VPOM 16
16
Hagar yahge Ishmael
1Gvshih Abram dah yhensain nyhiq Sarai gas lo ma bos. Nghuot laus eq nyang gas Hagar ge Egutu vnyau jons nyih dvyuk yoh. 2Housoeh las Sarai gas Abram lyis, Yhensain ka ngos lyis lo bos das toeuh ma dyei. Housoeh las nvng ngah jons jyank mas wvng aq. Nyang masyah ngos lo yoh mvbeh, ge. Abram eq Sarai dang gyo dyei. 3Abram gas Khanan mau mas dvci zvn nyeis thang lhyi Abram dah yhensain nyhiq Sarai gas nyah jons nyih Egutu vnyau Hagar lyis nyah yhensain phoq Abram dah nyinhungh kuot. 4Abram gas Hagar jyank mas wvng las Hagar gas ung mha loshang chi los. Nyang nyah ung mha loshang chi los zis seq goeus ya, nyang Sarai lyis ma phauh kuot los.
5Housoeh las Sarai gas Abram lyis, Ngos xauh dah yau gas nah jyank mas jweh bas jungh. Ngah jons lyis nah loq mas dyei las gvshih nyang ngos lyis ma phauh ma nyang kuot. Nvng yahge ngah vjo mas Yhensain soetuon dyei bas jungh, ge.
6Abram gas Sarai lyis, Yoeuh aq, nah jons nyih gas nah loq mas bos, nvng khasoeh kuot mes kuot aq, ge. Hauh uhlyis Sarai gas nyang lyis gyvzaiq gyvnang kuot las Hagar phang thuq loh.
7Gvshih Yhensain dah loeuswons soeu dvyuk gas, Shur pheh loh cho nvm mas dah jeisthuq dwang vyvm mas nyang lyis nyvng las, 8Sarai dah jons nyih Hagar eh, khalhye yah thuq los? Khapheh loh nyeis lah, ge nyei. Nyang gas, Ngah yhensain Sarai jyank masyah phang los, ge.
9 Yhensain dah loeuswons soeu ka, Nah yhensain jyank mas doms loh las nyah o mha gop nyeis aq, ge. 10Yhensain dah loeuswons soeu nyang lyis taiq shih zis gas, ngos nah vnyau vshih lyis ma yoh suon lo shoq jebais los nhang das, ge. 11Yhensain dah loeuswons soeu tsoq taiq shih zis gas, Yoeuh aq, nvng ung mha loshang chi toh las yukgislo khoeu das, nyah nyings lyis Ishmael#16.11 Ishmael ge zis Hebre mas, Mangso xauhgyo, ge vjyuk bos. oen nyhink dyei chah: khasoeh ge lyis nvng xauh dah shohjyen lhyi Yhensain gyo yoeus dyei. 12Nyang gas dius ye duot las yuk khanghmuh dah jes duot das. Nyang lyis yuk khanghmuh jes kuot das. Nyah vmang vnoeuh moq yah gang las nyeis das.
13Housoeh nyang yah jisgoh dah Yhensain lhyi, Nvng gas nyvng dah Mangso nghuot, ge lui. Khasoeh ge lyis ngos Mangso lhyi jyoengh nyvng las haih cho taiq das xiklyis dwis nyeis nyvng, ge. 14Hauh dang masyah dius jens gas Kadesh yahge Bered vjo mas dah jeis dwang lyis Berlahairoi ge lui.
15Hagar gas Abram lyis yukgis lo khoeu dyei las Abram eq nyang lyis Ishmael nyhink#Gal 4.22 . 16Hauh uhlyis Abram gas xetci khyuk zvn bos goeus.
Currently Selected:
VPOM 16: NCB
Označeno
Share
Copy
Want to have your highlights saved across all your devices? Sign up or sign in
Ngochang Common Language Bible © Bible Society of Myanmar, 2010.