div><div class="io1"><span class="content">Mnara ghwa Babuloni 11.1-9</span></div><div class="io1"><span class="content">Kufuma Shemu hata Abramu 11.10-32</span></div><div class="io1"><span class="content">Waghosi wa ishima: Abrahamu, Isaaka, na Jakobo 12.1&#8211;35.29</span></div><div class="io1"><span class="content">Kivalwa cha Esau 36.1-43</span></div><div class="io1"><span class="content">Josefu na waruna 37.1&#8211;45.28</span></div><div class="io1"><span class="content">Waisraeli kukaia Misri 46.1&#8211;50.26</span></div>
      </div>
   </div>
</div>

MALAGHO GHEZOYA
Genesis kutambua kwaro ni Kuzoya. Chuo ichi chaawuyaghora malagho gha kuzoya kwa kuumba, kuzoya kwa wadamu, kuzoya kwa kaung'a na wasi wurumwengunyi, na seji Mlungu ubonyere chia ekanya na mdamu. Chuo cha kuzoya chawaghilo mafungu awi mabaa:
1. Mnyango ghwa imbiri hata ghwa ikumi na imweri, kuumbwa kwa wurumwengu na historia ya imbiri aighu ya kivalwa cha mdamu. Aha dapata malagho gha Adamu na Hawa, Kaini na Abeli, Nuhu na gharika, na mnara ghwa Babuloni.
2. Mnyango ghwa 12 hata ghwa 50 dapata historia ya imbiri ya weke wawa wa Israeli. Imbiri ni Abrahamu orewonekieghe na irumirio chiaimweri na kumsikira Mlungu. Nao lukanugha lughano lwa mwana wake Isaaka na lwa wawae Jakobo (uo orewangiloghe irina jimu Israeli), na lwa wana wa Jakobo ikumi na wawi, awo werewurieghe vichuku ikumi na viwi va Israeli. Malagho mabaa ghetalwa ni aighu ya umu wa wana wake uwangwaghwa Josefu; na malagho gherebonyekieghe ghemshekeria Jakobo na kivalwa chake kukaia isanga ja Misri.
Ngelo chuo ichi chidinekagha historia aighu ya wandu, yafwane imanyike putu imbiri kukaia, ni mpango ghwa agho Mlungu ubonyere. Yazoya na kudiwonyera wuloli putu kukaia Mlungu waumbie wurumwengu na kughumeria kwa kuwonyera kukaia Mlungu uchakaia ukiwitala wandu wake kunughana na ilaghano jake. Chuo chose chaawuyawonyera tabia yose ya Mlungu, uo utanyagha na kuwineka adhabu wakosi. Wadawilongoza wandu wake na kuwitesia, na kubonya historia yawo iwoneke iboie. Chuo ichi cha kokala chedeandikwa kwa wundu ghowika malagho gha irumirio ja wandu, na kutesia kujilindia jiduo moyo.
Malagho ghiko andenyi
Kuumbwa kwa wurumwengu na mdamu 1.1–2.25
Kuzoya kwa kaung'a na matiriro 3.1-24
Kufuma Adamu hata Nuhu 4.1–5.32
Nuhu na gharika 6.1–10.32
Mnara ghwa Babuloni 11.1-9
Kufuma Shemu hata Abramu 11.10-32
Waghosi wa ishima: Abrahamu, Isaaka, na Jakobo 12.1–35.29
Kivalwa cha Esau 36.1-43
Josefu na waruna 37.1–45.28
Waisraeli kukaia Misri 46.1–50.26

Terera ku KUZOYA MALAGHO GHEZOYA