Kivunjo - 1999 Edition (NT)

<div class="version vid1812 iso6393vun" data-vid="1812" data-iso6393="vun">
 <div class="book bkMAT">
 <div class="chapter ch18" data-usfm="MAT.18">
 <div class="label">18</div><div class="s">Ang'anyi kuta Woose Wumangyinyi wo Ruwa</div><div class="r">(Mak 9:33-37; Luk 9:46-48)</div><div class="p"> 1Kyiyeri kyilya wanalosho wakayenda ko Yesu, wechigamba, 2&#8220;Kyasia nyi wui-ng'u ai ang'anyi Wumangyinyi wo ruwewu?&#8221; Kalaga mana umwi mtutu, kammbikyia makyi&#7769;i-gawi gawo, 3kagamba, &#8220;Ny'kyaloi, ngammbia, mulandegalukye na iwa cha shiwana shitutu, mochii&#7769;a maa ale na Wumangyinyi wo ruwewu-pfo. 4Kyasia, orio oose echikukyiwasha amonyi cha mana-chu, icho nyi oe ai ang'anyi Wumangyinyi wo ruwewu. 5Na orio oose echiambilyia mana umwi mfano o ichu kui rina lyako, nangyiambilyia inyi.&#8221;</div><div class="s">Shiyesho sha Ifunja Mawawaso</div><div class="r">(Mak 9:42-48; Luk 17:1-2)</div><div class="p"> 6&#8220;Kyaindi echitewe umwi o iwa watutu wangyii&#7769;ikyie, kyimmba&#7775;i napfungyio nzingonyi ikyesa na iwiyitso kyitsindenyi kya ipalyipalyi. 7Ochia nyi lo wuyana kyipfa kya shindo shetewe! Kyipfa shindo shetewe icha shechicha; kyaindi ochia lokye mndu ulya aende kyindo kyetewe! 8Kyasia kuwoko kopfo ang'u ku&#7769;ende kopfo kukokutewe; &#7769;umbuo kuwoko-ko ang'u ku&#7769;ende-ko uwiyitse kuleshi na iyoe. Nyi nanga ii&#7769;a na moonyi o mlungana ulawo&#7769;e kuwoko ang'u ku&#7769;ende, kuta iwa&#7769;a mawoko gawi na ma&#7769;ende gawi, na iwiyitso mo&#7769;onyi o mlungana. 9Na riso lyapfo lyikakutewe; lyikuluoe, ulyiwiyitse kuleshi na iyoe. Nyi nanga ii&#7769;a na moonyi o mlungana uwo&#7769;e riso lyimwi, kuta iwa&#7769;a meso gawi na iwiyitso ngyehenenyi ya mo&#7769;o.&#8221;</div><div class="s">Mfano o Ondo Lyi&#7769;ekyie</div><div class="r">(Luk 15:3-7)</div><div class="p"> 10&#8220;Mulamine umwi o iwa watutu, cha kyipfa ngammbia kye malaika wawo ruwewu mfiri yoose wekyeambuya kyaam kya Awu-yoko akyeri ruwewu. [ 11Cha kyipfa Mono-Adamu nalecha iletsa kyi&#7769;ekyie.] 12Muwonyi mu&#7769;a? Mndu awo&#7769;e moondo igana, lyimwi lyika&#7769;eka, ngyesa ekye&#7769;a galya makumi kyenda na kyenda, kayenda mafumvunyi, na ipfula lyilya lya&#7769;eka-pfoe? 13Na kai&#7769;ima ilyiwona, ny'kyaloi, ngammbia, nekyechihiyo kyipfa kya ilyo ngose&#7775;a, kuta galya makumi kyenda na kyenda gala&#7769;ekyie. 14Na wu&#7769;o kyilachihi&#7775;ie ushangunyi lo Awu-yonyu akyeri ruwewu kye umwi o iwa watutu na&#7769;ekye.&#8221;</div><div class="s">Mono-wama Afunja Iwawaso</div><div class="p"> 15&#8220;Na mono-womoo kaku&#7769;ekyio, yenda um&#7769;e&#7769;ie kya &#7769;eko lyakye, iyoe na oe tupu. Kakua&#7769;anyia, nowona mono-womoo. 16Ote, kokooya alaa&#7769;anyia, &#7769;uo handu hamwi na iyoe mndu umwi ang'u wawi, kundu kui ma&#7769;umbu ga wa&#7775;ingyishi wawi ang'u wa&#7775;aa&#7775;u orio &#7769;e&#7769;o lyimanyikye na pata. 17Na alandemua&#7769;anyie nyoe, wia si&#7775;i; na alandea&#7769;anyie si&#7775;i taa, na nawe kopfo cha mndu alai&#7769;ikyie Ruwa na mosania ukamba.&#8221;</div><div class="s">Wuchilyi wo Wanalosho</div><div class="p"> 18&#8220;Ny'kyaloi, ngammbia, shoose mochishipfunga wuyanenyi shechiwa shishipfungye ruwewu; na shoose mochishipfunguo wuyanenyi shechiwa shishipfunguoe ruwewu. 19Lyingyi-se ngammbia, kyiyeri wawi wanyu wechisanza kyindonyi kyoose wechikyiterewa, wewutio nyi Awu-yoko akyeri ruwewu. 20Cha kyipfa hai wawi wa&#7775;aa&#7775;u wasanzie kui rina lyako, na inyi ngyikyeri iho makyi&#7769;i-gawi gawo.&#8221;</div><div class="s">Mbonyi tsa Ihoo&#7775;ia Wengyi</div><div class="p"> 21Numa ya iho Petiro kayenda kokye kammbia, &#8220;Mndumii, mono-wama oko nangyi&#7769;ekyio kyenga na inyi ngyimhoo&#7775;ie? Nyi ka mfungaa&#7769;e ngyesa?&#8221; 22Yesu kammbia, &#8220;Ngyikuwia ka mfungaa&#7769;e tupu-pfo, indi umhoo&#7775;ie makumi mfungaa&#7769;e, ka mfungaa&#7769;e. 23Kyipfa kya ikyo Wumangyi wo ruwewu wukyeri cha mangyi umwi alekunda isungusia matala na wa&#7775;undi wakye. 24Kyiyeri alewooka i&#7775;unda-lyo naleendio mndu umwi airiko sile ya talanta shiku ikumi. 25Na oe kyiyeri aleu&#7775;a kyetaa, mndumii okye kagamba nakumbo, oe na mka okye na wana wakye, na shindo shoose awo&#7769;e, sile iya itoo. 26Kyasia m&#7775;undi ulya kaoloka, kamwindia echigamba, &#8216;Mndumii, ngyiwe&#7769;a, na inyi ngyechikutaa sile yoose taa.&#8217; 27Mndumii o m&#7775;undi ulya kammbonia wukyiwa kampfunguo, kamhoo&#7775;ia sile iya. 28M&#7775;undi ulya kafuma, kawona umwi o mbuya tsakye, awemmbesa dinari igana. Kamtirimisha, kammba&#7769;a ma&#7775;oo, echigamba, &#8216;Ngyitaa sile iya uriko.&#8217; 29Kyasia mbuya iya o&#7769;oe ikaoloka ma&#7769;endenyi gakye, ikamterewa, yechigamba, &#8216;Ngyiwe&#7769;a, na inyi ngyechikutaa sile yoose taa.&#8217; 30Kyaindi alekunda-pfo. Kayenda, kammbiyitsa kyipfungonyi, m&#7775;asa ilyi echitaa sile-yo. 31Kyasia kyiyeri mbuya tsakye tsilewona shilya shile&#7775;undika, tsilewihiyo mnu mrimenyi, tsikayenda tsikaongoya Mndumii otso shoose shile&#7775;undika. 32Naaho-ng'u Mndumii okye kamlaga, kammbia, &#8216;Iyoe m&#7775;undi mmbicho, ngyilekuhoo&#7775;ia iyoe sile iya yoose, lyilya ulengyiterewa; 33na iyoe, ngyesa kyiwekuwa&#7775;i isa&#7775;ia mbuya yapfo, chandu inyi ngyilekusa&#7775;ia iyoe-pfoe?&#8217; 34Mndumii okye kasuo, kam&#7769;uo ko watuuri, m&#7775;asa kyiyeri echitaa sile iya yoose. 35Na wu&#7769;o Awu-yoko a ruwewu echimmbutia nyoe, mulandehoo&#7775;ie kui mrima yanyu orio mndu mono-wamae.&#8221;</div>
 </div>
 </div>
</div>

New Testament in Kivunjo © Bible Society of Tanzania, 1999.

Kyiyeri kyilya wanalosho wakayenda ko Yesu, wechigamba, “Kyasia nyi wui-ng'u ai ang'anyi Wumangyinyi wo ruwewu?” Kalaga mana umwi mtutu, kammbikyia makyiṙi-gawi gawo, kagamba, “Ny'kyaloi, ngammbia, mulandegalukye na iwa cha shiwana shitutu, mochiiṙa maa ale na Wumangyinyi wo ruwewu-pfo. Kyasia, orio oose echikukyiwasha amonyi cha mana-chu, icho nyi oe ai ang'anyi Wumangyinyi wo ruwewu. Na orio oose echiambilyia mana umwi mfano o ichu kui rina lyako, nangyiambilyia inyi.”


“Kyaindi echitewe umwi o iwa watutu wangyiiṙikyie, kyimmbaṟi napfungyio nzingonyi ikyesa na iwiyitso kyitsindenyi kya ipalyipalyi. Ochia nyi lo wuyana kyipfa kya shindo shetewe! Kyipfa shindo shetewe icha shechicha; kyaindi ochia lokye mndu ulya aende kyindo kyetewe! Kyasia kuwoko kopfo ang'u kuṙende kopfo kukokutewe; ṙumbuo kuwoko-ko ang'u kuṙende-ko uwiyitse kuleshi na iyoe. Nyi nanga iiṙa na moonyi o mlungana ulawoṙe kuwoko ang'u kuṙende, kuta iwaṙa mawoko gawi na maṙende gawi, na iwiyitso moṙonyi o mlungana. Na riso lyapfo lyikakutewe; lyikuluoe, ulyiwiyitse kuleshi na iyoe. Nyi nanga iiṙa na moonyi o mlungana uwoṙe riso lyimwi, kuta iwaṙa meso gawi na iwiyitso ngyehenenyi ya moṙo.”


“Mulamine umwi o iwa watutu, cha kyipfa ngammbia kye malaika wawo ruwewu mfiri yoose wekyeambuya kyaam kya Awu-yoko akyeri ruwewu. [ Cha kyipfa Mono-Adamu nalecha iletsa kyiṙekyie.] Muwonyi muṙa? Mndu awoṙe moondo igana, lyimwi lyikaṙeka, ngyesa ekyeṙa galya makumi kyenda na kyenda, kayenda mafumvunyi, na ipfula lyilya lyaṙeka-pfoe? Na kaiṙima ilyiwona, ny'kyaloi, ngammbia, nekyechihiyo kyipfa kya ilyo ngoseṟa, kuta galya makumi kyenda na kyenda galaṙekyie. Na wuṙo kyilachihiṟie ushangunyi lo Awu-yonyu akyeri ruwewu kye umwi o iwa watutu naṙekye.”

“Na mono-womoo kakuṙekyio, yenda umṙeṙie kya ṙeko lyakye, iyoe na oe tupu. Kakuaṙanyia, nowona mono-womoo. Ote, kokooya alaaṙanyia, ṙuo handu hamwi na iyoe mndu umwi ang'u wawi, kundu kui maṙumbu ga waṟingyishi wawi ang'u waṟaaṟu orio ṙeṙo lyimanyikye na pata. Na alandemuaṙanyie nyoe, wia siṟi; na alandeaṙanyie siṟi taa, na nawe kopfo cha mndu alaiṙikyie Ruwa na mosania ukamba.”

“Ny'kyaloi, ngammbia, shoose mochishipfunga wuyanenyi shechiwa shishipfungye ruwewu; na shoose mochishipfunguo wuyanenyi shechiwa shishipfunguoe ruwewu. Lyingyi-se ngammbia, kyiyeri wawi wanyu wechisanza kyindonyi kyoose wechikyiterewa, wewutio nyi Awu-yoko akyeri ruwewu. Cha kyipfa hai wawi waṟaaṟu wasanzie kui rina lyako, na inyi ngyikyeri iho makyiṙi-gawi gawo.”

Numa ya iho Petiro kayenda kokye kammbia, “Mndumii, mono-wama oko nangyiṙekyio kyenga na inyi ngyimhooṟie? Nyi ka mfungaaṙe ngyesa?” Yesu kammbia, “Ngyikuwia ka mfungaaṙe tupu-pfo, indi umhooṟie makumi mfungaaṙe, ka mfungaaṙe. Kyipfa kya ikyo Wumangyi wo ruwewu wukyeri cha mangyi umwi alekunda isungusia matala na waṟundi wakye. Kyiyeri alewooka iṟunda-lyo naleendio mndu umwi airiko sile ya talanta shiku ikumi. Na oe kyiyeri aleuṟa kyetaa, mndumii okye kagamba nakumbo, oe na mka okye na wana wakye, na shindo shoose awoṙe, sile iya itoo. Kyasia mṟundi ulya kaoloka, kamwindia echigamba, ‘Mndumii, ngyiweṙa, na inyi ngyechikutaa sile yoose taa.’ Mndumii o mṟundi ulya kammbonia wukyiwa kampfunguo, kamhooṟia sile iya. Mṟundi ulya kafuma, kawona umwi o mbuya tsakye, awemmbesa dinari igana. Kamtirimisha, kammbaṙa maṟoo, echigamba, ‘Ngyitaa sile iya uriko.’ Kyasia mbuya iya oṙoe ikaoloka maṙendenyi gakye, ikamterewa, yechigamba, ‘Ngyiweṙa, na inyi ngyechikutaa sile yoose taa.’ Kyaindi alekunda-pfo. Kayenda, kammbiyitsa kyipfungonyi, mṟasa ilyi echitaa sile-yo. Kyasia kyiyeri mbuya tsakye tsilewona shilya shileṟundika, tsilewihiyo mnu mrimenyi, tsikayenda tsikaongoya Mndumii otso shoose shileṟundika. Naaho-ng'u Mndumii okye kamlaga, kammbia, ‘Iyoe mṟundi mmbicho, ngyilekuhooṟia iyoe sile iya yoose, lyilya ulengyiterewa; na iyoe, ngyesa kyiwekuwaṟi isaṟia mbuya yapfo, chandu inyi ngyilekusaṟia iyoe-pfoe?’ Mndumii okye kasuo, kamṙuo ko watuuri, mṟasa kyiyeri echitaa sile iya yoose. Na wuṙo Awu-yoko a ruwewu echimmbutia nyoe, mulandehooṟie kui mrima yanyu orio mndu mono-wamae.”

Terera ku Matayo 18