Lucas 3:4-6

Tsa'caen tsomba tsu tayopi'su Chiga Aya'fa afa'su Isaías qquen tevaenqquia'caen tson: A'i aya'fama qui paña'faya a'i menia'ñe qquen fundo'je'choma: “Na'su jiya'chove ñoña'faja. Tise tsaiquima tansianqquia'caen ñoña'faja. Sinjun'ccumajan oviviya'cho. Ccotta'ccomajan joqquitssiamba sefaccoa andema fae'ngaeña'cho. Tsaiqui cca'rutticcoa'ma tansiaña'cho. Ande ccutticcoa'ma ovivipa fae'ngaeña'cho. Nane tsa'caen tsu injama'choma ñoñaña'cho poiyi'cco a'i Chiga tise'pama ccushaeña'choma in'jañe.”