 Превод 4 Јеванђеља на Ромски језик  У оквиру обележавања декаде Рома, Библијско друштво је започело превод четири Еванђеља на Ромски језик. Циљ Библијског друштва је да свим народима учини доступном Реч Божју на матерњем језику, тако да смо 2008. године започели рад на овом преводу. У пролеће 2010. године штампали смо пробно издање Еванђеља по Марку које је бесплатно подељено. Жеља нам је да почетком 2014. године изађе из штампе и превод сва четири Еванђеља. © Библијско друштво Србијe 2014  Translation of the 4 Gospels into the Romani language  To mark the the Decade of Roma Inclusion 2005-2015, the Serbian Bible Society began a translation of the four Gospels into the Gurbeti-Arlija dialect of the Balkan Romani language. The aim of the Bible Societies is to make the Word of God available to everyone in their native language, so in 2008 they began work on the translation, at Leskovac in southern Serbia. In spring 2010 a trial edition of the Gospel of Mark was printed, which was distributed for free. The translation of the 4 Gospels was printed in 2014. © Bible Society of Serbia 2014

O dživdipe thaj buti e Isus Hristoski - Štar evangeliumura. 2014

<div class="version vid1560 iso6393rmn" data-vid="1560" data-iso6393="rmn">
 <div class="book bkMAT">
 <div class="chapter ch21" data-usfm="MAT.21">
 <div class="label">21</div><div class="s1">O Mesija &#273;erdini ano Jerusalim</div><div class="p"> 1Thaj kana ale pa&#353;e e Jurusalimoske thaj avile ano Vitfago karing e Maslinoski plajin, napal o Isus bi&#269;halda duje sikljovnen. 2Vakerindoj lenge: &#272;an ano gav kaj si karing tumende, thaj sigo ka arakhen e hernja phandli thaj e here lasa; phravenla thaj anenla maj. 3Thaj te tumenge ko vakerel so, phenen kaj on trubun e Devljutneske; thaj sigo ka bi&#263;halen len. 4A akava sasa sa kaj te pherol pes so si phendo prekal o profeto savo vakerel: 5Phenen e &#263;hejake e Sionovake: Ake o Thagar &#263;iro &#273;al tuke kovlo, thaj inklel pe herni, thaj po her, ternoro ladavimasko &#273;uvdinutno. 6A e sikljovne &#273;ele thaj &#269;erde sar lenge so vakerda o Isus. 7Ande e hernja thaj e here, thaj &#269;hute pe lende o fostanja ple, thaj be&#353;lo pe lende. 8A o seloro but &#273;ene buljarde o fostanja ple po drom, a e avera &#269;hinena e krangore katar e ka&#353;ta thaj buljarena po drom. 9A o seloro, savo &#273;ala anglalo leste thaj palo leste, dena vika vakerindoj: Osana e &#262;haveske e Davidosko! Baxtardo savo avel ano alav e Devljutnesko! Osana po u&#263;ipe! 10Thaj kana ov dija ano Jerusalim, darandilo soro foro vakerindoj: Ko si godova? 11A o seloro vakerda: Akava si o Isus, profeto andar o Nazaret e Galilejosko.</div><div class="p"> 12Thaj dija o Isus ano hramo e Devlesko, thaj tradla sarijen save bikinena thaj kinena ano hramo, thaj perada e astala godolenge kaj ar&#263;hinena e love, thaj e be&#353;alde godolenge so bikinena golubura. 13Thaj phen&#273;a lenge: hramome si: O kher mlo &#8211; kher ru&#273;ipasko nek akharel pes; a tumen &#269;erden lestar barastuni xuv &#269;orengi. 14Thaj ale pa&#353;e leske e bange thaj e korore ano hramo, thaj sastarda len. 15A kana dikhle e anglunera&#353;aja thaj e lilvarne sikavimata save &#269;erda, thaj e &#269;havoren kaj dena vika ano hramo thaj vakeren: Osana e &#262;haveske e Davidosko, xolisajle pes. 16Thaj vakerde leske: A&#353;une li so akala vakeren? A o Isus lenge phen&#273;a: Va! Sar nisar ni drabarden: Andar e muja e &#263;havorenge thaj so pijen &#269;u&#269;i &#263;erdan tuke a&#353;ardipe? 17Thaj meklindoj len, inklilo avral andar o foro, ani Vitanija, thaj ra&#263;arda odothe.</div><div class="p"> 18Sabajle irindoj ano foro bokhajlilo; 19Thaj di&#263;hindoj e sumu&#269;ilin jekh pa&#353;o drom avilo lake, thaj ni arakhla pe late khan&#269;i sem patra, thaj phen&#273;a lake: Kaj nisar te na ovel tutar bijanipe &#273;i &#353;elber&#353;ipe! Thaj sigo &#353;u&#263;arda pes e sumu&#269;ilin. 20Thaj di&#263;hindoj goda e sikade divinde pes vakarindoj: Sar sigo &#353;u&#263;arda e sumu&#269;ilin! 21A o Isus irisarindoj phen&#273;a lenge: &#268;a&#269;e tumenge phenav: Te isi tumen pa&#263;ape thaj ni sungan, ka &#269;eren na numa so &#263;erdilo pe e sumu&#263;ilinasa, aj vi e plajinake akalake te vakerden: vazd tut thaj &#269;hud tut ano derav, ka &#263;erdol pes. 22Thaj sa so roden ano ru&#273;ipe pa&#263;avindoj, ka len.</div><div class="s1">E Isusesoro baroderipe</div><div class="p"> 23Thaj kana dijas ano hramo thaj a&#269;hilo te sikavel, ale pa&#353;e leske e anglunera&#353;aja thaj e phurederutne e selorenge vakerindoj: Save barederimasa godova &#263;ere? Thaj ko tut dija godova baroderipe? 24A o Isus irisarindoj phen&#273;a lenge: Vi me tumen ka phu&#263;av jekh lafi, savo te phenden mange, vi me tumenge ka phenav save barederimasa akava &#269;erav. 25Bolipe e Jovanosko kotar sasa? E badalestar, ja e manu&#353;endar? A on dije godi ana peste vakerindoj: Te phendam: e badalestar, ka phenel amenge: Sose oleske, tad, ni pa&#263;ajen? 26A te phendam: e manu&#353;endar, dara e selorestar; kaj savore e Jovano in&#263;aren ba&#353; o profeto. 27Thaj irisarindoj e Isusoske phende: Ni &#273;ana. Phen&#273;a vi ov lenge: Ni me tumenge na phenav save barederimasa akava &#269;erav.</div><div class="s1">Duj &#269;have</div><div class="p"> 28A so tumenge &#263;erel pes? O manu&#353; jekh sinele duj &#269;have, thaj avindoj e angluneske phen&#273;a: &#262;haveja, &#273;a avdive &#263;er buti an mli drakhalin. 29A ov irisarindoj phen&#273;a: Na! Thaj pala godova dukhardilo thaj &#273;elo. 30Thaj alo pa&#353;e avereste phen&#273;a pale a&#273;aar. A ov irisarindoj phen&#273;a: Mangav, barutnea! Thaj ni &#273;elo. 31Kova si akale dujendar &#269;erda o kamipe e dadesko? Vakerde leske: O Angluno, Phen&#273;a lenge o Isus: &#268;a&#269;e tumenge phenav kaj e &#353;ulkara thaj e angla&#269;umdlja anglal tumendar ka den ano Thagaripe e Devlesko. 32Kaj tumenge avilo o Jovan &#269;a&#269;une dromesa, thaj ni pa&#263;ajen leske; a e &#353;ulkara thaj e angla&#269;umidlja pa&#263;aje leske; a tumen di&#263;hindoj godova, ni jertisaden tumen atoska te pa&#263;aven les.</div><div class="s1">D&#382;ungale drakhalinara</div><div class="p"> 33Aver parami&#269;i &#353;unen: Sasa o manu&#353; kherutno savo sijisarda drakhalina thaj barada les barasa, thaj handlja ano leste pivnica, thaj &#269;erda kula, thaj dija les e drakhalinarenge, thaj &#273;elo. 34A kana alo pa&#353;e o vaxto e &#263;idimasko, bi&#269;halda e kandinen plen e drakhalinarenge te len o bijanipe lesko. 35Thaj e drakhalinara, astarindoj e kandinen leskeren, jekhe marde, a jekhe mudarde, a jekhe barenca &#269;hudle. 36Palem bi&#269;halda avere kandinen, majbut katar anglal, thaj &#269;erde lenge a&#273;aar pale. 37A majpalal bi&#263;hal&#273;a lenge e &#269;have ple vakerindoj: Ka la&#273;an mle &#269;havestar. 38A e drakhalinara di&#263;hindoj e &#269;have, phende ma&#353;kar peste: Akava si o avutno pe lesko than; phiren te mudara les, thaj te las o barvalipe lesko. 39Thaj astarde les, ta inkalde le avral andar e drakhalina, thaj mudarde le. 40Kana, akana, avela o barutno e drakhalinengo so ka &#263;erel e drakhalinarenge godolenge? 41Vakerde leske: E &#273;ungale&#263;erutnen &#273;ungale merimasa ka mudarel, a e drakhalina ka del avere drakhalinarenge, save leske ka den bijanipe ano plo vaxto. 42Phen&#273;a lenge o Isus: Sar nisar ni drabarden ano Lil: O bar savo &#269;hudle o duvar&#273;ije, godova ulo &#353;ero e xinzatar; godova si e Devljutnestar thaj pra&#353;ukar si ane amare jakha. 43Godolese tumenge phenav kaj tumendar ka lel pes o Thagaripe e Devlesko, thaj ka del pes e selorese savo anela bijanipe leske. 44Thaj kon perel pe akav bar, ka phagel pes; a pe kaste ov perel, ka xurdarel les. 45Thaj a&#353;undoj e anglunera&#353;aja thaj e Fariseja e parami&#269;a leske, haljarde kaj lendar vakerel. 46Thaj zumavindoj te astaren les, darajle e selorestar, kaj in&#263;arena les ba&#353; o profeto.</div>
 </div>
 </div>
</div>

Thaj kana ale paše e Jurusalimoske thaj avile ano Vitfago karing e Maslinoski plajin, napal o Isus bičhalda duje sikljovnen. Vakerindoj lenge: Đan ano gav kaj si karing tumende, thaj sigo ka arakhen e hernja phandli thaj e here lasa; phravenla thaj anenla maj. Thaj te tumenge ko vakerel so, phenen kaj on trubun e Devljutneske; thaj sigo ka bićhalen len. A akava sasa sa kaj te pherol pes so si phendo prekal o profeto savo vakerel: Phenen e ćhejake e Sionovake: Ake o Thagar ćiro đal tuke kovlo, thaj inklel pe herni, thaj po her, ternoro ladavimasko đuvdinutno. A e sikljovne đele thaj čerde sar lenge so vakerda o Isus. Ande e hernja thaj e here, thaj čhute pe lende o fostanja ple, thaj bešlo pe lende. A o seloro but đene buljarde o fostanja ple po drom, a e avera čhinena e krangore katar e kašta thaj buljarena po drom. A o seloro, savo đala anglalo leste thaj palo leste, dena vika vakerindoj: Osana e Ćhaveske e Davidosko! Baxtardo savo avel ano alav e Devljutnesko! Osana po ućipe! Thaj kana ov dija ano Jerusalim, darandilo soro foro vakerindoj: Ko si godova? A o seloro vakerda: Akava si o Isus, profeto andar o Nazaret e Galilejosko.
Thaj dija o Isus ano hramo e Devlesko, thaj tradla sarijen save bikinena thaj kinena ano hramo, thaj perada e astala godolenge kaj arćhinena e love, thaj e bešalde godolenge so bikinena golubura. Thaj phenđa lenge: hramome si: O kher mlo – kher ruđipasko nek akharel pes; a tumen čerden lestar barastuni xuv čorengi. Thaj ale paše leske e bange thaj e korore ano hramo, thaj sastarda len. A kana dikhle e anglunerašaja thaj e lilvarne sikavimata save čerda, thaj e čhavoren kaj dena vika ano hramo thaj vakeren: Osana e Ćhaveske e Davidosko, xolisajle pes. Thaj vakerde leske: Ašune li so akala vakeren? A o Isus lenge phenđa: Va! Sar nisar ni drabarden: Andar e muja e ćhavorenge thaj so pijen čuči ćerdan tuke ašardipe? Thaj meklindoj len, inklilo avral andar o foro, ani Vitanija, thaj raćarda odothe.
Sabajle irindoj ano foro bokhajlilo; Thaj dićhindoj e sumučilin jekh pašo drom avilo lake, thaj ni arakhla pe late khanči sem patra, thaj phenđa lake: Kaj nisar te na ovel tutar bijanipe đi šelberšipe! Thaj sigo šućarda pes e sumučilin. Thaj dićhindoj goda e sikade divinde pes vakarindoj: Sar sigo šućarda e sumučilin! A o Isus irisarindoj phenđa lenge: Čače tumenge phenav: Te isi tumen paćape thaj ni sungan, ka čeren na numa so ćerdilo pe e sumućilinasa, aj vi e plajinake akalake te vakerden: vazd tut thaj čhud tut ano derav, ka ćerdol pes. Thaj sa so roden ano ruđipe paćavindoj, ka len.

Thaj kana dijas ano hramo thaj ačhilo te sikavel, ale paše leske e anglunerašaja thaj e phurederutne e selorenge vakerindoj: Save barederimasa godova ćere? Thaj ko tut dija godova baroderipe? A o Isus irisarindoj phenđa lenge: Vi me tumen ka phućav jekh lafi, savo te phenden mange, vi me tumenge ka phenav save barederimasa akava čerav. Bolipe e Jovanosko kotar sasa? E badalestar, ja e manušendar? A on dije godi ana peste vakerindoj: Te phendam: e badalestar, ka phenel amenge: Sose oleske, tad, ni paćajen? A te phendam: e manušendar, dara e selorestar; kaj savore e Jovano inćaren baš o profeto. Thaj irisarindoj e Isusoske phende: Ni đana. Phenđa vi ov lenge: Ni me tumenge na phenav save barederimasa akava čerav.

A so tumenge ćerel pes? O manuš jekh sinele duj čhave, thaj avindoj e angluneske phenđa: Ćhaveja, đa avdive ćer buti an mli drakhalin. A ov irisarindoj phenđa: Na! Thaj pala godova dukhardilo thaj đelo. Thaj alo paše avereste phenđa pale ađaar. A ov irisarindoj phenđa: Mangav, barutnea! Thaj ni đelo. Kova si akale dujendar čerda o kamipe e dadesko? Vakerde leske: O Angluno, Phenđa lenge o Isus: Čače tumenge phenav kaj e šulkara thaj e anglačumdlja anglal tumendar ka den ano Thagaripe e Devlesko. Kaj tumenge avilo o Jovan čačune dromesa, thaj ni paćajen leske; a e šulkara thaj e anglačumidlja paćaje leske; a tumen dićhindoj godova, ni jertisaden tumen atoska te paćaven les.

Aver paramiči šunen: Sasa o manuš kherutno savo sijisarda drakhalina thaj barada les barasa, thaj handlja ano leste pivnica, thaj čerda kula, thaj dija les e drakhalinarenge, thaj đelo. A kana alo paše o vaxto e ćidimasko, bičhalda e kandinen plen e drakhalinarenge te len o bijanipe lesko. Thaj e drakhalinara, astarindoj e kandinen leskeren, jekhe marde, a jekhe mudarde, a jekhe barenca čhudle. Palem bičhalda avere kandinen, majbut katar anglal, thaj čerde lenge ađaar pale. A majpalal bićhalđa lenge e čhave ple vakerindoj: Ka lađan mle čhavestar. A e drakhalinara dićhindoj e čhave, phende maškar peste: Akava si o avutno pe lesko than; phiren te mudara les, thaj te las o barvalipe lesko. Thaj astarde les, ta inkalde le avral andar e drakhalina, thaj mudarde le. Kana, akana, avela o barutno e drakhalinengo so ka ćerel e drakhalinarenge godolenge? Vakerde leske: E đungalećerutnen đungale merimasa ka mudarel, a e drakhalina ka del avere drakhalinarenge, save leske ka den bijanipe ano plo vaxto. Phenđa lenge o Isus: Sar nisar ni drabarden ano Lil: O bar savo čhudle o duvarđije, godova ulo šero e xinzatar; godova si e Devljutnestar thaj prašukar si ane amare jakha. Godolese tumenge phenav kaj tumendar ka lel pes o Thagaripe e Devlesko, thaj ka del pes e selorese savo anela bijanipe leske. Thaj kon perel pe akav bar, ka phagel pes; a pe kaste ov perel, ka xurdarel les. Thaj ašundoj e anglunerašaja thaj e Fariseja e paramiča leske, haljarde kaj lendar vakerel. Thaj zumavindoj te astaren les, darajle e selorestar, kaj inćarena les baš o profeto.

Terera ku Evangelium e Matejestar 21