Bible Society of Papua New Guinea, 2011 ℗ 2014 Hosanna

Kiriwina - 2011 Edition (Drama - NT)

<div class="version vid2062 iso6393kij" data-vid="2062" data-iso6393="kij">
 <div class="book bkLUK">
 <div class="chapter ch15" data-usfm="LUK.15">
 <div class="label">15</div><div class="s">Natana sipi itamwau kala bigavisaiki</div><div class="r">(Md 18.10-14)</div><div class="p"> 1Bidubadu tokougugula pokala deli tomitugaga#Kugisi Lk 5.30 kala katumiki. imakaiasi katitaikina Yesu kidamwa bilagaisi la biga. #Lk 5.29-30 2E Parisi toyo toninitalapula paila Karaiwaga itakumdaisi, kawasi, &#8220;Matauwena tau ikikamiabi tomitugaga, e deli ikamkwamsi.&#8221;</div><div class="p"> 3Iluki matausina makwaina bigavisaiki, kawala, 4&#8220;Kidamwa taitala yokomi biyosi la sipi nalakatutala, e natana bikitumou, ammakawala? Bisilavi minasina naluwolima naluwovasi nalima navasi olawodila, e bila binevi minawena natamwau igau bibani. 5Tutala bibani, bisaili okaiyola deli msalela. 6Bikaimilavau, e bidou bisigugulasi lubaila deli sala, biluki matausina, kawala, &#8216;Kumaisi tamwasawasi, paila ulo sipi minana natamwau bogwa labani.&#8217; 7Alukwaimi, makawala goli mina labuma si mwasawa paila taitala tomitugaga eininavila bikalisau si mwasawa paila tailuwolima tailuwovasi tailima taivasi tomitukwaibwaila gala iboda bininavilasi.</div><div class="s">Mani itamwau kala bigavisaiki</div><div class="p"> 8&#8220;Kidamwa avaivila iyosi kweluwotala mani, kidamwa bikitumou kwaitala, ammakawala? Bivakanoti kaitapa, bitanevi bwala, binevikoli igau bibani ke? 9E bogwa ibani, idou bisigugulasi lubaila deli sala, e iluki, kawala, &#8216;Kumaisi tamwasawasi, paila bogwa labani mani makwaina akitumou.&#8217; 10Makawala goli, alukwaimi, la anelosi Yaubada imwasawasi paila taitala tomitugaga eininavila.&#8221;</div><div class="s">Tau latula itamwau kala bigavisaiki</div><div class="p"> 11Ikaibiga, kawala, &#8220;Isisu taitala tau deli litula taiyu. 12Matauna molagwadi iluki tamala, kawala, &#8216;Tamagu, kuvili m guguwa, sitana kaikeyam bayosi.&#8217; E tamala ivili la guguwa baisa matausina. 13Igau, gala ikalabobawa, matauna molagwadi isoguguwa komwaidona la guguwa ila valu kaduwonaku; e ikalimwala sainela, iyomadi la guguwa. 14E bogwa leivinaku komwaidona la guguwa, molusaula itokaia ovalu makwaina, e matauna ikamolu. 15Ilokaia taitala tolivalu e isisu baisa; e matauna iwitali ola saivau kidamwa bivakam bunukwa.#Mina Yudia eidokaisi bunukwa komwaidona kaina bulutuvalu kainaga bolodila bomikikila availa bikam, paila mina Yudia kasi karaiwaga vilionela biyogwali wala, makawala yakidasi talilivalasi paila vilionela bolodila kaina vai. 16Mwada bikam bunukwa k&#697;asi, e gala availa bisaiki avaka bikam.#bisaiki avaka bikam. Gagabila bitagini &#8220;bisaiki avaka&#8221;. 17Mitaga igau ininavila, ikaibiga, kawala, &#8216;Oi! Taivila tamagu la topaisewa k&#697;asi bidubadu sainela ikamkwamsi ikukobwagasi, mitaga yeigu baisa molu wala bikimataigu! 18Batokaia, balokaia tamagu e baluki matauna, kawagu, &#8220;Tamagu, bogwa lamitugaga baisa labuma e omatam. 19Gala ibodi bidokaigusi latum. Kuvigakaigu makawala m topaisewa.&#8221; &#8217; 20E itokaia imakaia tamala. </div><div class="p">&#8220;Mitaga tutala imaima kaduwonaku, tamala igisi matauna, e saina ivili lopola; e isakaula, ikaipapi iviyuwoli matauna. 21Latula iluki matauna, kawala, &#8216;Tamagu, bogwa lamitugaga baisa labuma e omatam. Gala ibodi bidokaigusi latum.&#8217;#bidokaigusi latum. Mimilisi buki pilabubogwa eikatumkulovaisi, &#8220;Kuvigakaigu makawala m topaisewa&#8221; (kugisi mailela 19). 22Mitaga tamala iluki la towotetila, kawala, &#8216;Nani kumaiyaisi kwama yamitabwaila sainela, kuvisikomaisi matauna; kuvililaisi kala kakalougwa omisikwaikwela, deli katubukolela kaikela#Vavagi makwaisina ikibuboti kidamwa gwadi tamala bogwa eidoki magudina latula tatoula e gagabila bikaimilavau. Makwaina kakalougwa bikibuboti matauna taitala toveka olumoulela dalela, e makwaisina katubukolela kaikela ibodi taitala guyousola wala bisikam, paila availa tosisu watanawa gala wala bisikam avaka okaikela. kusailisi. 23E kumaiyaisi bulumakau nagwadi nakaitubwa, kukwatumataisi, e bitakamsi, bitamwasawasi. 24Paila matauna latugu leikaliga, mitaga eimovavau; leitamwau mitaga bogwa tabanaisi.&#8217; E ivitouulasi bimwasawasi. </div><div class="p"> 25&#8220;Mitaga latula molitomoya isisu wa bagula; tutala imaima ivakana katitaikina bwala, e ilagi butula iusiwosisi deli ikikaiwosisi. 26Idou taitala towotetila, ikatupoi, kawala, &#8216;Avai vavagi baisa?&#8217; 27Iluki matauna, kawala, &#8216;Bodam bogwa leima, e tamam bogwa ikatumati bulumakau nagwadi nakaitubwa, paila bogwa ibani matauna ibwaina tomwaidona.&#8217;</div><div class="p"> 28&#8220;E igibuluwa matauna, e ipaiki bisuvi. E tamala isunapula imnabi matauna. 29Mitaga ivitakauloki tamala, kawala, &#8216;Ka vakail&#697;o militaila auwotetila baisa yoku, e gala kwaitala tuta akoulovi m kwaraiwaga, mitaga gala kusakaigu natana gota nagwaigwadi goli, kidamwa bakamwasawasi deli segwaia. 30Mitaga tutala matauna latum leima, matauna deli minasina nakalimwala bogwa iyomadi m guguwa, kukwatumati bulumakau nagwadi nakaitubwa paila matauna.&#8217; 31E tamala iluki matauna, kawala, &#8216;Latugu, tuta komwaidona kusikailigu, komwaidona ulo guguwa baisa m guguwa. 32Mitaga ibodaidasi bitamwasawasi sainela deli uwodaisi kala salau, paila matauna bodam leikaliga, e baisa tuta imovavau; leitamwau, e bogwa tabanaisi.&#8217;&#8221;</div>
 </div>
 </div>
</div>

Kiriwina Bible (Buki Pilabumaboma) © Bible Society of Papua New Guinea, 2011.

Bidubadu tokougugula pokala deli tomitugaga imakaiasi katitaikina Yesu kidamwa bilagaisi la biga. E Parisi toyo toninitalapula paila Karaiwaga itakumdaisi, kawasi, “Matauwena tau ikikamiabi tomitugaga, e deli ikamkwamsi.”
Iluki matausina makwaina bigavisaiki, kawala, “Kidamwa taitala yokomi biyosi la sipi nalakatutala, e natana bikitumou, ammakawala? Bisilavi minasina naluwolima naluwovasi nalima navasi olawodila, e bila binevi minawena natamwau igau bibani. Tutala bibani, bisaili okaiyola deli msalela. Bikaimilavau, e bidou bisigugulasi lubaila deli sala, biluki matausina, kawala, ‘Kumaisi tamwasawasi, paila ulo sipi minana natamwau bogwa labani.’ Alukwaimi, makawala goli mina labuma si mwasawa paila taitala tomitugaga eininavila bikalisau si mwasawa paila tailuwolima tailuwovasi tailima taivasi tomitukwaibwaila gala iboda bininavilasi.

“Kidamwa avaivila iyosi kweluwotala mani, kidamwa bikitumou kwaitala, ammakawala? Bivakanoti kaitapa, bitanevi bwala, binevikoli igau bibani ke? E bogwa ibani, idou bisigugulasi lubaila deli sala, e iluki, kawala, ‘Kumaisi tamwasawasi, paila bogwa labani mani makwaina akitumou.’ Makawala goli, alukwaimi, la anelosi Yaubada imwasawasi paila taitala tomitugaga eininavila.”

Ikaibiga, kawala, “Isisu taitala tau deli litula taiyu. Matauna molagwadi iluki tamala, kawala, ‘Tamagu, kuvili m guguwa, sitana kaikeyam bayosi.’ E tamala ivili la guguwa baisa matausina. Igau, gala ikalabobawa, matauna molagwadi isoguguwa komwaidona la guguwa ila valu kaduwonaku; e ikalimwala sainela, iyomadi la guguwa. E bogwa leivinaku komwaidona la guguwa, molusaula itokaia ovalu makwaina, e matauna ikamolu. Ilokaia taitala tolivalu e isisu baisa; e matauna iwitali ola saivau kidamwa bivakam bunukwa. Mwada bikam bunukwa kʹasi, e gala availa bisaiki avaka bikam. Mitaga igau ininavila, ikaibiga, kawala, ‘Oi! Taivila tamagu la topaisewa kʹasi bidubadu sainela ikamkwamsi ikukobwagasi, mitaga yeigu baisa molu wala bikimataigu! Batokaia, balokaia tamagu e baluki matauna, kawagu, “Tamagu, bogwa lamitugaga baisa labuma e omatam. Gala ibodi bidokaigusi latum. Kuvigakaigu makawala m topaisewa.” ’ E itokaia imakaia tamala.
“Mitaga tutala imaima kaduwonaku, tamala igisi matauna, e saina ivili lopola; e isakaula, ikaipapi iviyuwoli matauna. Latula iluki matauna, kawala, ‘Tamagu, bogwa lamitugaga baisa labuma e omatam. Gala ibodi bidokaigusi latum.’ Mitaga tamala iluki la towotetila, kawala, ‘Nani kumaiyaisi kwama yamitabwaila sainela, kuvisikomaisi matauna; kuvililaisi kala kakalougwa omisikwaikwela, deli katubukolela kaikela kusailisi. E kumaiyaisi bulumakau nagwadi nakaitubwa, kukwatumataisi, e bitakamsi, bitamwasawasi. Paila matauna latugu leikaliga, mitaga eimovavau; leitamwau mitaga bogwa tabanaisi.’ E ivitouulasi bimwasawasi.
“Mitaga latula molitomoya isisu wa bagula; tutala imaima ivakana katitaikina bwala, e ilagi butula iusiwosisi deli ikikaiwosisi. Idou taitala towotetila, ikatupoi, kawala, ‘Avai vavagi baisa?’ Iluki matauna, kawala, ‘Bodam bogwa leima, e tamam bogwa ikatumati bulumakau nagwadi nakaitubwa, paila bogwa ibani matauna ibwaina tomwaidona.’
“E igibuluwa matauna, e ipaiki bisuvi. E tamala isunapula imnabi matauna. Mitaga ivitakauloki tamala, kawala, ‘Ka vakailʹo militaila auwotetila baisa yoku, e gala kwaitala tuta akoulovi m kwaraiwaga, mitaga gala kusakaigu natana gota nagwaigwadi goli, kidamwa bakamwasawasi deli segwaia. Mitaga tutala matauna latum leima, matauna deli minasina nakalimwala bogwa iyomadi m guguwa, kukwatumati bulumakau nagwadi nakaitubwa paila matauna.’ E tamala iluki matauna, kawala, ‘Latugu, tuta komwaidona kusikailigu, komwaidona ulo guguwa baisa m guguwa. Mitaga ibodaidasi bitamwasawasi sainela deli uwodaisi kala salau, paila matauna bodam leikaliga, e baisa tuta imovavau; leitamwau, e bogwa tabanaisi.’”

Terera ku LUKA 15